社区

㖊日拣咗只 $HS#HSI RC2607H.C(55669)$ 出嚟，进取mode嘅快来快去爬2.5格或3.88%；而安全mode嘅则于上半场11点55分起见Slow STC(14.3)落到超卖位出出，如同平时一样博行一趟Swing Trade就算。

如常的用10分钟作为买入时间的话，由于时间上都几尴尬，喺上半场尾至下半场开市头段，所以简单啲当下半场开市返嚟先至入只(55669)，即按1点至1点10分，(55669)期内高低位做过0.067元/0.063元计，平均买入价为0.065元。

继续用返Swing Trade方法的话，即等Slow STC(14.3)上返去超买位就可以啦！如是等下半场开市后见Slow STC(14.3)保持上行，只系 $HSI(HSI)$ 喺五分钟图上被收窄咗嘅保历加通道限制咗上落嘅幅度。及至1点20分，Slow STC(14.3)两线已经上返去超买至严重超买范围，情况持续至2点5分嘅，换言之喺呢段时间走(55669)就符合咗完成一趟Swing Trade。

同以期内(55669)高低位做过0.071元/0.067元计，平均走货价为0.069元，呢一趟比朝早进取mode出动所需嘅时间更短，但平均爬到嘅格仔更多，为4格或6.15%。

临近月尾，望望今个月嘅【月度报告】，还好仍然维持正个月正数收入，不过今个月比较多少于10%以下嘅平均赚幅，扣除因交易而产生嘅费用的话，七除八扣唔系剩好多，但都仲有肯茶执到嘅，至少正数先啦，系咪？！

今朝指数低开50几点，本以为恒指真系受制于日线图嘅「长方形」顶线，开市初期都见指数于低位徘徊，但喺9点55分时，五分钟图上就见到架啦，忽然一棍抽高，一抽抽到指数1喺10点初段过17300点，将第一层熊证街货17200至17299点全数收回，呢层有相当于857张期指街货。台头再向上望埋嗰堆熊证嘅话，由依家最贴价嘅17300至17399点起计向上数四层，每层都有过千张期指街货喺度。

时近月尾，虽然唔系季结，但都要准备一下月结嘅，恒指牛(55847)，收回价16511点，同现价有逾715点，已经系市场上最贴价嘅牛证，同时亦都系杠杆最高嘅牛证，有约24.97倍，成交活跃都系卖点之一。

依家10点24分，指数于高位徘徊中，五分钟图上踩返落10线但已经有似想再去过，追上的话注码上控制一下；进取同安全mode同㖊日嘅玩法一样。

作者阿珊，以技术分析专心玩轮证，唔贪心，努力赚取我家肥猫罐罐。