社区

上星期五拣咗只恒指好仓出嚟，用嚟做Day Trade嘅，睇住五分钟图有三线支持而拣定货。不过以出文后如常用10分钟去睇文，之后再睇返个走势图嘅话，见指数当时于50线上出「射击之星」，同时三线位亦都有见拉开，比多10分钟时间已经有见指数低走10/20线，同步SLow STC(14.3)触顶向下都确认，只恒指好仓可以留返嚟借返平时做Swing时SLow STC(14.3)触底上先至出动啦。(呢注唔mark入《月度报告》，因为后段用返SLow STC(14.3)做Swing喺上个星期五嘅文章度系无Mark到嘅)

今日 $HSI(HSI)$ 再来高开，而摆位上日线图嘅100线失而复得，本身都打定安全牌小心指数高开低走，不过见佢好似坐得住五分钟图嘅100线，你都知依家指数郁一百几十点都系一两分钟嘅事，第一注试水温兼抢吓格仔嚟做今日稍后时间嘅本金，所以好仓先追出去；学战友们话斋：食咗个靓早餐先嘛！

仲有4分钟先10点，小时图暂时有见指数都仲企喺10线上，我系等紧10点后睇吓指数可唔可以企得稳喺10线上面嘅同时，Slow STC(14.3)会唔会转得返个势呈上。

10点后见指数都仲企于小时图10线上面，不过SLow STC(14.3)两线就未见扭得返向上。连同五分钟图都有见指数同SLow STC(14.3)出触顶向下，借呢个图嚟出淡仓博行Swing都真系讲得通。

$UB#HSI RP2903L.P(64946)$ ，收回价25018点，见企到呢个位都知系安全为上啦，同现价有约420点距离，杠杆有约57.3倍够做Day Trade，街货唔多于10%都Ok㗎啦。用返平时五分钟图做Swing Trade方法咁做啦。

另外，上个星期五仲睇咗只 $GALAXY ENT(00027)$ ，纯綷系见到日线图有出到触顶向下嘅样，不过可惜嘅系，现市时场上得返唯一一只银河Put；话分两头，如果资金看淡银娱的话，咁就变成焗买。

而呢注用到Put同日线图，都有定心理准备系过weekend；但如果选择唔过夜嘅话，即日计平均都有4格收到㖞，最多则有6格，唔差㖞。但如果你有货Hold到过weekend嘅话，依家见股价目前仍然低走于小时图10/20线，就用呢两条线做上方量度线啦。

今晚开始一连四个星期一，系我人生中第一次教班，如果你已经报咗名嘅话，今晚见(多多指教)。

作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。

想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。