社区

㖊日拣咗只 $UB#HSI RC2807J.C(58230)$ 出嚟，讲到明都只系爬住格仔啫，用小时图10线做上望目标。还好指数上得到，比到个食糊位出嚟，皆因以收市价计， $HSI(HSI)$ 系重新低走于小时图10线。

美以伊战争再度重燃...其实好似都无停过，而6月初喺日线图上见100/150线出阻力+「身怀六甲」喺线前出现，恒指Put喺呢度都有拣到嘅，只不过唔知大家仲有无揸到呢依家呢一刻啫。

今日再睇个日线图，整条保历加通道保持向下而指数亦都贴住底线向下落，而今日嘅100线同150线都愈来愈近，两者只系争13点，随时明日或之前应该会见到100线低走于 150线，再出多个「死亡交叉」之余，更重要嘅系五条平均线(10/20/50/100/150线)倒序排列，属中线利淡讯号。

至于条250天线 aka 牛熊分界线，今日已经高走于50天，即系佢今日同50线出咗「死亡交叉」；同100线位都仲争331点，即系话如果日线图上再出多次「死亡交叉」嘅话，呢个就系传说中嘅「终极死亡交叉」。

再拎埋个牛熊证街货图出嚟，见今日牛证有储住过千张期指街货嘅已经有三层，喺240至242嘅范围。而由于日线图下方都无晒平均线，得返条保历加底线，所以唯有向前追索返啲低位嚟拉线，先于3月下旬有一个24409点嘅低位；再向前见3月中左右嘅低位24203点，而24203点亦都系暂时今年嘅低位，刚好亦都系牛证嘅重货区。

$HS#HSI RP2904F.P(55595)$ ，收回价24962点，同现价有约513点距离，已经系市场上最贴价嘅熊证，而(55595)则为当中最高杠杆，有约38.8倍，今日先上市所以未见街货。

依家10点10分，五分钟图上见整整条保历加都向下行，指数同Slow STC(14.3)都有随时出触底上行嘅可能，所以依家硬出有啲难，不如等指数喺五分钟图上见反抽上10/20线唔过时先至出只(55595)；甚至用返Slow STC(14.3)上到超买位后见触顶向下先至出都可以，睇吓港股有无本事喺隔离创完新高之后，佢走嚟创年内新低。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。