虽然 NVIDIA ($NVDA) 仲系龙头，但市场啲聪明钱明显已经开始揾紧下一个爆发点，即系成个 AI 产业链嘅「基建」——光通信（Optical Connectivity）。
​讲真，Needham 呢个时候出 Report 荐七只股，摆明系睇准财报季想食转大浪。点解要睇光网络？道理好简单：你 CPU/GPU 几咁劲都好，啲数据传得唔够快、延迟高嘅话，根本就系废武功。所以，嗰啲做 Optical Transceivers、光纤开关同精密代工嘅公司，而家直头系坐喺风口位。
​睇返张图，入面提咗只 Fabrinet ($FN)，呢间嘢专做精密光学、电子同机械制造代工，好多大牌子都系佢客，喺泰国、中国同美国都有厂，分散晒风险。虽然佢喺张图入面目标价俾人调高咗（见到由 475 蚊加到 750 蚊，升幅成 58%），但你要知，呢啲基建股平时低调，一爆起上嚟真系吓死人。
​不过咁，美股财报季向来系「一系天堂，一系地狱」。如果你想跟 Needham 揾食，唔好净系睇个目标价（Price Target）就冲入去。你要睇埋佢个 Rating，OW（Overweight）即系超配，即系睇好。但系财报一出，如果指引（Guidance）稍为差少少，班大户杀落嚟都好劲。