【轮证赢家】泡泡玛特呕白泡 呕得多就死得早
㖊日拣咗只 $UB#HSI RP2812R.P(63560)$ 出嚟，而呢一转淡仓都真系Hold到全日，以低走小时图10线后出(63560)至唔过夜计嘅话，呢一趟平均有27.42%正数。
呢排 $HSI(HSI)$ 走势都仲系日升日跌，做开Swing Trade嘅都真系觉得无问题，但有时chok得太快都真心难玩，所以都开始有战友换场去咗金市美市币市度玩，Anyway，大家正数就好啦。
依家9点53分，作战室都系大约五分钟前出咗注淡仓。皆因今日恒指初段表现都好chok，进取少少见指数唔过五分钟图500线向下穿返今朝开市位先至出注，仍然都只系爬格仔为主。
指数难玩转睇个股，呢两日睇到眼都突嘅，都莫过于只蓝筹 $POP MART(09992)$ ，两日插三成，皆因市场睇完份业绩都表示不满，大行亦纷纷下调目标价，系咁易揾一揾啲大行报告，下调幅度由15%至43%都有；跟手以每股介乎148.4元至157.8元，在市场回购合共394万股，均价152.21元，动用款项近6亿，以撑股价。
系呀，到依家10点9分恒指走势撚狗mode，而泡泡玛特就「稳定地著绿灯」，日线图上见有股价暂时出十字星，只要今日佢仲出到支阳烛而低位系高过㖊嘅话，咁「身怀六甲」就会成立，系争保历力通道口同埋Slow STC(14.3)转返上去。
换小时图见10线同股价开始靠近，咁啱啦，借埋条10线嚟量度股价到底上唔上得到返上去。
依家最远嗰只泡玛牛已经有100%街货，除咗会增发之外，太多街货都会容易出现擘价太阔嘅问题，所以拣只低街货嘅 $JP#POMRTRC2610A.C(57644)$ ，收回价145元，同现价有约7蚊距离，街货有18.16%虽然都另一只0%街货可以拣，但佢嘅杠杆有约10.1倍比嗰只0%街货嘅8倍为高，短线ok。
前题要上得到小时图10线，万一唔得呢？甚至股价借日线图保历加口拓阔而迫Slow STC(14.3)出超卖再超卖呢，咁 $SG#POMRTRP28125.P(65291)$ ，收回价218元，同现价有成66蚊距离，所以杠杆得约2.3倍。
如果佢咁样向下再落嘅话，借到日线图嚟出只熊咁玩嘅，咁真系有排落。
作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。
26/3作战室实况 - 日日实战操盘!学**技术分析及轮证策略!直接去Patreon搜寻「cbbcwar」领取七日免费试用
免责声明：上述内容仅代表发帖人个人观点，不构成本平台的任何投资建议。
