社区

㖊日拣咗只 $BP#HSI RP2902U.P(56699)$ 出嚟，文末mark住如果到你睇完文之后，见指数于小时图上穿得过条中轴线嘅话就出场，向下望住上个星期五(6月12日)嘅裂口顶部24445点左右；或者Slow STC(14.3)见超卖位亦可；最后再睇保历加底线；甚至睇住牛证街货嚟向下打落去啦。

喺下半场开市后，有见指数往上文提到嘅裂口方向出发，及至大约1点半左右已经到步，再守到2点后已经见埋小时图嘅Slow STC(14.3)两线到超卖位，再到2点半松啲指数将第二层牛证即24400至24499点全数收回。

Set咗四个目标有三个都达标，唔过夜计呢一注临完场前清货嚟讲平均都有12.3%正数；望望月历今个月都过咗一半有多，但暂时睇返个【月度报告】，今个月都真系爬格仔嘅多。

喺作战室里面爬嘅格仔应该会再多少少，再加埋Patreon嘅【本股焦点个股】呢个月都还有数达标，今个月都唔太差嘅(希望...应该...)

而今朝指数微升1点开市，所以作战室都无乜Plan到开市后追乜方向，到依家9点54分，都只系随手先追一注好仓爬格仔，有战友两格正数先收嚟做早餐。

而呢注好仓如果Hold耐嘅系，咁都只系等紧10点打后睇个小时图，借条Slow STC(14.3)触底上嚟掂一掂条10线；系呀，唔系要佢好神勇咁向上破线，掂吓都好咋。

唉...去到10点6分见指数都唔多郁，喺呢度如果拣只好仓都怕出完文之后，作战室已经全线收队。望望月历今晚美国议息，应该都系等佢个结果挂...今日都系休息一日，早啲瞓今晚再睇只SpaceX(SPCX)同睇听早清晨4点英格阑对克罗地亚先。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。