社区

《TQQQ｜D45 系统 追寻梦想之旅》日志:9/13/2026-3

创立D45 系统的原因与目的

大家或许感到疑惑，虽然我在TQQQ身上找到自己的影子，明白一个人被误会系几咁痛苦，咁写一、两篇文章已经足够，又唔系有稿费收，何必咁认真写百几篇文章，夸张到咁？你哋咁样谂系十分正常。问题系我，本身就唔系一个太正常嘅人，对于自己认为正确嘅事，我会义无反顾、勇往直前去做，任何人都阻唔到我，就算有人恐吓我「你将会死得好惨！」

既然系写回忆录，总唔可以只讲自己几威几劲，讲到自己好似圣人一样，咁样写就冇意思。D45亦都唔系圣人，有时会做一啲唔系普通人会做嘅事。我好胜，总系不断尝试突破（唔钟意用「试错」呢个词，因为我讨厌失败），更加不时钟意挑战底线、破格摸索别人底线，甚至挑战权威。我亦曾经因为挑战，令到一个网站结业。

大家可曾听过一个名为CSN23嘅综合网站？呢个系大名鼎鼎、人称网上凤姐指南创始人

嘅陈世雁，佢23岁时创立嘅综合社区网站。当时我被网友推举做爱情版版主，属义务性质。由于网站成立时间尚短，需要吸纳更多网友加入壮大声势，唯隔离家庭版嘅版主就有啲倒米。好多网友上载贴文到网站，好快就被佢以「已经刊登过」为理由删除。当网友查询原因时，佢好多时恃住自己年纪大，欺负唔善辞令嘅后生仔、后生女，用极唔客气、唔礼貌嘅口吻话贴文已经登过唔可以重发。当时我睇唔过眼，胆敢去佢负责嘅家庭版挑战。当然我比佢有礼貌得多，我指出：你成日删除人哋嘅贴文，声称已经刊登过，其实只系一己之见。每日海量贴文上载到网站，转眼间就唔知去咗边。你做版主成日驻守网站，先至可以话睇过；其他人就唔系。同时，你咁严厉批评年青人，会吓走佢哋，唔敢再上嚟。

写完整篇贴文，老婆睇见面色一沉同我讲：「公主（该版主），你都咁串佢，你都唔知死字点写，快啲道歉，叫佢删咗个POST。」但我觉得自己冇做错，点解要惊佢？我就唔理。公主亦冇删除篇POST，亦冇即时反击，一时风平浪静。谁知山雨欲来。当我稍为松一口气，公主身边嘅支持者已经全速喺网上连珠发炮。佢哋好有默契，两人一组，说话此起彼落，一唱一和，净系识人身攻击、恶言谩骂，完全偏离我原本想讲嘅议题。我见对手水平太低，懒得回应，随便回个笑脸应酬下就算。事件就系咁扰攘一轮之后不了了之。但陈老总就以呢件事太麻烦为理由，索性关咗个网站。

而我就成为CSN23倒闭嘅导火线，但我认为「太麻烦」唔系真正原因，反而系对于陈老板其他更大嘅生意而言，呢个网站太细碎、唔值一谈。大家觉得系唔系？

兜咗一大圈自爆旧事，而家言归正传。一直以来，我都好尊敬传媒入面嘅股评人，但对于佢哋嘅利益申报，就有所保留。尤其系佢哋喺节目入面讲十几只股票，逐只讲好，之后申报自己一只都冇持有。就算佢喺节目讲得几精彩，我对佢嘅评论都会打个折扣。情况就好似一位食家介绍十几间食店，叫观众去试，之后就话自己以后都唔会再去帮衬，咁样荒谬。

D45就唔一样。我为TQQQ辩护嘅同时，亦屡屡有所斩获。而我所用嘅金字塔递增投资策略，亦系专门为TQQQ而设计，系一套针对性极强嘅改良平均成本法，想佢输都唔容易。莫讲你用嘅系闲钱，唔怕挨价；就算突然需要现金，亦唔使担心。以TQQQ本身嘅波幅计，就算系今年最淡静嘅年初，都有4%嘅波动，好大机会喺一次像样嘅反弹分段沽出，唔使蚀本。恕我讲句大话：喺呢个框架之下，投资TQQQ想蚀本，反而比赚钱更难。因为赚钱只系迟早嘅事，最多等股价回升先至离场；而沽货机会总会出现，只要捉住其中一段反弹就可以保本，根本唔系难事。

由于我对当中运作了如指掌，经过一番深刻反省之后，又懂得调动资源，唔会一有闲钱就急于入市，储备资金以备不时之需。加上我本身钟意接受挑战，识得善用压力；喺压力之下操作，我反而觉得更有挑战性，创造更好成绩。于是我决定挑战自己，将我日常投资嘅部署透过D45系统公开，等大家睇到：一个好胜嘅人，点样主动为自己增加压力，最后反而比冇压力嘅时候赚得更多。到今日，我仍然相信黎泉辉先生讲嘅一句说话：「潜能无限，除非自己划地自限」。

至此，D45系统已经有咗初步轮廓。我为自己未来可以喺各方面变得更强而高兴，因为D45系统终于正式成立。

本回答由 AI 生成，仅供参考，请仔细鉴别，谨慎投资。

《TQQQ｜D45 系统 追寻梦想之旅》