社区

上星期五拣咗只恒指好仓出嚟，用嚟做Day Trade嘅，睇住五分钟图有三线支持而拣定货。不过以出文后如常用10分钟去睇文，之后再睇返个走势图嘅话，见指数当时于50线上出「射击之星」，同时三线位亦都有见拉开，比多10分钟时间已经有见指数低走10/20线，同步SLow STC(14.3)触顶向下都确认，只恒指好仓可以留返嚟借返平时做Swing时SLow STC(14.3)触底上先至出动啦。(呢注唔mark入《月度报告》，因为后段用返SLow STC(14.3)做Swing喺上个星期五嘅文章度系无Mark到嘅) 今日 $HSI(HSI)$ 再来高开，而摆位上日线图嘅100线失而复得，本身都打定安全牌小心指数高开低走，不过见佢好似坐得住五分钟图嘅100线，你都知依家指数郁一百几十点都系一两分钟嘅事，第一注试水温兼抢吓格仔嚟做今日稍后时间嘅本金，所以好仓先追出去；学战友们话斋：食咗个靓早餐先嘛！ 仲有4分钟先10点，小时图暂时有见指数都仲企喺10线上，我系等紧10点后睇吓指数可唔可以企得稳喺10线上面嘅同时，Slow STC(14.3)会唔会转得返个势呈上。 10点后见指数都仲企于小时图10线上面，不过SLow STC(14.3)两线就未见扭得返向上。连同五分钟图都有见指数同SLow STC(14.3)出触顶向下，借呢个图嚟出淡仓博行Swing都真系讲得通。 $UB#HSI RP2903L.P(64946)$ ，收回价25018点，见企到呢个位都知系安全为上啦，同现价有约420点距离，杠杆有约57.3倍够做Day Trade，街货唔多于10%都Ok㗎啦。用返平时五分钟图做Swing Trade方法咁做啦。 另外，上

㖊日拣咗只 $MS#HSI RC28123.C(61471)$ 出嚟，还好出文后指数都仲有得再上，午前冲到见247，首八层熊证全数被收回。而(61471)虽然有正数，但只牛太「重」啦，已经拣到最高杠杆同最贴价㗎啦，但都成毫三子跳唔起，不过正数就算啦。 急弹嘅后遗症通常都会急挫嚟打回原形。今朝起身见隔晚美股跌近1800点，韩股开市就溶断，日经一开亦肚泻mode都就知咩事。 $HSI(HSI)$ 今日低开300几点，落返去24400点边皮位之后，本身喺小时图上面见到㖊日最后高挂「十字星」+Slow STC(14.3)转方向下行，谂住有得再落，但换个五分钟图有见指数企咗喺100线，及至开市之后有见指数两次踩得住条100线再上，于是变阵以好仓追上，10点前有见指数向上扑返最近嘅10线后，先收起大约150点正数，安全啲好。 依家10点9分，五分钟图上见指数暂时处于保历加下降通道运行，不过反手都未系好确认出得到(有入过Discord嘅都知我份人系几咁保守)，皆因五分钟图上见10线位都未完全穿得到，依家出仓喺我眼中都只系当偷步mode。 再嚟到依家10点20分，指数重新落返去245，作战室淡仓出动咗嘅，依家应该数住格仔，睇吓边个位走。 暂时计指数都开始用返相对窄位嘅幅度运行，而作战室目前都只系用五分钟图嚟借线偷位；所以谂住揾只个股出嚟呢度睇睇吓有无得做，但揾揾吓揾到呢只曾经热门嘅冷门嘢，不过个图真系得呀嘛~图表派就系咁盲目㗎啦。 系 $GALAXY ENT(00027)$ ，日线图上见股价㖊日随大市高走过150线，不过佢系高开低走但

㖊日无拣到货，主因上半场自己初段时间做错咗方向之后，就无咗个方向，乱咗位就唔拣啦，免得害人；还好下半场好仓有出到，虽然喺作战室未到于一注到尾(我分咗五次)，但总算叫做捉返啱个方向先。 美国中期选举尘埃落定，隔晚美股出现了久违嘅升势，至于今朝港股只系开升300零点，但如果计埋㖊日下半场开市嗰段路嘅话，其实一啲都唔差。 嚟到依家9点45分， $HSI(HSI)$ 已经开升入24500点楼上，连同㖊日下半场到依家嘅升幅(以㖊日中午收市23529点)计，累计升咗992点，所以作战室即使向上再追上去，都变阵以且战且走/风筝策略为主。 10点未到指数向上冲过埋日线图嘅100天线，是但啦反正今日作战室好仓注，不论是一注过还是分注追，都已经正数，之后佢高位定住唔郁嘅话都唔紧要，禾青已割。 明白见到指数升成600几点好陌生，敢追，等紧指数高开高走完后捉转角向下出淡仓，因为作战室里面都有同样嘅情况；无坏㗎，各有各玩法。 10点后有见小时图保历加通道口继续拓阔，Slow STC(14.3)都开始有条件出到超买再超买，借佢嚟再出好仓追嘅话，知道熊证街货都被扫得七七八八，但指数目前同牛证嘅距离实在太远，就算熊证再无货，都无乜嘢会令到佢反方向下行跌返600几、700几咁追杀返啲牛。 $MS#HSI RC28123.C(61471)$ ，收回价23437点，同现价有过1100点嘅距离，杠杆有约19.7倍，已经系现市最贴价嘅牛群之中杠杆最高，今日新上市所以未有街货。 依家10点11分，指数定住喺2458至2462呢个范围等紧五分钟图嘅10线上嚟，如果接得住嘅话先至出只(61471)，否则熊证出安全啲都揾住24800点至25000点之间收

㖊日写文时见 $HSI(HSI)$ 顶住23500位唔上唔落咁，于是走咗去睇个股，见到今日车股都醒神，所以拣咗只 $BYD COMPANY(01211)$ 出嚟，见日线图好似想企返上条中轴线以上咁，于是揾只贴价少少嘅 $UB#BYD RC2612A.C(63669)$ ，睇吓有无得做一趟Day Trade。 做就做到，不过证价唔就，所以最后都只系打和。 今朝见恒指低开落返去，五分钟图上亦都有见Slow STC(14.3)喺超买位向下，拉到咁高嘅一个位嚟出触顶，喺作战室摆定个淡仓Plan出嚟。 好景虽然系不常，但都会发生㗎嘛，指数低开后高走都系作战室Mark定埋㗎啦，但就系自己个人灵魂唔知去咗边，明明嗰Plan喺晒度但都捉错咗出仓位，搞到方向错晒，变咗镬粥咁。 最后我自己喺一个唔靓仔嘅位先至出仓，明知自己今日弱就顺势等耐少少先至出，数住格仔鸡啄米mode就算啦；至少唔会害到人先啦。 依家10点19分，终于完成今日第一注淡仓之后，等紧有无机会可以做返一注触底上嘅好仓，比返Swing嘅走势出嚟。除咗谂住借齐数点嘅23400点之外，换个小时图亦见中轴线同24300点相近，只不过小时图嘅保历加通道口收窄中，Slow STC(14.3)两线向下，中轴线守唔守得到似乎要等10点先有结果。 咁啱今日亦都系美国中期选举，依家嗰边点紧票，美股一定望住个结果嚟做啦，至于港股都应该大机会企喺度等结果。本身谂住喺呢度拣只好仓睇吓有无机会做到触底上，但都好似无乜方向咁，都系算啦，反正今日我自己都弱，都系唔好害人啦。 作者阿珊，以技术分析玩轮证，唔

㖊日拣咗只 $UB#HSI RC2809C.C(60016)$ 出嚟，先等五分钟图Slow STC(14.3)两线回落到超卖位后，用返平时做Swing Trade方法出呢注牛。于上半场内已经可以完成呢一注，平均有22%正数，为11点打响头炮。 今朝恒指再来高开，喺作战室都有Plan定出好仓，唯甫开市后有见指数出齐上下影线，最后指数向下落到23350点位成功筑底后向上高走，作战室都系等佢方向行定时先到出好仓。 依家10点12分， $HSI(HSI)$ 暂时日内已经第三次扑上23500点但都系无功而回，喺五分钟图上仲有见到「三角形」物体，咁即系我可以专心打稿。 指数要等佢过只「三角形」，咁就喺个股个边玩吓先。见只 $BYD COMPANY(01211)$ 今日叉好电跑出，日线图上见股价都仲穿过条中轴线，Slow STC(14.3)触底向上又保历加通道横行，好似有得玩。 借日线图10线(约70.16元)做下方量度线的话，咁似依家最贴价嘅牛证收回价66元计，唔怕啦；再比多少少做缓冲位咁 $UB#BYD RC2612A.C(63669)$ ，收回价65元，杠杆有约8.1倍，低街货都好重要㗎。 不过，依家10点23分见比亚迪嘅五分钟同小时图SLow STC(14.3)都上到超买位，如果要揾一个相宜少少嘅位做买入嘅话，咁要比少少耐性去等返股价回落返去啲平均线位见支持，甚至见SLow STC(14.3)回落到超卖位出触底先好出动啦。 最后，提返㖊日

上星期四Bookmark咗只 $CHINA MOBILE(00941)$ ，再系上星期五拣埋只中移牛证出嚟，讲明做Day Trade嘅，所以用返平时做Swing Trade嘅方法嚟做。 按Patreon出文后如常用10分钟去睇文，跟住再睇返个走势图，有见股价已经重新爬返上五分钟图10线以位置，都符合Daily Swing Trade进取mode出场；即使系下半场借多次10/20线嚟出，2点打后都已经升抵上星期五画住嘅目标价(10月21日下跌裂口低位79.9元)，所以呢一注系可以做得到，兼收到9.26%正数嘅。 今朝 $HSI(HSI)$ 开升7点，报23301点，刚好扑返上23300点叫做企近上方熊证街货，所以喺开市前作战室都先mark住以出好仓方向行事。 及至开市后有见指数闪完红灯再比返绿灯，有战友已经趁机抢好仓返嚟；再嚟到依家9点46分，恒指有见似扑上去23500点呢个位，而以暂时高位23497点计，第一层熊证23400至23499点嘅街货已经全数被收回，即系话战友们持货大约15分钟已经可以数格仔获利。 今日指数好似做得都唔错嘅，10点未到都有扑得到上去23500点楼上，换小时图上亦都有见保历加通道口拓阔，下方亦有10/20/50线接住指数，系争Slow STC(14.3)未转返向上啫。 趁未到10点，睇埋个日线图。今日指数开市口价都已经企返上日线图10线以上，同步由10月22日出裂口大阴烛至上星期五止，指数于228至230位筑底，今日连同Slow STC(14.3)抽上，叠加踩住熊证街货层，似乎好仓有得再追。 要留意嘅系自今年9月日线图失守20线到依家，都未曾成功企得返上20线以上位置，想hold一

10月份于【轮证赢家】文中是成功出仓的次数有16次，全月计虽然正数107.56%，但为2026年中暂时表现最差的一个月。 总括本月在16次于策略上成功出仓中，10%以上的赚幅的，有7次，10%以下的有5次，亦有三次录得负数。 因所有计算并未计及透过交易而产生的费用，故单计以10%以上正数作为真正的赚幅的话，本月其实真正赢面为43.75%，只不过当中有两次平均正数有逾三成，故能保住全月的正数百分比。 本月只有一注为过夜注，出奇的是个股，而该注亦是本月最重伤的一注。 开始接近年尾时间，12月严格来说因为节日及假期较多的关系，大市往往都在下半个月已开始「放假」；换言之实际日子尚余个半月。 年结计算的话，如果今年全年有盈利的，亦有可能提早收炉或轻松玩；成续一般的，仍可再接再励。 由创升智慧主办的窝轮兴趣班将于11月9日起一连四个星期一晚在于尖沙咀开始，据说尚余两至三个名额，是的，主讲是我，有兴趣「上吓堂」、「捉住我嚟问嘢」的话，请上创升智慧FB - Innovax Intelligence 查询，感谢 。

㖊日都系无拣到货出嚟，不过就Bookmark咗只 $CHINA MOBILE(00941)$ ，因为见佢日线图77蚊筑底成功后，借Slow STC(14.3)两线触底上到㖊日见中轴线前，暂时出咗上影线，就系等睇佢过唔过线。 今朝返嚟 $HSI(HSI)$ 再来高走，开市口价上返去23000点楼上，喺作战室今朝mark住指数出高开低走先嘅，因为我都怕会又嚟弹高熊；但开市后有见指数做完佢嘅低走之后，极速反扑番上去开市位，作战室好仓追出，到依家10点5分，都已经有战友先收起第一注好仓正数；再嚟到依家10点7分，有好贪心地mark住日线图10线做好仓目标，但我怕再晏少少自己药力发作(系，我前日睇完医生，抗生素+类固醇中)，所以我都选择见好就收。 望下只中移，㖊日mark住日线图见保历加中轴前出上影线有啲担心，但今日股价随大市上行过中轴，再加上Slow STC(14.3)两线保持上行，咁都有符合到出好仓条件。 唯先小心嘅系股价目前于日线图上都有上影线出现，所以前题是保历加中轴必须一定要守得住股价。 其次，于上周三(21日)出现咗一个下跌裂口，底部为79.9元，依家10点18分见股价造紧79.25元，其实同呢个位好近。 $HS#C MOBRC2807C.C(62553)$ ，收回价76元，同现价有约3.8元收回距离，呢个位亦都比10天线(78.46元)为低，系呀!用10天线做下方量度线可以嘅。 Day Trade的话，依家(10点23分)五分钟图上有见股价向下低走于10线，而SLow STC(14.3)两线亦都触顶向下刚刚离开超买

㖊日无拣到货出嚟，因为即使做Day trade嘅，都只系喺五分钟图上偷吓点数，作战室喺开市首半小时玩完两注之后，都要等到11点先至再出到第三注货，比埋下半场开市后一注淡仓，咁就已经可以收工。 今朝如常的喺作战室睇今日新嘅牛熊证街货图同recap返㖊日嘅走势图，最后会执定一pair货出嚟备用。就系执货嘅时侯发现平时用开嗰间发行商嘅网站好似停止运作咁...我好想打电话去问佢哋系停止咗呀，还是维修... 「咁你可以用其他㗎嘛」第一，用惯咗个UI嘅话，一时三刻要重新适识系好令人气馁(你睇吓马会只App个UI仲可以保持到原有风味就知)；第二，我老友当年喺呢间发行商仲做紧嘅时侯，曾经我有同佢讲过话加街货(%)同距离收回价(点/元)呢两粒数上去，当系比我自私用呀(哈哈~)，所以我对呢个website都真系有啲感情。 今日期结日，指数chok到呕白泡就预咗，呢啲日子多数都系靠战友们自己操盘，因为围炉得嚟指数已经变咗样，依点10点21分，五分钟图一支烛闲闲地都50点嘅，咁你话点围炉？又所以每逢期结日，一系当小测，一系休息日，再唔系就观战，因为有部份战友真系可以trade得到，小测满分。 再嚟到10点47分，作战室战友们分享紧自己个半钟头唔够Trade 七次嘅心得，反正追唔砌，听吓人讲咩都好呀。 而我就睇紧无个股可以执出嚟玩，内银真系好强但星期一喺Patreon度已经出咗，依家个样有似要等佢回一回少少先。 揾到...都真系要交稿啦，唯有拎只 $CHINA MOBILE(00941)$ 出嚟啦，但佢未系我心目中可以即刻追得嘅货，因为日线图上见77蚊筑底成功后，借SLow STC(14.3)两线触底上到今日见中轴线前，暂时出咗上影线，无错！佢都系要等嘅。 所以...今日不如先Bookmark住只中移先。 作者阿

㖊日拣咗只 $UB#HSBC RC2809L.C(56147)$ 出嚟，讲到明都只系做 Day Trade，同时睇住小时图20线，企得住嘅话先至出动，如果唔系嘅就睇返五分钟图，借返平时啲Slow STC(14.3)睇吓有无得做Swing Trade啦。 以㖊日出文后11点小时图Update咗之后计，股价有串过小时图，只系喺上半场完场前守返上去，未算企稳。 中午 $HSBC HOLDINGS(00005)$ 出咗份符合市场预期嘅业绩，不过市场明显唔Buy，午后返嚟见股价大阴烛向下，由142蚊直插到大约136蚊，恒指亦都被佢拖累将跌幅扩大到逾100点，再次失守23100点水平；多得收半场前有战友提醒借汇控业绩嚟出淡仓呢个策略。 的确，炒业绩呢个游戏同佢条件好同唔好都无乜关系。业绩好价升同业绩唔好价跌，唔难理解啦；但系业绩好价格，可以解读为趁好消息出货/管理层对公司前景预测同市场有落差；而业绩差但股价上，亦都可以被讲成最坏嘅时间已经过去，最差嘅情况都已经出现晒...之类；总之，分手同一齐嘅理由有好多，但结果只得两个。 至于第二个出食策略系用返平时嘅五分钟图Slow STC(14.3)做Swing Trade，拣好仓的话即系等触底上。有嘅，就系出咗业绩之后嘅下半场出现，不过，呢一注都系要负数。 今朝 $HSI(HSI)$ 高开后暂时呈先高后低走势，小时图上有见SLow STC(14.3)处于超卖位准备触底上，再加埋23000点有似接住指数，但同时上方10/20线亦出紧力，顶住指数唔比上咁。 换个五分钟图出嚟嘅话，暂时作战室先好