社区

见今朝 $HSI(HSI)$ 企唔到上16300点之后，向下插到落到失16200点，所以拣咗只 $HS#HSI RP2611B.P(55213)$ 出嚟，打算等睇指数向下再杀落去啲重货牛度。

以今朝出文时间为10点19分，如常的用10分钟作为睇文时间的话，则于10点29分再睇返走势图，见当时恒指于五分钟图上已经同Slow STC(14.3)一齐出咗触底回升，15分钟之后已经重上中轴以上，谂住等佢上到保历加顶线/Slow STC(14.3)到超买位时，见触顶咪出只(55213)，做一趟Swing Trade都好嘛。点知呢，去到16282点左右无啦啦见「平顶」，而Slow STC(14.3)最多都只系见条%K线去到73就回。

「咩料呀？」咪就系佢要行「三角形」啰，你都真系无佢办法，一系跟住佢个「三角形」做Swing，一系就等佢玩完个「三角形」再算；战友们嘅选撢就梗系跟个「三角形」Trade啦，因为一齐喺Chat Group，一齐睇到最Update嘅拉线画图，唔系咩叫一齐炒？！

至于只 $SPDR GOLD TRUST(02840)$ ，截至中午收市止，单位价格报1727美，升0.82%，虽然暂见高开低走，唯日线图上见仍然未到10线，由于目前整条休历加通道仍然向上，Slow STC(14.3)则已经触顶向下，整个格局其实系行紧Swing Trade走势，所以点解想等佢回一回落去10线睇下有无支持先至再出手，就系咁解。

作者阿珊，以技术分析专心玩轮证，唔贪心，努力赚取我家肥猫罐罐。