社区

㖊日拣咗只 $HS#HSI RP2904F.P(55595)$ 出嚟，策略系借返五分钟图见反抽上10/20线唔过时先至出动；甚至用返Slow STC(14.3)上到超买位后见触顶向下先至出都得，大胆地向下望住佢会唔会创年内新低。

喺下半场开市无耐，有见 $HSI(HSI)$ 向下再压低见24707点后出平底再上，真系同年内低位24703点争4点咋！睇到都觉得「牙烟」；不过随住之后有见Slow STC(14.3)触底上，恒指熊(55595)当完成一趟Swing Trade计，呢一注平均都有4.14%。

㖊日嘅下半场其实喺作战室都有再追多次淡仓，不过指数回返上去244位置，以为年内低位2420x点呢个够照啦；谁不知今朝起身开电视见到外围跌到「fing ling fung lung」(拼到呢四个字我话你叻!)，月初喺作战室拣嗰只恒指Put若然守到依家嘅话，已经揾得返全年会费仲有剩；放心，喺呢度都有拣到出嚟嘅。

然而，㖊日指数最低见过24207点，同3月嘅年内低位24203点只系争4点；而日线图上见指数亦都出咗低位「十字星」形态；叠多个月线图嘅20月线接住，成个整样都系有似出技术反弹，但更大嘅可能系要用「弹高熊」嘅策略。

指数今朝微跌27点之后见底开高走，依家9点49分，作战室已经有战友偷完牛再偷熊正数收工，而喺五分钟图上见指数暂时高位上到24492点，同前日嘅五分钟图开市裂口底24496点相约，上到之后见指数重新向下，果然系要出「弹高熊」。

嚟到依家9点57分，作战室再追多次淡仓都收埋正数，至于我...嘿嘿，因为今日打完个策略出嚟之后个市已緀变咗，所以作战室开糊嗰班友仔基本上都系一齐玩咗好耐、已经好熟悉技术分析，见到啲咩讯号出嚟，连我个策略都未出佢哋已经做晒嘢嘅；几时都话自己学得识之后自己trade，点都好过跟number。

等到10点终于见到指数确认低走于10小时线之余，仲要喺线上出「射击之星」样嘅嘢；anyway，条上影线已经话到比你知企唔住喺10小时线㗎啦，所以 $HS#HSI RP2903T.P(56222)$ ，收回价24658点，同现价有约395点，为市场上最贴价熊之中最高杠杆，有约74.11倍，今日新上市所以未见街货。

出淡嘅，要唔要再向今年低位再望多一次？

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。