社区

㖊日喺上半场时段快手执咗几格牛证，正数后下半场其实佢行成点我都唔系太过著意，如果有玩开Day Trade嘅话，可能都会知道大多数 $HSI(HSI)$ 郁嘅时段都会系喺上半场发生；所以点解作战室战友可以玩到Day Trade又返到工，就系咁解。

今朝起身睇新闻，见到右下角loop住亚股同隔晚美股点数，都心知今日港股应该都系唔开胃嗰只，果然开市跌13X点后，作战室淡仓一直陪到指数穿16100点，将第一层牛证收回后，依家9点56分，恒指跌幅收窄，10点未到暂时喺五分钟图上画到「长方形」出嚟。

等到10点打后见指数于小时图上出现接近「锤头」物体，烛身有啲厚所以难count佢系，虽然保历加通道口收窄中，限制住指数再下行空间，不过Slow STC(14.3)又未转势，借小时图出仓怕且都要等等佢会唔会企住喺条量度线上等保历加横行。

继续跟进喺Watch List里面嘅 $SPDR GOLD TRUST(02840)$ )。单位价格喺㖊日其实都有跟住市落返去，最低见过1713元，同10线1707元争6元，懒得等、劲心急同无耐性嘅话，的确可以喺拎返只早几日拣定嘅 $MS-SGC @EC2409A.C(24083)$ ，重新再睇下佢嘅条款都未见走样，可以用得返。

按㖊日S金一开市就落到去1713元低位，同步五分钟图见Slow STC(14.3)都处于超卖水平，基本上可以送只(24063)出去。但唔搞到咁复杂啦，假设㖊日S金挨近10线，就当全日都可以买(反正S金本身都唔系日内波幅好强嘅ETF)，(24063)全日都入得嘅话就用㖊日高位低0.238元/0.226元计平均买入价，即为0.023元。

今朝开市恒指向下再落嘅时侯，S金单位价格其实系逆市造好，只(24063)几时食真系随得你，可以当你睇完之后即刻收割都可以；只系提番今日星期五，同埋袋咗落袋先至系钱呀！

作者阿珊，以技术分析专心玩轮证，唔贪心，努力赚取我家肥猫罐罐。