社区

今朝见 $HSI(HSI)$ 迟迟都未出到一个明确方向，于是转向个股埋手，第一只一开就开心目中嘅头号对象 $HSBC HOLDINGS(00005)$ ；其实无乜特别点解佢会系我心目中嘅「冧把温」，可能喺年初时写过只利是股，喺佢同中移(00941)之间争扎咗一阵，最后我拣咗移。系啰，细路仔先要拣之嘛，Why not both？

今朝Patreon文上其实无拣到任何汇控嘅轮证，事关都想比啲时间佢 Back Test 一下日线图嘅20线，如果踩得稳而股价再上的话，其实以佢呢个咁嘅长线「上升透道」继续玩落去，莫讲话揸好仓，其实揸正股都应该无乜人反对。

就当进取少少，今日借踩20线博明日见效而偷步出好仓。五分钟图上见其他股价好有行到低开高走，只不过中间大约有两个钟头嘅时间系横行住，去到上半场尾市时先到股价重稍稍向上抽高，同步留意Slow STC(14,3)两线上到超买。

换一换保历加通道的话，则见保历加通道经过今朝拓阔再收窄之后，依家变到窄过你屋企条喉嘅通道，Ok嘅，虽然未见有好大嘅上行空间，但同样地亦无再下行嘅空间。

换言之，按目前情况所见，汇控五分钟图上见股价企于10/20线之上而下半场见保历加通道口拓阔的话，则股价有更多上行空间之余，Slow STC(14,3)亦都有条件出超买再超买，往往呢啲位出现嘅话，小注好仓追上博抽高一下确系爽。

如果真心想入返正股做返长少少时间部署同持货嘅话，换上小时图刚好见到Slow STC(14,3)两线于20以下嘅超卖范围出现触底，以中午收市价计，股价亦重上100线以上位置。

虽然保历加通道口系拓阔紧。即系话佢随时都可以变挂，心急嘅午后见股价上到100线可以小注 $UB#HSBC RC2312D.C(69393)$ ，收回价61元，同现价有4.39$差距，都安全嘅，市场上贴价牛证堆当中佢街货相对最少，杠杆艰约17.72倍亦为市场第二高。

记得企稳先好呀，企唔到嘅听日再算，佢依家只系入咗 watch list咋，唔系 Must buy item 。

作者阿珊，任财经/投资版传媒人十几年，《钟摆战略赢港股》、《轮证基础笔记》及《傻宝不懂的技术分析》系列作者。用技术分析专心玩轮证，唔贪心，努力赚取我家肥猫罐罐。