社区

睇返㖊日 $HSI(HSI)$ 大部份时间喺23600至23700点之间窄幅上落，即使㖊日拣咗只 $BYD COMPANY(01211)$ 出嚟，但都系无位折到落场。作战室都只系喺呢100点里面爬格仔，仿佛好似军行爬行训练咁，每Trade都系爬行一两步，再慢慢爬到终点(完场)。

今朝指数开升174点，开市报23828点，作战室一早Plan定好仓追升，及至开市后好仓应该掟晒出去，等睇今日指数有无本事打24000点攻防战。

望下㖊日拣嘅比亚迪，嘿，万绿丛中一点红，换个小时图见股价今日出一支比较大嘅阴烛向下落，㖊日Mark住嘅400蚊今日终于都见到。

$UB#BYD RP2801M.P(58814)$ ，收回价420元，同现价有约13.8元距离，呢个收回价亦都当高过呢期小时图大约410蚊上方量度线，杠杆有约19.8倍，出淡仓系博捉得到小时图Slow STC(14.3)两线向下落返去中轴线。

依家仲有13分钟先到10点，五分钟图上见比迪喺150线上出「锤头」，400蚊呢个位佢想咬比佢，10线喺上面向下落紧嚟，借得到佢过嚟挡路嘅话，(58814)进取mode出动啦！

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。