社区

㖊日只 $UB#HSI RC27094.C(69949)$ 真「精彩」，上半场出仓之后见下半场Slow STC(14.3)两线上到超买位，先清有正数OK，再Hold再借五分钟图 $HSI(HSI)$ 下方嘅10/20线的话，去到2点35分有见指数向下一嘢过10/20线，(69949)走人。

同以10分钟时间走货的话，按期内高低位做过0.059元/0.054元，平均走货价为0.0565元，呢一趟平均袋11.5格或22.83%。

完全明白之后个市再上到23600点楼上，只(69949)可以再食得更多嗰种心情；之不过消息推高大市嘭嘭两支大棍抽高，除非有好仓在手，否则硬追都咪话唔危险。正数就好啦！

望望㖊日啲熊证，㖊日重货区全清嘅同时仲向上扫高多三层。今日返嚟见熊证都被杀得七七八八，同第一层熊证相隔成千点嘅第一层牛，已经见到有600几张期指街货，再向下扫落去，啲街货多到呢...不过咁远好难打到嘅，除非忽然有人企出嚟话「无呀-_- 关税无减到呀」玩嘢玩到咁啦。

指数今朝低开55点，报23494点。开市之后指数向下再落，依家9点48分，作战室先出淡仓作今日第一注，但见指数两次过23300点之后都出下影线缩上去。所以呢注淡仓喺10点未到之前已经完成。

10点未到先睇咗个小时图，借埋㖊日支烛，今日有见高位出「身怀六甲」形态，同步Slow STC(14.3)两线向下，依家10线位见23097点，同指数现价都有成200点距离，不过，要指数向下踩一踩线都唔系坏事，怕嘅系佢Keep住喺高位但系粒烛再缩细嘅，高位出「三角形」嘅话，咁今朝可以先专心工作。

10点后见指数有再向下，作战室淡仓再开/继续Hold。

不过，我都怕出完文再到你完之后，作战室淡仓已经收队，变相你又要等下一个机会。用返㖊日只(69949)，收回价22662点，同现价有约610点距离安全，36.4倍杠杆都够做Day Trade，10.15%街货唔算多。

依家10点21分，五分钟图Slow STC(14.3)同指数都有开始触底上嘅样啦，加油！

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。