社区

$澜起科技(06809)$ 呢只并唔系普通垃圾股，人哋系做内存接口晶片嘅，系全球「三巨头」之一。而家全世界争住起 Data Center，啲伺服器要插爆 DDR5 RAM，冇咗 6809 嗰粒接口晶片，你部机跑得郁都算你赢。所以人哋 2025 年业绩出嚟，纯利激增成六成，班大户见到呢啲硬净数据，仲唔好似饿虎扑食咁样冲入去抢货？

​点解值得长揸？因为佢个「护城河」深到仆街。呢个市场唔系你想入就入，技术门槛高到吓死人。佢同另外两间厂基本上分晒成个世界，呢啲叫垄断呀！加上佢手头现金多到发毛，完全无债，喺呢种加息周期尾声，呢类「净现金流」公司简直系防守界嘅大佬。

​最紧要系，未来唔理系 AI、云端定系车载电子，全部都要用到佢啲 PCIe 5.0 同 CXL 嘢。佢唔系炒概念，系实打实咁喺 AI 火车底「铺轨」嗰个。只要你唔系想今日买听日发达，分注吸纳长揸，呢只嘢绝对系港股入面难得一见嘅「优质收租股」。醒定啲啦，唔好等升到上天先嚟问点解唔早啲入！

利申：手上系IPO抽返嚟的，长摣唔放。