社区

今朝拣咗只 $UB#HSI RC2710O.C(63631)$ 出嚟，纯綷借五分钟图Slow STC(14.3)出Swing trade + Day Trade用咋，唔好谂到咁大咬同咁复杂。

尽力早出文但都一定唔够作战室快。出文后再比多10分钟时间去睇嘅话，条Slow STC(14.3)已经抽咗上去，作战室班友仔更系一早做定反手啦。所以，睇文嘅唯有重新再等机会(有嘅，放心)。

今朝比较吸睛嘅新闻莫过于 $HSBC HOLDINGS(00005)$ 要私有化 $HANG SENG BANK(00011)$ 。边个救边个it doesn't matter，重点系恒生股价将会一步到位地上到155蚊，然后喺呢个范围中上落，一直成件事完晒为止。

当然，如果你见到恒生个价股系低于$155，当系$150咁先算，买咗之后等私有化个价食你手货嘅话，咁都叫做有$5执到架！唯一风险就系单deal唔成事啰~

至于汇控，依家9点44分见股价跌近6%报104蚊。亦都合理，先是通告里面讲明汇控喺未来三个月会停回购、而本身恒生PB都唔低，再出溢价买佢返嚟(系需要架，你唔比多少少人哋点解要卖比你?!)即系比劲高估值嚟买恒生返嚟。咁嘅情况之下汇控今日呢个跌幅，其实系合理，反过来又系唔系一个值得吸纳嘅时机呢?!等多一两日先啦，至少睇吓佢条50天线接唔接得实先啦，唔好忘记佢条Slow STC(14.3)唔低架。

至于 $HSI(HSI)$ 就高开(?!)3X点之后即向下落，灯都即转，作战室今朝第一注淡仓掟咗出去之后见第一层重货牛终于都清晒，同步五分钟图上见指数低位出「锤头」+Slow STC(14.3)触底上，作战室全线反手好仓，到依家10点20分，连注好仓都准备收工/出风筝策略。

再过多两分钟，作战室笑估依家恒指会唔会转返灯，皆因北水今日回归，小时图上亦见10点后嗰支大阳烛，见Slow STC(14.3)两线保持向上，唯一要小心嘅系绦小时图20线，过得到嘅咁就有得再向上望返高少少嘅位，同步上破个「平底三角形」。

$UB#HSI RC2803Y.C(64196)$ ，收回价26200点，同现价有约460点巨离，杠杆有约45.2倍，即使用嚟做五分钟图里面嘅 Swing Trade，杠杆都足够啦！

作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。

8/10作战室实况 - 想学番一招半式旁身?!作战室日日Day Trade教你技术分析!直接去Patreon搜寻「cbbcwar」领取七日免费试用即市作战教室

资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2025。 版权所有。