社区

㖊日拣咗只 $JP#HSI RC2607L.C(55580)$ ，平均买入价为0.04元，如常的用返Slow STC(14.3)Swing Trade一趟就收工，所以㖊日【轮证下半Part】出文之后要做嘅嘢就系等睇指数于五分钟图上会系有力向上爆高多一下，还是Slow STC(14.3)最后都系不敌横行中嘅保历加通道再向下行。

终于等到2点10分，确认 $HSI(HSI)$ 无再向上高冲一下之余，Slow STC(14.3)两线仲向返超卖方向出发，如是者(55580)就要起身。如常用返10分钟作为走货时间的话，按2点10分至2点20分期间，(55580)高低位做过0.044元/0.042元，平均走货价为0.043元，呢一趟持货唔耐，计埋食饭时间三个钟都无平均小执3格或7.5%，做咩啫，正数呀！饮杯礽茶都好呀！

㖊日同个老友两个喺楼企楼下商场求其揾间肯厅食个饭就当过生日，由中一识到依家，随住年纪嘅增长过嘅每一年生日都愈嚟愈「求其」；或者就系识咗对方咁耐先至可以咁「求其」。但系㖊晚有一句佢讲得好啱：「今年唔好咁求其啦，唔系下一次都唔知几时食啦」系啰，出年毕业佢就申请visa离港啦，但系到最后我哋「依旧求其」。

依家9点44分，出面雨愈落愈大，恒指开市高走见过16700点之后都重新返番去接近今朝开市水平，依家做紧16648点，升137点，小时图上见指数目前守住喺100/150线之上，作战室未有太大动静，因为大家都系等紧呢两条线倒底可唔可以守得住指数，顺便睇埘小时图整条保历加通道向上时，指数系咪借顶线同100/150线作Swing运行。

见指数行得咁慢，先处理Patreon其他文章，Upload后返嚟见终于过咗10点，五分钟图上指数借得到10线想出「圆底」但唔系好够力，小时图则见指数算是重新守返100/150线，整条保历加通道保持向上，唔通一开市就要用时间换格仔？

$SG#HSI RC2507V.C(55551)$ ，收回价16251点，同现价有约365点，今日啲牛有啲跳，再向上数的话，收回价就去到16300，一缩缩到同现价得返316点左右嘅距离，企后少少安全啲嘅，杠杆都有约38.64倍OK啦，但记得拉好小时图嘅100/150线呀。

作者阿珊，以技术分析专心玩轮证，唔贪心，努力赚取我家肥猫罐罐。