社区

㖊日拣咗只 $UB#HSI RC2807U.C(64481)$ ，进取mode借五分钟图10线守得住指数向上而出；虽然 $HSI(HSI)$ 之后好快上到25400多一次兼有再创日内新高，不过出仓嘅时间都比较迟，以Patreon出文后再计10分钟睇文时间嘅话，讲紧系10点20分，比作战室迟咗50分钟，所以呢一注最终要负数收场。

但如果用返安Mode嘅话，喺紧接出进取mode之后都见到有一个可以用得到安全Mode出仓嘅机会，呢一注出仓后持货至下半场目见Slow STC(14.3)两线上返超买收工，Cover到之前进取mode嗰注之余仲有剩。

今朝指数微跌3点开市，不过应该大家都无乜所谓，皆因呢个星期keep住见韩股屡创新高，多得三星电子与SK海力士呢两只权重股拓起条KOSPI。喺香港暂时系无以韩指/韩股做underlying嘅轮证，但有相关嘅ETF，(07747)、(07709)呢啲呢期应该都唔会陌生。(作战室又唔止系轮证嘅...)

依家9点50分，睇住条恒指低开3点之后第一棍冲咗支大阳烛出嚟，仲有走到上25500至25599点嘅第一层熊(呢层亦都系重货熊)，喺作战室其实系有两注货准备出动：一注系即市嘅，一注又系玩过夜嘅。

即市嘅系好仓顺街货方向出，不过今朝出个位都唔靓，系真系见棍就追咗，挨过指数向下落返去今朝开市位后，幸好借得返五分钟图50线企住，10点前比多次25500点楼上，暂时松一口气，再到依家10点12分见指数重新再上食埋25500至25599点呢层重熊，人都安落啲，但喺呢度仲有无位再追呢？

依家10点16分睇小时图已经企高于50线，Slow STC(14.3)两线已经出紧超买再超买，靠嘅系保历加通道口拓阔中，而作战室早出嘅好仓有条件守到，依家上到25700点楼上其实系开始变阵出风筝策略；所以如果系吉仓嘅话，反过来系要准备指数随时出触顶向下嘅Swing Trade可能。

同样用返小时图，见100线位25808点，同依家嘅距离100点都唔够，如果你睇完呢篇文之后，先去睇返小时图，见到指数受制于呢条线嘅话，咁即日用嘅 $SG#HSI RP2904B.P(63703)$ ，收回价26068点，同现价有约560点距离够安全，杠杆有约35.9倍够做Day Trade，低街货。

「咁如果过埋咁点呀？」比返个五分钟图出嚟等佢Slow STC(14.3)出触顶向下都用得到嘅。

至于过夜嘅就系睇住条日线图嘅10线，今朝指数高冲过线时都有少少打消个念头，好歹依家日线图上嘅Slow STC(14.3)两线系触底向上中。但又咁讲，呢注恒指Put如果借10线而出嘅话，咁至少要确认得到10线做阻力线先，所以又未系好急嘅，作战室里头就拣咗只 $CT-HSI @EP2608A.P(28275)$ ，行使价24380点，同现价有约4.01%价外距离，约13.64倍杠杆，8月底到期，引伸亦都系偏低。

好矛盾呢 ~ 即日出好仓但过夜注出淡仓，所以见话只(28275)唔驶急，可以等到今日收市前先至再决定。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。