社区

今朝拣咗只 $UB#HSI RC2609I.C(50110)$ 出嚟，以今朝出文时间10点13分计，如常的用10分钟作为睇文时间，即于10点23分再睇返走势图。当时 $HSI(HSI)$ 喺五分钟图上同条10线系愈行愈远，完全无办法等得到佢靠返条线之下唯有直出只(50110)。

如常的用10分钟作为买入时间的话，以10点25分起计10分钟入只(50110)，期内(50110)高低位做过0.058元/0.054元，平均买入价为0.056元。

落场后指数一直系咁上，16400点亨松过关之后，指数仍然未掂到10线，顺便喺小时图上过埋中轴线。再去到10点50点，16500点亦抵垒，唯同步于10点55分高位同见16507点，「平顶」出现之下指数于高位稍回，及至11点20分确认失守10线，Slow STC(14.3)两线触顶向下，换埋保历加通道亦见通道口收窄，发动Swing Trade条件嘅技能都出现晒啰，(50110)唯有走人。

同以10分钟作为走货时间，于11点20分确认失守10线起计10分钟，期内(50110)高低位做过0.062元/0.059元，平均走货价为0.0605元，换之言呢一趟一个钟松啲嘅好仓注，平均有4.5格或8.04%落袋。

战友们今朝10点未到已经出咗好仓啦，午前见保历加横行返，指数喺中轴都守咗好耐，有部份战友率见收割保正数，啱呀，不过我相信都仲有贪心鬼嘅。

今朝睇新闻时见天文台都话呢几日会落雨，中午未到几个雷打过嚟，我家肥猫由佢平时瞓系窗台位爽爽的，即时被个雷吓到跳落地，急急脚走过嚟我做紧嘢嘅台底嗰块爪爪版度暱埋，阴功，你话出面啲浪浪咁算？(佢曾经都系一只浪浪)

下半场开市嘅同时，天文台发出今年首个黄色暴雨讯号，黄色啫，OK嘅，不过出去食饭嘅话，除咗带定把遮之外，如果公司有对拖鞋嘅话就换定啦(我以前真系有对人字拖喺公司架！)

作者阿珊，以技术分析专心玩轮证，唔贪心，努力赚取我家肥猫罐罐。