社区

㖊日拣咗牛熊各一出嚟玩Swing，第二注出 $恒指汇丰七乙熊A.P(56813)$ ，平均买入价为0.043元，变阵用上五分钟图嘅10线作为走货位。

喺㖊日下昼大约2点5分，指数以一支比较有力嘅阳烛上破10线，(56813)亦都够钟起身离场。

同以10分钟作为走货时间的话，期内(56813)高低位做过0.056元/0.05元，平均走货价为0.053元，刚好呢一趟平均执10格或18.87%。10月仲有一个星期先至完，好想提早收呢个月嘅炉...

㖊晚又约咗我个中同老友阿贤食饭，开始申请紧Visa嘅佢，抛下一个愿望系临走之前想摸到我家肥猫。嘿~我又唔敢买你唔得，始终你都系一个前狗主，识得点同动物「沟通」；但我家肥猫不受零食引诱...都系保持中立好啲。

依家9点53分， $恒生指数(HSI)$ 高开高走后依家见升幅略为收窄，小时图上见指数有上过10/20/50线，但因为升幅缩咗嘅关系，所以目前得返条上影线喺度，Slow STC(14.3)两线数值上已经见到触底；盖目前保历加通道口仍然保持横行，Swing Trade捉触底似乎有机。

$恒指法兴七七牛3.C(57159)$ ，收回价20248点，同现价有约374点距离，杠杆有约43倍，同一收回价中第二高杠杆、低街货。

2分钟后10点啦，希望你睇完文之后呢一注可以成功出仓唔会太迟啦！

作者阿珊，以技术分析专心玩轮证，唔贪心，努力赚取我家肥猫罐罐。