社区

今日第一句咩都唔讲，皆因我家老爷今日大寿！愿我家老爷福如东海！寿比南山！(其实身体健康真系比长命百岁更重要。)

如果有睇开呢个栏嘅话，都应该会知道其实佢仲有个【下半Part】，主要都系跟进返朝早开出嚟嘅策略同埋update返下昼嘅情况。而喺㖊日嘅【轮证下半Part】share咗一张日线图，借上年高位同前年低位拉个 Fibonacci出嚟，一睇，刚好前日高位1970X点同低位弹返上去0.618水平相约，嗯...咁样嘅话㖊日跌400几点似乎有得解释。

今朝 $HSI(HSI)$ 微升4点，咁嘅开市点数作战室都系一动不如一静，反正㖊日淡仓大家都食到饱，而同时大家都明白到即使我哋系做Day Trader，但都唔等于日日每分每秒都出货/入货咁痴线，等好时机、做啱方向更为重要；更何况大家都系一个月埋一次数，一次半次走漏眼唔会致命的。

然而，如同平时一样未开U盘之前已经睇咗个牛熊证街货图。见今日贴牛仍然企住喺19100至19199点呢个位，虽然有600几张期指街货掰咗，但都仲有900几张期指街货喺度。以恒指开市口价19225点变，指数仍然靠近下方牛证街货。如是，即使作战室未出仓，但大家已经手执一只一早拣定嘅熊证，随时好似小智掟个精霝球出去咁落场。

依家9点56分，作战室第一注淡仓之前见大约19150点出「平底」之后都四散，借指数同Slow STC(14.3)Swing而比返好仓。10点打后见指数一度上返19300点楼上。

同平时一样睇呢篇文嘅你用返小时图去trade的话，好仓同作战室一齐出唔系唔得，不过目前指数被10/50线夹住，好仓比出去嘅话都要睇住小时图条10线先。

$HS#HSI RC2510L.C(57870)$ ，收回价18800点，企低于19000点都安全架啦，同现价有约380点距离，杠杆约45.67倍，同一收回价中最高杠杆。

万一你睇完篇文之后，指数已经到咗小时图10线的话，咁就比多少少时间佢，睇下佢过唔过线啦，过到线先出；否则淡仓反借10线做阻力，向下睇返50线先。

作者阿珊，以技术分析专心玩轮证，唔贪心，努力赚取我家肥猫罐罐。