社区

㖊日拣咗只恒指牛出嚟，见指数爬得返上25000点嘛，又企埋上50天线，不过如果做即市嘅话，五分钟图嘅Slow STC(14.3)又实在太高啦，等佢落返去超卖位先至出，做返一趟平时做开嘅swing trade，估唔到呢一等就到等2点几先至见到，但可惜下半场时间往往波幅都系比较细，佢出得到个走势但波幅唔够，就算正数但计返手续费都系打个和。 坦白讲呢一两日我都算系黑仔，继㖊日系作战室负数之后，今朝见指数继续企住喺25000点楼上就Plan出好仓，一掟个Plan喺作战室度就即刻喺五分钟图出咗条上影线出嚟，再三提醒大家我近期黑仔之下，战友们亦醒水同我做相反，又系10点未够已经收晒正数，皆因指数刚好落到50天线水平，所以先收正数再返番埋去佢哋将写字台度工作算啦。 10点后确认到 $HSI(HSI)$ 向下低走于小时图10线，有战友未驶咁快工作住就继续hold住注货，齐齐望住小时图嘅20线做下方目标。 依家10点13分，指数有似再往下走，依家指数跌269点，报24739点，50天线失守+Slow STC(14.3)%K线数值低走于%D线，值得出淡仓。 $UB-HSI @EP2611B.P(13054)$ ，行使价24000点，同现价有约价外3.2%，杠杆有约9.04倍，今年11月27日到期属中期轮，用佢嚟出仓就当然换上日线图去做啦，但比两个出仓条件：1. 3点45分时再睇吓50天线系咪确认低走得到；2. 小时图20线穿得到嘅话，咁即系7月头到依家小时图「上升通道」嘅形态拜拜，斋追小时图Slow STC(14.3)两线向下都有得玩。

㖊日拣咗只 $HS#HSI RP2904E.P(55589)$ 出嚟，系谂住借小时图捉浪顶位向下嘅；当然如果你系谂住五分钟图借嚟做Swing Trade一趟嘅话都系可以嘅，反正拣嗰时只熊嘅杠杆都够做Day Trade。后者呢个玩法喺㖊日做到两次，不过一正一负，但拉均计都有4.88%正数赚幅嘅。 依家10点12分，喺作战室己经先好后淡两注货食咗，好仓注系过夜嘅，淡仓注系见今朝251上到但企唔稳而开嘅，不过大家都已经拿拿声偷完食完之后去开工啰，半个钟唔够偷咗成百点，本人认为呢个「时薪」都真系高得有啲离谱。 今朝未开市之前喺作战室的确Mark住晒啲位， $HSI(HSI)$ 的确系有可能再被日线同周线图啲线顶住，所以都有喺作战室嘅中长线班房mark住唔过线嘅话就要清咗注中线好仓；还好今朝裂口高开之后仲上到251点，反借50天线做下方量度线再守住嘅同时，风筝策略亦都出得。 即日嘅又点搞?!坦白讲呢两日喺作战室都系用Swing Trade嘅方法捉上落，少少辛苦但还好幅度都够，所以要转身快但短时间抢到一注返嚟。 嚟到依家10点30分，25100至25199点嘅熊证未死晒，而指数今日第三次再冲上25100点楼上水平，喺五分钟图上已经见到顶线出现啦，安全嘅当然系企得稳于25100点先至再出动啦。 $BP#HSI RC2809N.C(60018)$ ，收回价24350点，同现价有约600点距离已经系最近嗰只啦，杠杆有约35.1倍亦都系全场最高

㖊日拣咗只 $UB#CNOOCRC26106.C(68080)$ 出嚟，皆因见油价又上过，所以拣只油股出嚟爬下格仔，文末讲明Mark住小时图10线见支持先至出动，不过睇返㖊日中海油嘅走势，10线根本都无踩到就过，见上硬追即日Day Trade收正数零难度；不过呢一注都唔Mark落去【月度报告】啦，因为喺文末无讲低可以直出硬追嘅。 今日市场焦点除咗系法国入世界杯决赛同等睇今晚英格兰对阿根廷之外，DSE放榜亦会霸占晒所有新闻嘅A1位置，老娘我梗系唔系DSE，只不过都想同各位DSE学生讲句：It's no big deal.那怕你今日收到张成绩单比隔离位个同学低分，但唔等于你日后嘅生活比佢差；老爸教落：呢个世界识人好过识字。 正如港女隔离位嘅同学仔美股，㖊晚都做得唔靓仔㗎，唯港女今日开升210点，报24551点开市，之前两三日仲mark住244同245出阻力，今朝一开市就队穿佢，七翻身真系有啲料到。 不过， $HSI(HSI)$ 喺开市之后用咗接近半个钟嚟喺高位行咗个「长方形」之后，作战室喺9点54分终于开出好仓，刚好食到指数上行到246 aka 熊证第二重货区。10分钟唔驶指数向上高走接近100点之后，战友快极食糊，好仓正数收队，又返番去佢张写字台工作啦。 10点后见小时图于高位出咗个争三点嘅平顶位，亦都接近24700点位置，Slow STC(14.3)两线亦都上到超买位多一次，而整条「上升通道」都仲健在，只不过又似系时侯由顶线到底线嘅Swing Trade啫。 $HS#HSI RP2904E.P(55589)$ ，收回价

㖊日拣咗只 $UB#HSI RC28109.C(57405)$ 出嚟，谂住指数都有条件沿住五分钟图10线同保历加顶线向上夹多一阵，睇吓偷唔偷得到醒24500点，但见Patreon出文后再如常用10分钟去睇文，之后睇返个走势图嘅话，已经唔同晒，指数下行过五分钟图10线，连作战室都已经反手开出淡仓。 当然，只(57405)系可以借五分钟图Slow STC(14.3)触底上而出动，做一趟Swing Trade嘅，不过㖊日无喺文度写就唔计入【月度报告】啦。 美伊场仗水break完之后又再打过，油价重新被推高，再加上㖊日晶片股㖊日玩到韩股熔断，所以㖊日收市时喺作战室反手执定只恒指Put出嚟。 今朝港股开跌点数唔多，但已经Plan同淡仓出动，同时亦都大约Mark住四个淡仓即市开出爬格仔嘅Check Point出嚟，兼数住时间大约10点前可以搞掂，作战室亦有战友已经10分钟内极速完成一注淡仓之后，返回工作岗位。 10点前指数下行，淡仓完成第一注之后，10点后指数于23900点筑底成功后，发力向上高走至见倒升，呢注好仓喺作战室无追到，一来太快追唔切，二来依家10点18分见指数上到五分钟图嘅150线就见止步，Slow STC(14.3)三爬两拨已经上返去超买位。 上到呢个位指数开始要啲时间同力去破位先至得，如果唔系都系来回上落。 好耐无睇过个股，承如上文提及美伊继续开火，油价抢高，啲中海油(00883)、中石油(00857)又拎返出嚟；不过因为联储局话加息，推高咗啲美元令金价下行，更失守4000美元，所以呢一Round「避险」就无佢份。 以依家中海油日线图嚟睇，系仲有少少位可以偷多步，只不过换小时图出嚟见150线出阻力，似乎又未系一个合适入市嘅位置，安全嘅都应该要等返条10线位。

上星期五拣咗 $UB-HSI @EC2612A.C(25916)$ ，主要系借日线图 $HSI(HSI)$ 爬返上之前嘅线位(约2438-2440)而出动，但都讲明即系上破都只系追多少少，因为以日线图嘅Slow STC(14.3)见，其实已经接近两线企到上超买位。 本以为呢一注可以借得到日线图顶线变返支持线嚟hold耐啲，但去到下半场有见指数向下落，穿返日线条顶线，(25916)失去日线支持下亦都要先走。由于出/入位都系靠住嗰条线，所以呢一注还好只系输咗手续费啫。 最好笑嘅系，作战室喺上半场只hold一注好仓，及至下半场反手Hold一注淡仓，易玩到唔驶用脑咁真系多得恒指全日行咗个大圆顶出嚟，我都真系喺3点半打后画返定朝早条24100点嘅底线出嚟，还好最后都无踩返落去开市位，而且最后喺最后三粒烛出咗个「早晨之星」嘅组合+Slow STC(14.3)触底上。 今朝恒指开市微跌17点之后即转向上走，唯开市后10分钟，指数两度上到高位24396点后见平顶+上影线出现，依家9点42分见指数重新向下回落到24298点，如同之前一样，指数喺开市初段嘅幅度就系咁大，郁啲都一百几十点，就真系得呢啲时间先至可以用牛熊拉个高杠杆出嚟快手爬格仔，爬完就埋返你张写字台开工。 10点未到指数终于都企得到244楼上，系未到第一层熊245，但作战室都要准备收网，除咗系因为10点后要埋返位做嘢之外，更重要嘅系周线图见指数早两个礼拜低位出完「身怀六甲」之后，上个星期升完，今日截至依家9点53分嘅高位计，同上面条10周线(24498点)相差大约60点，244未见企得稳，咁更系先收啦！ 仲有2分钟先至10点，先睇咗个小时图，见保历加口收窄中，而

㖊日拣咗只恒指牛 $MS#HSI RC2812W.C(55865)$ ，谂住再追重货熊方向 + 喺小时图上画咗条新嘅「上升通道」出嚟，试吓行唔行得到。 最后当然失败啦，先以Patreon出文后用10分钟睇完文，见 $HSI(HSI)$ 于五分钟图上Slow STC(14.3)已经喺超买位出咗触顶向下，唔系一个出好仓嘅位；即使喺Slow STC(14.3)超卖时入只牛证，去到下半场连中轴都过唔到，做Swing Trade都要败走。 「24000点都收得返，升得好地地咁...又话七翻身嘅?!」7月未完，翻唔翻身都无人知。按住依家已有嘅技术分析嚟睇，日线图嘅「下降通道」系破咗位，再画多一条之前做过嚟做底线(大约2438至2440)，成个图会更加明点解呢两三日会好似行人止步咁。 公道啲，之前指数喺「下降通道」时，中间都有阳烛出现过，亦都有短暂嘅上行走势嘅，咁所以如果真系七要翻身嘅话，中间出现阴烛或者短暂嘅下行亦都理解一下啦。 望望钟依家10点8分，指数于初段时间Chok上Chok落100点之后，终于都有方向，而作战室都系按返开市前定下嘅Plan嚟出好仓，Set定三个Point作为目标嘅Check Point，依家都已经做咗两个。 再嚟到依家10点14分，恒指有见再挑战多一次之前Mark住嘅日线图顶线位。 嗱，博指数挑战嗰条顶线成功嘅话，以目前日线图嘅保历加顶线同Slow STC(14.3)两线嘅摆位，都仲有少少位可以再争取上去；更何况喺24400至24499点有层重货熊喺度。 $UB-HSI @EC2612A.C(25916)$

㖊日拣咗只 $CT#HSI RC2809D.C(54152)$ 出嚟，有担心出文后再睇完啲技术指标都上到天花板，所以建议等五分钟图有10/20线接住先至出动。 以㖊日Patreon出文后如常用10分钟去睇文，之后再睇返个走势图嘅话，见旨指数都向下过10线位。等到大约11点后有见指数于20线觅到支持，同步Slow STC(14.3)两线亦于中轴水平转返向上，所以(54152)有位出场。 持货至下半场终于都见到指数向下穿中轴，都真系今日第一次见到，(54152)完成任务可以离场，多得今日恒指生性，呢注好仓鲸吞23格或38.02%。 久违了嘅「大阳烛」出现，不禁令人再三问多句：系咪调整完？系咪七翻身？唔驶七街瞓？技术上，日线图的确系破晒位，同时保历加通道亦开始转向打横行，有条件出返Swing Trade，Slow STC(14.3)保持往超买方向走之下，系有咁嘅条件嘅。 搭多个周线图，见低位出咗「身怀六甲」+Slow STC(14.3)触底上，10周线(依家见约24691点)mark做上方量度线亦唔过份。 依家9点56分，作战室有出过淡仓但系最后都系先打和走人，再等10点后确认方向先至出注。因为喺五分钟图上画到底线位有见支持之外，仲喺小时图上见到技术分析 VS 街货图，的确我系有嫌Slow STC(14.3)太过高，但如果10点后小时图150线仍然守好，叠加一条上紧嚟嘅10线给力嘅话，咁今日24400至24499点嘅过千张期指街货熊证危险啦。 10点后有见指数向上高冲往243楼上，但依家10点4分，暂时见指数都只系高冲一下，而小时图上见保历加通道整条仍然向上，如果指数保持贴住顶线往上走，硬迫Slow STC(14.3)出超买再超买嘅话，为嘅应该都只系嗰层重货熊。 既然系咁，

㖊日拣咗只 $UB-HSI @EP2609C.P(27923)$ 出嚟，系借㖊日上半场指数上到日线图20天线(2380x点)时见企唔稳就出动，捉返日线图上嘅「下降通道」呢个位嚟玩触顶嘅Swing。 喺㖊日Patreon出完文后，如常用10分钟作为睇货时间，再睇返个走势图见指数上到高位23820点后，于五分钟图上出咗个「射击之星」，连个五分钟图都出呢个系转势去淡嘅讯号，同步作战室都由嗰粒星星开始出淡仓。 基于喺呢度通常都系唔过夜嘅，所以都系同作战室一样喺完场前清货；喺呢度计如常的用10分钟作为走货时间嘅话，咁呢一注平均都有10%正数收返。 唔过夜纯綷系个人习惯，因为唔钟意嗰种「有货在手啰啰挛」嗰种感觉(可能你无啦)；当然有辣有唔辣啦，开市裂口一定无我份，但裂口又唔一定中㗎㖞。 好似今朝咁，以为20天线顶得住班好友，但今日甫开市五分钟图支烛大到你唔信，10点未到见五分钟图比咗两粒「十字星」出嚟但都有力再向上高走到239先至停，还好作战室今朝未正式开市之前已经Plan定追好仓，成日都话GP里面嘅战友唔一定做轮证，用期用权甚么都可以，反正大家都系睇住同一条恒指之嘛。 10点后见小时图支「大阳烛」都唔惹少，一下子将指数摆位推高过100线之余，仲顶返住条「上升通道」嘅顶线。 如果，小时图上指数继续顺返住Slow STC(14.3)往超买方向上行，同时准备同24000点嘅淡友开战，抢24000至24099点嘅重熊嘅话，咁系要出好仓嘅；话分两头，依家10点6分见啲技术指标摆位都抢到上天花，作战室啲好仓注都开始先收正数/出风筝策略，即到你睇完文之后，应该会进入一个世界。 就系五分钟图嘅保历加通道将会整条向上而指数同Slow STC(14.3)将会出Swing Trade走势。 所以，

㖊日拣咗只恒指好仓出嚟，都有讲明出文嗰时嘅五分钟图Slow STC(14.3)已经上到天花，比较安全嘅做法系用返Swing Trade触底上时，先至出呢只好仓。但可借出仓同hold货嘅时间都系唔多愿郁嘅下半场，所以即使呢一注系正数，但极其量都只系cover到手续费。 睇返 $HSI(HSI)$ 日线图嘅走势，之前都一直画住条「下降通道」，而指数亦于「下降通道」里面以一浪低于一浪嘅姿态向下运行，之前系咁出淡仓，到呢三几日反方向出返好仓，坦白讲到依家呢一刻我都仲系有啲唔习惯；尤其是见到个街货图就更加唔习惯。 「但睇图嘅话，依家上到20天线前又有条『下降通道』顶线顶住，系咪应该出淡仓先？」如果仍然坚信指数系继续沿用呢条「下降通道」嚟出一浪低于一浪嘅话，可以，但要留意埋小时图嘅情况，因为佢同日线图唱紧反调。 10点4分嘅小时图有见指数企高于100线，而由6月26日起至今，佢系筑起咗「上升通道」出嚟；又整条保历加通道向上，指数目前系用保历加顶线同10线夹住向上走。100线一旦今日守得嘅话，重返24000点不是梦。 的确系有少少处于两难嘅局面，先拣定只 $UB-HSI @EP2609C.P(27923)$ ，行使价23681点，为价外0.1%属轻微价外，今年9月底到期，杠杆有约10.31倍，引伸偏低。 以依家10点12分见日线图嘅20线为23807点，指数依家喺五分钟图借紧10线上到23765点，今朝暂时高位系23789点，如果一阵有见指数上到20天线相约位置时有阻力嘅话，小注(27923)直接博捉日线图「下降通道」新一轮嘅Swing Trade啦！ 作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•

上星期五拣咗只 $UB#HSI RP2809M.P(63771)$ ，贪佢够远之余仲有一定嘅杠杆倍数，即使用嚟喺五分钟图Slow STC(14.3)出一趟做Swing Trade向下都够做。 喺等紧 $HSI(HSI)$ 完U嘅时侯睇紧英格兰，哈哈，都真系一心不能二用，先专心喺作战室同战友们睇咗个开市先，Plan定咗好仓追出去嘅，但今朝甫开市真系chok到呕，即使Plan好咗指数亦大约都有跟住咁行，但3分钟唔够推100点呢个速度，除咗一早Set定电脑落盘之外，我谂手快极都未必落得切，睇多阵波好过。 去到依家9点56分，作战室先用paper trade试完好仓方向之后先换上实仓，指数到依家好似打咗镇静剂啦，同时方向都有亦捉得返，出好仓得两个原因：1. 指数依家企近上方熊证街货层；2. 小时图唔止有「上升通道」喺度，仲有10线接住指数。 $DS#HSI RC28113.C(68536)$ ，收回价23000点，同现价有逾500点距离，够安全，而杠杆亦有55.52倍，Day Trade无问题，但问题在于依家五分钟图上嘅Slow STC(14.3)都已经上到天花，硬追好仓得一个条件就系五分钟图嘅保历加通道口要保持拓阔，Keep住比条件Slow STC(14.3)出超买再超买同单边上，否则Swing Trade有条件出现，咁就要等下一轮触底上先至出到好仓啦。 作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。 想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资