社区

上星期五(3月6日)睇咗只 $XIAOMI-W(01810)$ ，仲拣咗只 $BP#XIAMIRC2609B.C(60752)$ 出嚟，Mark住见小时图保历加通道口就出动，Day Trade无问题；理想嘅博到10线都可以。以呢度平时唔过夜计，于完场前走只(60752)嘅话，一个下午茶嘅正数都执到嘅。

美以伊战争一早讲明有排玩，金油喺早一两个星期前已经叫作战室嘅战友们坐住晒，无咩事都可以唔驶起身；当中以油价比较看高一线嘅关系，所以喺Patreon再砌多只【石油波动下的能源股投资机会】，有兴趣可以去睇下。

油价抽高的确对经济造成嘅打击系比金价抽升更明显，老友水哥身在澳洲上个星期都Share咗佢嗰边嘅油站出现人龙，亲身经历好比睇新闻感受得更深。今朝日韩澳股市率先下跌，依家9点18分见台股价冧紧落去，港股新加坡黑期跌800点后再见期货依家都系冧紧800几，作战室战友们都准备今日抢淡仓。

开市无耐 $HSI(HSI)$ 已经先穿25000点，将首三层牛证街货全数收回，而24900至24999点已经有过1700几张期指街货嘅重牛区。

日线图上都预250天线今日会失守，咁变相向下望就无晒天线位，借恒指最后一次见30000点位同2023年低位拉个黄金比率出嚟，见0.618位约24838点，同依家9点38分见恒指报25012点，都只系争174点。

直出淡仓追指数下行再往街货走都合理嘅，只不过系好憎又系一步到位咁款，同埋开市到依家都11分钟，有见指数于25000点位咬得都几紧，小心沽唔落。

$UB#HSI RP2812G.P(53132)$ ，收回价25500点，同现价有约500点距离，系有再贴价啲嘅熊证但系见25000点都真系几硬，而佢都有约33.9倍，讲真Day Trade都够做。

8分钟后就10点，但我讲出到文到你再睇完都已经10点，出只(53132)有一个条件，就系小时图要确认过得到呢条底线先至出，一旦成立，只淡仓再博嘅借埋小时图Slow STC(14.3)博落到超卖位啦！

作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。

6/3作战室实况 - 日日实战操盘!学习技术分析及轮证策略!直接去Patreon搜寻「cbbcwar」领取七日免费试用

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。