社区

大家好，我系老虎证券香港机构部执行董事陈纪贤John。

过去一个几月，美债收益率持续上升，对全球股票市场带黎新一轮的估值下挫，2023年将要结束，新一年仲有冇边D投资机会值得期待呢？

美国大型股

首先讲讲美国大型股，华尔街分析师预计标普500成分公司，今年第四季度盈利同比增长将达到6.7%，预计2024年全年盈利同比增长将会上升至12.2%，美国大型股系高利率环境下，依然有望保持唔错既盈利增长。

美国小型股

跟住落黎我地嘅视线转向美国小型股，相对大型股，小型股的盈利预期会稍差一些，也更容易受到高利率的冲击，但并不代表小型股完全不值得关注。

美国小型股之所以受高利率嘅冲击更大，是因为小型企业的债务结构中有30%是浮动利率债券，比大型股高很多。高盛嘅研究团队估计，高利率会使美国小型企业嘅利息支出，由2021年嘅5.8%增加到2024年嘅7%，将来可能会逐步增加到8%左右。不过高盛同时认为，而家小型企业嘅财务状况非常强劲，从财务盈余（亦即总收入减去总支出）嚟睇，整体私人部门嘅财务盈余总共占GDP嘅4%，远高于2000年同2008年嘅入不敷支情况。

除此之外，由于利率上升，小型企业而家可以获得更多利息收入，呢个可以部分抵消融资成本嘅上升。高盛指出，小型企业嘅现金同资产净值而家喺GDP度嘅比例，而家都系近40年嚟嘅最高水平，随住短期利率维持喺高位更耐嘅时间，利息收入预计都会继续增加。

今年嚟，市场对小型股唔系好睇好，截至10月25号，相比美股大型股标普500指数有9.04%嘅正收益，美股小型股罗素2000指数同期收益只有-6.24%。我哋认为市场对罗素2000指数，喺高利率环境下面对嘅冲击已经有所反映，近半年嚟工商业贷款嘅下跌趋势亦有所缓解，所以小型股喺今年剩余时间有机会有唔错嘅上升空间。

美国强劲消费底下啲隐忧

今年美国经济最大嘅惊喜系消费，持续嘅韧性甚至超出咗联储局主席鲍威尔嘅预期。鉴于消费对美国GDP嘅贡献高达近70%，各大投行分析师纷纷推翻咗美国经济今年会走向衰退嘅论断。根据巴克莱嘅分析，可选消费板块喺今年第二季度财报中每股盈利超预期嘅幅度最大，10月17号最新公布嘅美国9月零售数据显示，环比增长咗0.7%，超出一致预期嘅一倍以上。

纽约联储研究认为，家庭部门负债端嘅改善，系美国消费表现强劲嘅主要动力。疫情期间，多种类型嘅债务被豁免，加上大量财政转移支付同极低嘅利率，令居民部门嘅现金流状况显著改善。居民通过住房抵押贷款再融资，降低咗债务付息金额。截至今年Q2，呢个行为累计节省咗约1,200亿美元。除此之外，家庭部门仲喺低利率期间透过再融资方式，降低咗房贷支出，呢啲资金仲可以用喺消费上，今年Q2达到约2,800亿美元。

不过，值得留意嘅系，虽然零售增长依然强劲，但10月中公布嘅密歇根大学消费者信心指数初值进一步下滑，同店零售同比数据亦开始走弱。

截至今年6月尾，美国所有银行嘅信用卡同消费贷款拖欠率喺高利率环境下均已快速上升至高于疫情前嘅水平，但房贷拖欠率仍然处喺低位。信贷市场嘅风险开始聚集，系接下来需要密切留意嘅。如果未来几个月若消费盛极而衰，将美国经济增速拉返长期平均水平，我哋亦唔会感到意外。

综合睇嚟

综合睇嚟，美国经济数据实际上比一个月前更为强劲，短期内迅速转差嘅机会唔大。根据纽约联储用实时宏观经济指标构建嘅每周经济指数(Weekly Economic Index)嘅预计，未来4个季度美国GDP增长将达到2.27%，近期上行主要由零售、燃油销售同个人预扣税款所贡献，抵消咗钢铁产量、消费者信心指数、铁路交通同发电量等数据下滑嘅影响。

对美股嚟讲，未来一个月公司回购窗口重新开启，亦都会带嚟增量资金。根据高盛交易台嘅预计，绝大多数标普500公司由而家至12月8号，会重新开始股票回购。所以，我哋谨慎睇好美股未来1个多月嘅表现。

本人陈纪贤，持有SFC 1，2，4，5牌照，文中观点均为本人对提及证券的真正看法。本人未于相关股份存有权益。

如果大家对我嘅一啲市场解读有兴趣嘅话，记得like subscribe share老虎证券嘅youtube channel，下载Tiger Trade，关注老虎社区，帮你捕捉更多投资机会，再见～