社区

$HSI(HSI)$ 㖊日低开低走之后，喺日线图上见指数于高位有出现「身怀六甲」走势，唯于日线图上同步见到指数行稳于「上升通道」。按今照指数开升逾200点，摆位稍高于「上升通道」底线，但仍企于「身怀六甲」第二粒烛嘅粒身之内，变相「身怀六甲」嘅形态所生出嚟嘅走势生效中，但同时「上升通道」底线有力接住。

向下退多步的话，其实都仲有条10/50线喺指数下方。常言道升市唔会全线阳烛90度直角上，咁样系非常之唔健康，借住线沿住通道方向Swing住上，咁就可以有排玩。

依家仲有5分钟就10点，小时图上见指数今朝一个裂口向上打返高过条10线，而Slow STC(14.3)两线则于中轴水平有见%K线高走于%D线。睇返小时图㖊日最后落到中轴位今日就上，向前扫返见条中轴线都真系有啲料到。

不过，返去五分钟图见指数好鬼多条上影线出现，可能㖊日堆牛证过夜后今朝见市升赶住变做获利盘啦，作战室今日追好仓都追得比较吃力；Anyway，正数就得啦，宁愿赚一蚊都唔要输一蚊。

10点后见指数再上多一级至23400点楼上，作战室里面出嘅好仓可以轻松返少少地去再追。依家10点8分，见五分钟图上嘅保历加通道底线开始有横向嘅情况，再加上暂时高位23431点出咗平顶，喺作战室里面都已经叫大家准备返指数行Swing。

至于喺呢度，一样都可以准备指数出Swing，但如果借埋现时小时图嘅方向的话， $UB#HSI RC2712R.C(54176)$ ，收回价22800点，同现价有约557点距离，杠杆有约40.3倍够做Day Trade，低街货亦者可以避免人踩人嘅意外出现。

再睇返依家个五分钟图，10线都真系未追得上，出文后再睇完我谂可能差不多到，借到线位出到好仓就掟出好啦，如果唔系用返Slow STC(14.3)行一趟Swing咁做，你识架啦！

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。