社区

今朝拣咗只 $HS#HSI RC2510L.C(57870)$ 出嚟，系借小时图10/50线之间条罅位嚟做Trade架咋，所以我都好担心出文之后会唔会指数已经完全唔同晒个样，于是喺今朝早篇文最后讲定声：万一你睇完篇文之后，指数已经到咗小时图10线的话，咁就比多少少时间佢，睇下佢过唔过线，过到线先出；否则淡仓反借10线做阻力，向下睇返50线先。

以今朝出文时间为10点11分计，如常的用10分钟作为睇文时间，即于10点21分时再睇返恒指走势图，见指数上到高位1935X点之后向下回落，五分钟图见100线挡路。

换上小时图的话，则见 $HSI(HSI)$ 于10线上留下上影线。换言之，今朝拣嘅(57870)出唔到，反肺淡仓有机会出场，只系我喺今朝篇文上面无拣到只淡仓出嚟啫，咁我希望你自己有pick到啦。

而呢一注淡仓如果唔贪心的话，11点半未到指数升幅已经缩返去得10点左右，Slow STC(14.3)两线亦见超卖位，同步由于保历加通道口收窄嘅关系，所以都到咗保历加底线，喺呢啲时侯散场嘅话，正数应该无问题嘅。

作者阿珊，以技术分析专心玩轮证，唔贪心，努力赚取我家肥猫罐罐。