社区

上个星期五(5月17日)拣咗只 $HS#HSI RC25094.C(58161)$ 出嚟，平均买入价为0.034元。喺上半场11点45分至下半场1点25分，见Slow STC(14.3)两线上到80以上超买位置，喺呢段(58161)已经可以离场。

按期内(58161)高低位做过0.043元/0.035元计，平均走货价为0.039元，即平均有5格/14.71%落袋。

上个星期明明日日都好天气，不过去到星期日就开始落返雨，㖊日嗰场雨真系由下昼一直落到夜晚，传说中嘅「长命雨」。

$HSI(HSI)$ 由4月中低位16044点，60度角方式向上冲至上个星期五高位19602点，累升3558点，坦白讲大家都开始担心会同个天一样落起「长命雨」。

不过，今日指数完U后见升67点，报19621点，再创自去年8月以来新高。及至正式开市，喺初段时间见指数向上升过百点，依家9点34分，指数一度高见19664点，Keep住咁day high & N个月高位。

作战室今朝都先用好仓应战，但都讲到明开市初段时间系会比较chok，又处于高位向下借线都比较远，所以都只好Keep住数住格仔，有咩事即刻四散。

至于睇呢篇文借小时图嘅你，依家9点38分，暂时指数仍然处于10线之上，连埋保历加通道睇嘅话，指数由5月9日下昼重上10/20线之后至今，一直都处于保历加顶线&10线之间慢慢向上运行，保守嘅方法当然系等返指数回返落去10线企稳之后先至出好仓再顺依家个势追上去啦；进取嘅同作战室一样，借19600点呢个位做下方量度线都可以嘅。

依家9点50分，见指数喺五分钟图开始同10线靠近，准备借线啦！

「咁样即系拣恒指牛啦？」Yes！不过，依家市场上最贴价嘅恒牛，收回价见19115点，同现价有逾500点距离，都唔紧要，最麻烦嘅系街货好高，所以拣嘅时侯要避开高街货嘅恒牛，如街货低于20%、但杠杆月约39.24倍，为市场第二高杠杆嘅 $CT#HSI RC24101.C(58220)$ ，收回价19115点，同现价有约506点距离。

另外，留意返上个星期五收市后恒指服务公司公布咗新一个季度嘅检讨结果， $BYD ELECTRONIC(00285)$ 同 $ZIJIN MINING(02899)$ 分别入咗恒指同国指，科指就维持原状。呢两只本身都系喺可发行轮证嘅list里面嘅，只不过目前唔系有好多嘅选择(好似得轮，比电连Put都无)，炒染蓝嘅朋友如果想借窝轮杠杆做部署嘅话，碌大只眼睇清楚啲条款呀。

作者阿珊，以技术分析专心玩轮证，唔贪心，努力赚取我家肥猫罐罐。