社区

今朝起身个天仍然都系咁暗，开电视睇咗一阵之后，忽然觉得连个电视机都灰咗一浸，皆因见到角落头报嘅道指跌逾600点；而今朝日股都有见跌到呢个点数出嚟，港股应该幸免于难。

依家9点28分，指数完U盘后再喺作战室制定今朝策略，剩返少少时间同老友阿贤讲佢最钟意嘅三叔公园上咗蓝仔头个YT，睇咗少少但真系要等到一阵12点先可以专心睇。

日线图上先见指数㖊日失守10线后，怕且今日都要拎埋条20线(18640点)出嚟做量度线，而咁啱呢个位亦都同5月初/5月10日上升裂口顶部18657点相约，再比多少少位嘅话，咪用埋裂口底18560点啰；Slow STC914.3)两线保持向下，保历加通道口收窄，再加埋之前用Fibonacci见指数喺19706点时撞到0.618，嗰时已经有战友开定淡仓定跌，到㖊日一割，70格即落袋。

「哗！今日牛证18500嗰层咁重货，指数又靠近返下方牛证街货，咁实系淡仓准备架啦！」又啱㖞，的确作战室今朝系准备定淡仓出去嘅，不过喺开市之后见指数喺开市价位度浮浮沉沉咗一阵，之后跌幅收窄到唔够100点，痴鬼线变阵好仓9冲出去掂一掂五分钟条10线先。

睇文嘅继续用返小时图去玩，见 $HSI(HSI)$ 今朝开市摆位系低于100线，但低开高走之下，依家9点51分见烛身系穿过条100线，爬唔爬得返上去暂时未知；又咁讲，即使爬到上去，但仲有条10线喺度 which is 由5月21日做阻力做到依家嘅一条线。

仲有3分钟就到10点，见今日无乜YT节目好听，所以开住个音乐App听Din Din，听住歌拣咗一只 $HS#HSI RP2606A.P(59187)$ ，收回价19221点，为市场上最贴价熊证堆中第二高杠杆，有约32.34倍。

10点啦㖞，Are you ready?

作者阿珊，以技术分析专心玩轮证，唔贪心，努力赚取我家肥猫罐罐。