社区

㖊日拣咗只 $UB#HSI RC2712R.C(54176)$ 出嚟，平均买入价为0.062元，同步借好10/20线作为下方量度线的话，简单用Slow STC(14.3)上到超买位，做返一次Swing Trade，喺㖊日下半场出文时都随时可以食得。

以Slow STC(14.3)上到超买时间，即朝早11点40分至2点见离开超买位走人计，期内(54176)高低位做过0.078元/0.065元计，平均走货价为0.0715元。呢一趟平均执9.5格或15.32%。

睇返㖊日 $HSI(HSI)$ 走势，基本上全日都系喺保历加上升通道运行，喺下半场作战室纯好仓出动，一掂顶线走再等回到中轴去多次，3点见指数上到23600点，大家都收正数准备提早下午茶。

呢两日指数都数有一个比较大嘅幅度上落，但实体上又未见打好多层街货。所以今日返嚟见个街货图，牛熊两边嘅重货区都储咗成过千张期指街货喺度。

今朝指数微升3点，开市报23644点，本身㖊日指数全日借住五分钟图保历加中轴线上行都将指数推返近上方熊证，今日开升虽然之后指数有见向下，但落到五分钟图嘅50线已经停咗，同步呢个位大约系23500点，指数回升上去依家10点43分有见高位23710点，向住重货熊方向出发。

仲有10分钟就11点，今日「会务」比较多，所以文都出迟咗，但见到作战室大家先淡后好仓咗，仲要系自行操作(儿仔生性)。

五分钟图上开始有见指数同Slow STC(14.3)两线向下回落，10线准备过我谂到出完文再到你睇完，随时到20线。简单啲又嚟一下Swing触底上行嘅话， $HS#HSI RC2710G.C(54782)$ ，收回价23250点，同现价有约413点，杠杆有约48.3倍绝对够做Day Trade。

等一等作战室行埋依家向下Swing落嘅淡仓之后先至一齐出啦。

作者阿珊，以技术分析专心玩轮证，唔贪心，努力赚取我家肥猫罐罐。