社区

㖊晚随时半个地球嘅人类都睇住只 $NVIDIA Corp(NVDA)$ 嘅业绩，今朝瞓醒睇报导话纯利激增逾6倍，胜预期，所以盘后股价推升咗6%有多。

对住只「股王」，最直接就梗系买Nvidia嘅正股啦，但前题你系必须要有一个可以买到美股嘅A/C；不过，作为港灿嘅话，市场上都真系有以Nvidia作为Underlying嘅轮比你拣，但呢啲冷门都出咗随时有半年至一年啦，都真系未必有人知嘅嘢，过下手瘾可以嘅。So far市场上只得两只Nvidia Call，最贴价都讲紧同现价有57.26%价外距离嘅(10197)，有成交嘅，杠杆都有5.28倍嘅，有咩事打去发行商啦，佢哋唔系有责任同你收货，只系有责任维持流通量啫。(真系唔驶揾我架，求下你哋呀(´ー`))

依家9点15分啫，同战友一齐等紧完U，见只 $TENCENT(00700)$ 跌紧2.45%/10蚊，学战友话齌：「恒指10SMA应该都冻过水」，所以都率先Mark定5月10日嗰上升裂口顶18657点。

都系架，以㖊日收市价计，指数已经踩住牛证第一层街货19100至19199点，今日返嚟睇呢层有过张期指街货，虽然唔系重货区，不过都够食啦；重货区见18900至18999点，如果指数痴起线上嚟一下杀到落去18657点的话，五层牛证街货夹埋有3213张期指。哗~今日先23号，下个星期四(30日)先期结，提早成个星期收工。

完U后见 $HSI(HSI)$ 开出嚟报19024点，跌171点，开呢口价一啲都唔出奇，1016张期指全数死亡，同时指数亦只系争24点就事19000点，向下再望个街货图的话，恐怕今日18900至18999点呢层都玩完。

指数开市后有见向下再落多几十点，穿一穿个19000点，顺便食埋19000至19099点嗰292张期指街货，如是者开市1分钟都唔驶就吞咗总共1308张期指街货。

喺作战室一早用小时图拉好晒线等指数向下，当然啦，有咩事都梗系走先啦，系咁先啦，下次再玩啦！

$SG#HSI RP2602X.P(58805)$ ，收回价19377点，同依家9点40分嘅18950点比有约427点，已经系市场上最贴价嗰批熊证啦，杠杆有约33.4倍。

依家见系9点42分咋，稿都差唔多打完但指数亦都差不多到18900点，作战室开始食糊啦！大家加油啦！

作者阿珊，以技术分析专心玩轮证，唔贪心，努力赚取我家肥猫罐罐。