社区

今朝拣咗只 $UB#HSI RC2609W.C(56050)$ 出嚟，由于出文嘅时侯都已经见到指数确认上破五分钟图嘅小型「长方形」顶线，同步Slow STC(14.3)两线亦都上到超买位，于是比较建议嘅做法都系等一等。

去到大约10点30分，见 $HSI(HSI)$ 喺高位向下稍为回落到10线水平，唔穿线的话(56050)可以出动。比多五分钟见确认唔穿10线，按10点35分至10点45分，即如常用10分钟作为买货时间入只(56050)，期内(56050)高位低做过0.074元/0.068元，平均买入价为0.071元。

杌一注好仓的确无set到目标价，而下方量度线如常的用返10线无问题；玩得纯嘅见保历加通道横行，转用中轴作量度线亦都可以，只系记住今日系星期五，过夜要过两晚架。

上半场大约11点40分时有见到指数向下失10线，唯有20线守住，且午前已见Slow STC(14.3)重新兜底向上，只系要留意嘅系今日高位17638点呢个位出现嘅时候，五分钟图上「平顶」亦见，过到线啰，好仓再Hold有何不可？正数收割亦无任欢迎。

依家1点5分，下半场开 市后暂时见指数都仲企于五分钟图嘅保历加中轴之上，至于(56050)午后开出证价见0.078元，比平均买入价高7格或9.86%，仍然在手嘅就好好守住呢条线，想7格袋袋平安嘅，咪食啰。

作者阿珊，以技术分析专心玩轮证，唔贪心，努力赚取我家肥猫罐罐。