社区

$HSI(HSI)$ 今日上半场高低位有179点，一啲都唔大嘅波幅之下吞咗1862张期指街货，多得一堆贴价牛嘅街货企到最前线。而恒指中午收市报16279点，跌320点，喺牛熊证街货图上见，第二层过千张期指街货层16200至16299点，指数已经踩紧，只系暂时都未见到佢飞擒大咬啫。

今朝同战友一齐玩都系以出淡仓为主，慢唔紧要，至少方向啱先啦。下半场仲揸唔揸淡仓...嗯...要睇埋小时图保历加通道口有无确认拓阔啦。

Patreon新增内容【开市前速报】，七日免费体验： https://www.patreon.com/join/cbbcwar

另外，今朝误闯前辈范巧的YT直播，同喺呢度都系一样拣咗只 $SPDR GOLD TRUST(02840)$ 嘅Call出去，原因好简单，因为短线嚟讲喺嗰边局势唔明朗嘅情况之下，黄金呢种仍然都系传统嘅避难所，呢个咁重要嘅身份，咁多年嚟都未有其他产品可以击破，可想而知地位崇高。

$UBSPDRG@EC2502A.C(24063)$ 系今朝Pick出嚟嘅，睇返中午SPDR金ETF嘅单位价格报1729.5元，升24.5元或1.14%，日线图上见单位价格同10线都仲有一段距离，虽然佢有硬追嘅条件但安全计等佢回落线亦是理智之举。

作者阿珊，以技术分析专心玩轮证，唔贪心，努力赚取我家肥猫罐罐。