【轮证下半Part】日线顶住「上升通道」延伸顶线
今朝拣咗只 $HS#HSI RC2607E.C(55847)$ ，如同㖊日嘅玩法一样，进取嘅借五分钟图10线追上；安全嘅就用返Slow STC(14.3)行Swing Trade方法。
以今朝出文时间为10点28分，如常的用10分钟时间去睇文的话，则于10点38分再睇返个走势图，当时 $HSI(HSI)$ 的确喺10线之上，但事实是早20分钟(即于10点20分)已经借住10线向上行，都唔紧要，另一个问题在于Slow STC(14.3)两线已经上到80以上嘅超买水平，而当时保历加通道整条向上中，即随时会有触顶Swing Trade出现，如是者，好仓仲点出呢？
咁就梗系唯有等返Slow STC(14.3)出触底Swing trade先至出只好仓啦；当然你可以喺等嘅呢段时间比注淡仓行嗰一趟嘅，Swing trade嘛，就系咁玩架啦。
「咁早啲出注好仓嘅话，咪可以一上一落食两次Swing啰？」啱呀！作战室今朝就系咁玩啦！
Patreon作战室设有七日免费体验！即刻喺FB/IG/Patreon搜寻《轮证赢家》
等到今朝11点50分，Slow STC(14.3)两线终于落到去20以下嘅超卖水平，及至依家1点17分，Slow STC(14.3)两线都仲系喺超卖位，横行住未见Swing返上去，(55847)Hea到依家都未郁嘅话，我谂你都唔会郁架啦，你估真系到步入/走货咁易咩，仲有其他线位要睇架！BTW向来下半场都系以闷为主嘅，睇嚟今日专心工作好过。
八挂多一个图：日线图；系，今朝睇咗可以再睇多次嘅，画返早几个月画咗好耐嘅「上升通道」出嚟嘅话，就会发觉指数今日高位顶顶当日「上升通道」再延伸出嚟嘅顶线，250线都未拎返出嚟，熊证街货系多，但又遇上呢个技术位，今朝同战友执完格仔算啰，呢啲位都系食下花生好。
作者阿珊，以技术分析专心玩轮证，唔贪心，努力赚取我家肥猫罐罐。
免责声明：上述内容仅代表发帖人个人观点，不构成本平台的任何投资建议。
关注我们