社区

㖊日拣咗只 $UB#HSI RP2903Z.P(66478)$ 出嚟，计划做一趟Day Trade，皆因当时恒指已经低走埋小时图条中轴线，博佢再借Slow STC(14.3)向下再落。

可惜，刚好出文后喺五分钟图上出现咗「早晨之星」，所以出文后于Patreon嘅Quip上亦都补多张走势图系画住「早晨之星」嘅样；同时间作战室里面战友们已经反手好仓。

如果要话喺日内再出淡仓唔系无可能嘅，但就要等到喺下半场大约2点15分，用返平时喺五分钟图上见Slow STC(14.3)触顶离开超买范围向下出动，唯因保历加通道口收窄，所以指数下行得都比较慢；还好(66478)杠杆唔差，格仔数都爬得到嘅。不过呢注唔Mark入【月度报告】啦，因为同本身计划出仓嘅策略不一；而本身策略计，于出文后唔见指数有再向下低走，上行过线势如破竹咁，Slow STC(14.3)触底上行更加不是一个适合出淡仓嘅位置。

睇返今日 $HSI(HSI)$ ，依家9点54分，于日线图上见指数第三日守住喺10天线以上水平，唯上方20天线 aka 保历加中轴都仲有过得到，所以目前指数摆位都仲系处于保历加下降通道；而呢一条下降通道，坦白讲喺作战室都已经画咗两个月有多。

其实如果要做day trade嘅话，今日随时已经完晒，作战室今日最后一注系好仓，到依家10点24分，战友们见指数转跌为升都纷纷食糊；唯小时图上见保历加通道口收窄，上/落位都受限，所以喺呢度又要试下揾吓啲个股睇住先。

揿咗一阵揾到只唔知仲系唔系大家钟意嘅 $AAC TECH(02018)$ ，㖊日股价有到过34.86元低位出下影线后，今日暂见回顺，日线图Slow STC(14.3)亦有见触底上，又系一个刚刚出转方向嘅日线图。

依家10点29分，换个小时图见瑞声爬返上中轴线楼上，Slow STC(14.3)两线保持往超买方向走，守住中轴上而博日线图有得再向上推嘅话， $CT-AAC @EC2703A.C(15944)$ ，行使价41.88%，同现价有约14.24%价外距离，杠杆有约4.92倍，出年3月到期，引伸都偏低。

系要用日线玩，所以要睇耐少少，唔是Day Trade的，或者bookmark住先啦。

作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。

想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。