社区

㖊日拣咗只恒指熊，直头系向住要今年内新低嘅方向出发，借埋牛熊证街货图嚟睇，两层过千张嘅期指街货层亦都系目标；即系话24000点点都要穿！ 及至11点18分，真系好似完成任务咁款，指数以「一点穿心法」将24000点呢个位拮穿，系呀，㖊日低位系23999，之后见指数回上，淡仓亦都完成任务；可惜嘅系注淡仓喺作战室就10点开出嘅，但如果喺呢度睇完文之后先至出嘅话，条Slow STC(14.3)未确认抽上走人先至有正数执到。 见到㖊日嗰两层千过张期指街货嘅重货牛，咁样「一点穿心」队死咗，都真系有啲感觉佢系硬穿嘅，所以㖊日喺作战室拣咗只贴价牛出嚟，讲到明系打靶都唔肉赤注。 今朝未开市之前见到个牛证街货首五层里面已经有四层每层储咗有过千张期指街货，剩返嗰一层都有900几张期指街货，成堆好友「筑人墙」等指数开波射罚球。 搭正9点20分港股终于都起脚，开市口价终于都博得到一个著绿灯嘅裂口，有货坐过夜嘅战友亦都31格正数离场。 至于吉仓的都有喺今朝顺U盘方向追出好仓，依家9点49分，指数再向上爬到上24600点楼上，即市出好仓嘅都有100点正数，呢一注全清还是出风筝策略，就随得战友们喜欢啦。 小时图上亦见今朝指数裂口高开，一举上破10/20线，SLow STC(14.3)两线亦都见明显嘅触底上行，由上周四(6月4日)到㖊日keep住于保历加下降通道运行嘅模式终于都见突破，虽然依家唔系见到通道口拓阔，但至少都仲可以跟住Slow STC(14.3)两线往超买方向，Swing Trade由底线到顶线啦。 $UB#HSI RC2810P.C(56513)$ ，收回价24128点，企远啲安全啲，同现价有约510点，但唔会系依家呢个位嚟追入，因为五分钟图嘅Slow STC(14.3)已经上到天花板，所以比较安全嘅系等返

㖊日拣咗只 $HS#HSI RP2904F.P(55595)$ 出嚟，策略系借返五分钟图见反抽上10/20线唔过时先至出动；甚至用返Slow STC(14.3)上到超买位后见触顶向下先至出都得，大胆地向下望住佢会唔会创年内新低。 喺下半场开市无耐，有见 $HSI(HSI)$ 向下再压低见24707点后出平底再上，真系同年内低位24703点争4点咋！睇到都觉得「牙烟」；不过随住之后有见Slow STC(14.3)触底上，恒指熊(55595)当完成一趟Swing Trade计，呢一注平均都有4.14%。 㖊日嘅下半场其实喺作战室都有再追多次淡仓，不过指数回返上去244位置，以为年内低位2420x点呢个够照啦；谁不知今朝起身开电视见到外围跌到「fing ling fung lung」(拼到呢四个字我话你叻!)，月初喺作战室拣嗰只恒指Put若然守到依家嘅话，已经揾得返全年会费仲有剩；放心，喺呢度都有拣到出嚟嘅。 然而，㖊日指数最低见过24207点，同3月嘅年内低位24203点只系争4点；而日线图上见指数亦都出咗低位「十字星」形态；叠多个月线图嘅20月线接住，成个整样都系有似出技术反弹，但更大嘅可能系要用「弹高熊」嘅策略。 指数今朝微跌27点之后见底开高走，依家9点49分，作战室已经有战友偷完牛再偷熊正数收工，而喺五分钟图上见指数暂时高位上到24492点，同前日嘅五分钟图开市裂口底24496点相约，上到之后见指数重新向下，果然系要出「弹高熊」。 嚟到依家9点57分，作战室再追多次淡仓都收埋正数，至于我...嘿嘿，因为今日打完个策略出嚟之后个市已緀变咗，所以作战室开糊嗰班友仔基本上都系一齐玩咗好耐、已经好熟悉技术分析

㖊日拣咗只 $UB#HSI RC2807J.C(58230)$ 出嚟，讲到明都只系爬住格仔啫，用小时图10线做上望目标。还好指数上得到，比到个食糊位出嚟，皆因以收市价计， $HSI(HSI)$ 系重新低走于小时图10线。 美以伊战争再度重燃...其实好似都无停过，而6月初喺日线图上见100/150线出阻力+「身怀六甲」喺线前出现，恒指Put喺呢度都有拣到嘅，只不过唔知大家仲有无揸到呢依家呢一刻啫。 今日再睇个日线图，整条保历加通道保持向下而指数亦都贴住底线向下落，而今日嘅100线同150线都愈来愈近，两者只系争13点，随时明日或之前应该会见到100线低走于 150线，再出多个「死亡交叉」之余，更重要嘅系五条平均线(10/20/50/100/150线)倒序排列，属中线利淡讯号。 至于条250天线 aka 牛熊分界线，今日已经高走于50天，即系佢今日同50线出咗「死亡交叉」；同100线位都仲争331点，即系话如果日线图上再出多次「死亡交叉」嘅话，呢个就系传说中嘅「终极死亡交叉」。 再拎埋个牛熊证街货图出嚟，见今日牛证有储住过千张期指街货嘅已经有三层，喺240至242嘅范围。而由于日线图下方都无晒平均线，得返条保历加底线，所以唯有向前追索返啲低位嚟拉线，先于3月下旬有一个24409点嘅低位；再向前见3月中左右嘅低位24203点，而24203点亦都系暂时今年嘅低位，刚好亦都系牛证嘅重货区。 $HS#HSI RP2904F.P(55595)$ ，收回价24962点，同现价有约513点距离，已经系市场上最贴价嘅熊证，而(55595

㖊日拣咗只 $UB#HSI RC2809P.C(66695)$ 出嚟，皆因见到小时图㖊日首半个钟低位出咗「Hammer」；但同时安全起见，借返个五分钟图向上逐线逐线向上打稳阵啲。 呢注喺文中计虽然都叫正数，但严格嚟讲扣埋手续费之后其实都只系打个和；作战室注好仓比较早开出，系见指数反抽上过开市位/10线后就出咗啦。 今朝 $HSI(HSI)$ 低开105点后，见小时图SLow STC(14.3)出到触底上，又24500有条底线喺度，所以作战室今朝早都偏向系出好仓。 依家9点43分，指数喺五分钟同小时图都有开始出「三角形」嘅走势，当拎埋个牛熊证街货图出嚟，谂住指数再向下时，佢又忽然抽高上返去，将个「三角形」拉返变到「长方形」咁行。 基于未捉到指数方向，所以10点前用paper trade方法嚟试捉指数方向先，呢个「长方形」只得100点高。 10点前终于见到指数向上突破「长方形」顶线，借小时图底线24500点嚟出仓最好，不过依家有似将个底线向上移高到24600点咁。 $UB#HSI RC2807J.C(58230)$ ，收回价24068点，同现价有约500点距离，杠杆约有44.7倍，企到嚟呢个位主要系避开242同241呢两层每层有过千张期指街货嘅重货牛啫。 爬住格仔先用小时图10线做上望目标先，企得到过10线咁威嘅话，先至再继续hold上去啦。 作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。 想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》

上个星期五无拣到货出嚟，皆因出文时都仲见到指数于五分钟图上出「长方形」；出文之后先至有方向，所以作战室全日淡仓出动追落。25000点攻防战喺下半场最后大约个半钟头出现，但淡仓喺嗰时已经清晒，提早Happy Friday! 但个Weekend就一啲都唔Happy，上星期五美国股熊咁款，去到星期日见黑期都唔开胃，今朝港股未开市，韩股率先触发熔断机制，最后港股今日开出嚟口价同㖊日行嘅雷差唔多，低开379点，报24582点。 开市前作战室见 $HSI(HSI)$ 都食咗首四层牛证，当中包括重货牛，睇埋24500至24599点呢一层都有逾700张期指街货，所以喺开市前Plan定出淡仓追落。还好喺跌市方面港股系唔会令人失望嘅，甫开市向下入到244位置，245全层都顺利收埋，喺五分钟图低位有见「十字星」物体，都即刻喺作战室比个星星嘅icon出嚟，提醒大家系一个喺有淡仓在手时要小心嘅阴阳烛形态(即系格数仔格走货啰)。 睇住指数出完「十字星」后再变大头嘅「Hammer」(又系要比星星icon嘅)，再爬返上今朝开市位，再24600点见返，换保历加通道见整条通道向下走，作战室都默默地做反手，好仓出动。 依家10点19分，睇埋小时图都有「Hammer」出现，SLow STC(14.3)两线微微触底上。 借小时图「Hammer」出现而去好仓嘅话， $UB#HSI RC2809P.C(66695)$ ，收回价24250点，同现价有约350点距离，杠杆有约60倍，Day Trade用嚟博小时图喺11点打后个摆位可以再高啲，不过安全起见，借返个五分钟图向上逐线逐线向上打稳阵啲。 作者阿珊，以技术分析玩轮证，唔贪心，努力赚取我家肥猫罐罐ฅ

㖊日拣咗只 $HS#HSI RP29022.P(68024)$ ，小注出动纯往小时图Slow STC(14.3)两线都食晒入超卖啫。 㖊日朝早有其他嘢忙紧，所以出文后到再睇文都已经10点45分左右，还好之后 $HSI(HSI)$ 都有再向下，只系速度无开市初段咁劲。呢一注都有正数嘅，只系无谂到呢注可以揸到完场，因为去到完场前见小时图嘅Slow STC(14.3)两线都keep住喺超卖个位，即使触底上但两线数值仍然低于20，即超卖位。 如果呢注货hold过夜嘅话，今朝开市见指数跌67点后，斋睇点数觉得无乜嘢，但见指数摆位再次走入牛证第一层街货层，而且呢一层亦都系重货位，所以(68024)基本上有过夜嘅话，今日返嚟慢慢揾位走都可以。(但【月度报告】会以唔过夜注计算) 系嘅，不论过夜淡仓还是即日淡仓，大家望到个牛熊证街货图，都会觉得下方嘅牛证系吸引嘅，但到依家9点49分，五分钟图上见四支烛出有三支到过25114/25115点呢个位之后就抽上去，10点未到喺五分钟图出咗个「三角形」出嚟，咁点搞呀?! 换个小时图都系烦，因为以指数暂时高位25216点计，刚好低于小时图条顶线25217点，睇埋保历加通道口拓阔，同埋Slow STC(14.3)有似出超卖再超卖，好似呢个图嘅值博率高啲。 再到依家10点17分，见五分钟图都未有方向，只系出咗个「长方形」出嚟，唔上唔落；唉 ~ 算啦，今日都系Happy Friday收工啦！ 作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。 想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google B

㖊日拣咗只 $UB#HSI RC2809N.C(66578)$ 同 $UB#HSI RP28107.P(62100)$ ，做定两手准备，皆因出文时都有见到小时图Slow STC(14.3)触顶向下，借小时图10线嚟做出好还是出淡嘅决定：企得到10线以上就去做好仓，借保历加顶线同10线呢两条线嚟夹住指数，借整条保历加通道向行；但如果指数向下低走于10线，就出淡仓顺Slow STC(14.3)两线向下到超卖，嚟当做一趟向下走嘅触顶swing Trade。 以㖊日Patreon出文后再睇返个走势图，已经见到指数低走于小时图10线以下，确认系拎只恒指熊(62100)落场。估唔到呢一注一hold就hold到过去下半场，作战室都系一样，望住小时图20线呢个目标嘅同时，都有反方向set住以五分钟图嘅中轴作为上方量度线。 当然啦，keep住望住小时图20线做目标嘅话，咁就变相过咗夜。 今朝起身睇新闻有见话再嚟多次加征关税，美股隔晚又跌500几点，港股㖊日已经跌咗落去，今日返嚟亦都有见低走，不过今朝自己比较忙，所以喺作战室都晏咗少少(大约开咗市后12分钟到)先至顺U盘方向嚟追只淡仓出去，兼留低一句「睇住五分钟图STC到超卖」。 再到依家忙完一轮，睇睇钟到10点12分，睇返作战室已经有战友食咗糊，因为五分钟图嘅Slow STC(14.3)两线都已经到超卖位；当然亦有部份决定继续持有或出风筝策略，望嘅都应该系25300至25399点嘅重货牛全数被收回啫。(打完呢一段已经穿过，作战室淡仓都先收第一注) 至于小时图方面，见 $HSI(HSI)$

㖊日拣咗只恒指熊出嚟做即市Swing Trade嘅，由于出文之后再睇埋文，跟住再睇小时图见指数已经上破咗50线，所以变阵拎返个五分钟图出嚟等Slow STC(14.3)出触顶向下时先至出动，当系平时借五分钟图做一趟Swing Trade咁做。 另一方面，由于指数㖊日爆上，日线图上10线已经破咗，仲过埋条50线，迫到上20线前，所以恒指Put亦都未符合出仓条件。 但睇返日线图，指数㖊日最后都停于100/150线前，而今朝指数低开后有见低走，作战室开市前都已经Mark定淡仓追出之后，再Mark定三个Step睇住啲技术指标走位，去到边一个位要做啲乜，10点前我估佢哋都已经有人爬完格仔收正数之后，个脑返番去工作岗位了。 依家9点45分，睇小时图有见指数同Slow STC(14.3)出触顶向下，而整条保历加通道向上中，系呀，呢啲样又可以先Mark住指数于保历加顶线至10线之间运行先，因为作战室都系咁Plan。 差不多10点，小时图上已经好明显见到大支大阴烛向下落，到时就睇指数系向下穿得过条小时图10线，还是被条10线接住。 如果指数企得住喺10小时线之上，咁可以用只 $UB#HSI RC2809N.C(66578)$ ，收回价25281点，同现价有约520点距离，杠杠杆有约44.5倍，零街货唔驶同人迫。 但如果向下再落嘅话，咁有条件向下再迫条中轴线㖞，到时就用呢只 $UB#HSI RP28107.P(62100)$ ，收回价26150点，同现价有约350点距离，有约53.8倍杠杆，同样都系低街货。 买轮买证都好，总之都系低街货、安全啲好。 作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

㖊日拣咗只 $UB#HSI RC2807U.C(64481)$ ，进取mode借五分钟图10线守得住指数向上而出；虽然 $HSI(HSI)$ 之后好快上到25400多一次兼有再创日内新高，不过出仓嘅时间都比较迟，以Patreon出文后再计10分钟睇文时间嘅话，讲紧系10点20分，比作战室迟咗50分钟，所以呢一注最终要负数收场。 但如果用返安Mode嘅话，喺紧接出进取mode之后都见到有一个可以用得到安全Mode出仓嘅机会，呢一注出仓后持货至下半场目见Slow STC(14.3)两线上返超买收工，Cover到之前进取mode嗰注之余仲有剩。 今朝指数微跌3点开市，不过应该大家都无乜所谓，皆因呢个星期keep住见韩股屡创新高，多得三星电子与SK海力士呢两只权重股拓起条KOSPI。喺香港暂时系无以韩指/韩股做underlying嘅轮证，但有相关嘅ETF，(07747)、(07709)呢啲呢期应该都唔会陌生。(作战室又唔止系轮证嘅...) 依家9点50分，睇住条恒指低开3点之后第一棍冲咗支大阳烛出嚟，仲有走到上25500至25599点嘅第一层熊(呢层亦都系重货熊)，喺作战室其实系有两注货准备出动：一注系即市嘅，一注又系玩过夜嘅。 即市嘅系好仓顺街货方向出，不过今朝出个位都唔靓，系真系见棍就追咗，挨过指数向下落返去今朝开市位后，幸好借得返五分钟图50线企住，10点前比多次25500点楼上，暂时松一口气，再到依家10点12分见指数重新再上食埋25500至25599点呢层重熊，人都安落啲，但喺呢度仲有无位再追呢？ 依家10点16分睇小时图已经企高于50线，Slow STC(14.3)两线已经出紧超买再超买，靠嘅系保历加

上星期五拣咗只恒指熊，文末指用爬格仔mode出动追五分钟图嘅向下Swing Trade呢一趟；但可惜呢一注比作战室出嘅淡仓迟得多，又之后见Slow STC(14.3)触底上嘅速度好快，嗰边正数反而呢边出现平均少输0.5格或1.75%；咁当然之后喺作战室都反手好仓再出啦。 总结5月， $HSI(HSI)$ 都算系应验咗五穷，月内累跌594点；传统上，五穷出现嘅话，咁6月会见见绝。 作战室今朝如常喺开市之前睇返上个星期啲走势图同埋今日嘅牛熊证街货图；但由于今日系星期一亦系月头，所以都会睇埋周线同月线图。从呢两个图上见到嘅技术分析都有似指数保持向下走；「反弹再沽？」战友问到，当然可以啦！又即管睇吓指数弹到去边。 今朝恒指微跌2点开市，呢个点数唔足以够量度方向嚟准备开乜仓，不过都有喺作战室讲定指数开市个摆位都有靠近上方熊证街货；有定心理准备之下喺开市后1分钟终于决定出好仓，仲要一嚟就借小时图中轴嚟出仓，博嘅系指数可以借到小时图嚟出好仓啫。 估唔到嘅系10点未到，指数已经扑到上25400点，文都未出作战室已经食咗今日第一注货。 10点未到有见五分钟图上嘅保历加底线开始横向，指数冲上25400点之后未见企稳，开始重新向下走，如果继续借小时图嚟做向上嘅话，我估出到文到你再睇完之后，已经10点几，随时10点半，到时Slow STC(14.3)两线应该会双双入到超买位，同时指数亦有可能同上方嘅50线摆位近，到时留意指数过唔过得到50线先至决定出唔出好仓再追，最主要系因为保历加通道口收窄。 $UB#HSI RC2807U.C(64481)$ ，收回价24828点，同现价有约550点距离够安全，杠杠有约42.3倍，进取嘅留意五