社区

大家好，我系老虎证券香港机构部执行董事陈纪贤John。

港股恒指今年前三季跌咗18.56%，而美股纳指同时上升咗26.13%，呢个情况对好多港股投资者嚟讲相当失望。喺2023年嘅尾季，港股可唔可以「咸鱼」返身，收复今年嘅亏损，甚至摆脱亏损？

要分析港股嘅趋势，就一定要睇美股同A股，因为港股系一个独特嘅市场，既有政治属性又拥有经济地位，一直系中美两大经济体之间嘅桥梁，同时受两个市场综合影响。从股票定价嘅角度睇，公司盈利预期主要受中国内地政策同经济基本面嘅影响，而资金成本部份，因为港元汇率同美元绑定，香港货币政策周期基本上跟随美联储，所以会受美元利率影响。

喺过去15年嚟，港股恒指大部分时间同美股标普500、A股沪深300系一齐嘅「共振」状态，佢哋关系非常紧密。不过自2021年开始，两者开始分道扬镳，港股同A股嘅相关性明显升高，而同美股嘅相关性明显下降，但尽管如此，我哋仍然需要非常关注美股可能对港股带嚟嘅影响。

中国经济见底，盈利预期回升

近排中国经济嘅数据显示出有好转迹象，例如社会融资、工业生产同零售，全部都超过预期，内地亦继续实施松绑政策，消费、地产同金融等都有机会迎来利好消息。

之前对中国经济复苏有怀疑态度嘅海外大型投资银行，喺第四季之后都开始认为中国经济正在好转，高盛嘅分析师甚至预测中国经济活动指数嘅环比年化增长率可能达到5.5%。对于港股嚟讲，中国经济嘅底部复苏有助提升整体盈利预期。

美联储加息已经见顶，利率环境唔再恶化

就美联储加息政策嚟讲，虽然鲍威尔主席于9月嘅FOMC记者会上继续采取鹰派政策，高利率环境可能仍会持续一排，但就宏观周期嚟讲，今次加息周期已经快完结。呢意味住对港股资金成本嘅利率环境唔会再进一步恶化。

根据美国财政部嘅数据，2023年美国政府嘅净利息支出同去年同期相比大幅增加咗33.64%，已占财政收入嘅15.84%。表示美国政府难以负担更高嘅利息支出，亦难以扩大财政支出去刺激经济，咁样可能会对美国经济嘅韧性产生影响。一旦经济问题波及就业市场，美联储嘅政策立场可能会发生变化，甚至转为鸽派。对于港股来说，美国带来嘅货币紧张情绪可能会减轻。

综合中美两大经济体嘅情况，中国经济基本面开始有所改善，而美国货币政策收紧已经接近尾声。尽管港股目前仍然面临一啲不确定性，但风险有所减少，如果中国经济继续复苏，市场对美联储嘅鹰派立场预期有啲转变，港股可能会系今年第四季迎来不错嘅上升行情。

本人陈纪贤，持有SFC 1，2，4，5牌照，文中观点均为本人对提及证券的真正看法。本人未于相关股份存有权益。

如果大家对我嘅一啲市场解读有兴趣嘅话，记得关注我嘅老虎证券社区账号。like subscribe share老虎证券嘅youtube channel，下载Tiger Trade，关注老虎社区，帮你捕捉更多投资机会，再见～