社区

上个星期五(5月9日)拣咗只好仓之后喺下半场Mark住五分钟图Slow STC(14.3)两线上到超买位就可以收割，喺【轮证下半Part】粗略计过27%正数落袋应该无问题嘅，不赘：出文后后你睇完再走货应该比呢个数仲多，总之正数就可以啦。

今朝起身见到新闻出签话中美贸易高层会谈结束话有实质进展，依家9点15分见到条期指挂住个訚写住「生猛海鲜」；开市口价同上个星期嘅高位差唔多，嘿，系咪比个位嚟出淡仓先？

「关税问题有解决唔系就对个市好返啲架咩？」按道理系嘅，再加上恒指开市口价已经将首两层熊证收回，向上再望喺23200至23299点呢度已经有过千张期指街货嘅重货熊喺度，理论上，好仓系应该追出。

不过今日作战室今日先以淡仓作第一注应市，捉高开低走，嚟到依家9点43分，恒指升幅收窄到得返161点，报23029点时，注淡仓已经出咗风筝策略，即沽半留半，等23000点穿唔穿。而今日以淡仓作为第一注嘅原因，除咗系开市之后见到一堆好仓获利盘涌出嚟推低少少个市之外；更重要嘅系关税呢啲嘢，特别是依家同美国有关嘅所有事，劝你都真系唔好跟车太贴。

当然，今朝指数裂口高开啲投术指标都上到天花板，比注淡仓博埋技术指标扯返指数向下落。仲有7分钟先至10点，开始喺五分钟图上画到指数被23000至23080点呢个「长方形」框住。作战室都等紧佢条10线上到嚟之后，系借得到线还是向下穿过。

$UB#HSI RC27094.C(69949)$ ，收回价22662点，同现价有约380点距离，杠杆有约45.2倍，低街货又够杠杆做Day Trade，差距适中。

五分钟图上见指数开始同10线相遇，作战室喺过「长方形」顶之后已经比返好仓出去，就系借返「长方形」顶线做下方量度线，睇下一阵会唔会见到日内新高，甚至向人主重货熊方向出发。

作者阿珊，以技术分析专心玩轮证，唔贪心，努力赚取我家肥猫罐罐。

资讯只适用于合资格的香港投资者。结构性产品由瑞银发行，瑞银证券为流通量提供者，可能是唯一报价者或巿场参与者。结构性产品价格可急升或急跌，投资者可能会蒙受全盘损失。过往表现并不反映将来表现。投资前应了解有关风险，并咨询专业顾问及查阅有关上市文件。