【轮证赢家】试玩新轮
㖊日拣咗只 $MS#HSI RP28121.P(67223)$ 出嚟，借五分钟图10线下方出动，博睇吓指数借唔借到10线同保历加底线向下行。货就成功出到啦，只不过 $HSI(HSI)$ 向下落多几步路之后快抽上过10线，(67223)亦要即刻起身，少输4格，全月都仲保持正数，OK啦，如果有人同你讲佢系长胜不输嘅，你都要小心啲。
今朝如常喺作战室先同战友们睇返啲日线同小时图啲线同指数嘅摆位，发现日线图上见10天线已经低走于250天线，「死亡交叉」再次出现嘅同时，因为最短嗰条向下穿过最长嗰条，所以亦暗示五条主要平均线于日线图上开始出现倒序排列，that's not a good signal ar!
此外，喺日线图上亦都见到指数豕佛重新画咗一个「平底三角形」出嚟，而新嘅底线大约系3月23日嘅收市价24382点同㖊日低位24409点呢个范围，耳系话恒指依家仍然都系处于「平底三角形」里面。
咁呢个范围都OK阔嘅，至少作战室到依家9点48分已经做紧先高后低嘅动作，连埋轮证嘅杠杆都已经执到份Lunch返嚟。
早排打仗打到啲金呀银呀上晒去，依家系未打完架，不过啲金呀银又落返晒嚟，中间嘅波幅好玩到有唔少战友都嫌港股难捉同波幅细，转阵去短炒金银。
当然，炒金银有好多种方法，而最唔用脑即港股Account都可以玩到嘅梗系用返同白银相关嘅个股或者ETF啦；但最近多咗个新玩意，就系白银轮。
因为新，所以暂时都只系Call两只+Put一只，算叫做有得拣加啦，因为出Put真系好难得，而睇白银嘅走势其实都系嗰啲技术分析嘅方法啫；反过来所有呢类走势图咪又系嗰套方法画出嚟，又咪系嗰套技术分析。
日线图上见，白银价格自3月中至今都处于保历加下降通道，而最近于每盎斯69美元有出现支持，令白银价格喘定兼有似上破10线，同时Slow STC(14.3)两线亦见已经触底向上。
留意住每盎斯69美元呢个位+Slow STC(14.3)触底向上能唔能友持白银价格再向上走， $SGSILVR@EC2609A.C(11125)$ ，行使价90美元，同现价有约23.66%价外距离，唯一价外Call兼最高杠杆，有约3.03倍。
只不过系新上市嘅轮，仲要系新嘅underlying，仲要系商品轮，未必个个都知所以可能比较冷清一啲，所以注码上留意一下啦。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
直接去Patreon搜寻「cbbcwar」领取七日免费试用即市作战教室
免责声明：上述内容仅代表发帖人个人观点，不构成本平台的任何投资建议。
