社区

如常的起身做好朝早嘅《开市前速报》&同战友们睇咗今日嘅街货图、走势图兼拣定货之后，收到个Msg来自远在加大拿嘅旧同事阿柱，话收到我钩嘅比卡超公仔(佢至爱)，只不过被佢个女据为已有，挂咗喺书包度返学。哈哈，收到就好啦；搭单条颈巾你话啱用就更加好啦😊

今早恒指再向下碌多200几点，落到16367点，日线图上见 $HSI(HSI)$ 失守最后嗰两条平均线，不过，尚算仲有个「长方形」底线接住指数，水平大约系1634X点呢个位；所以今朝喺作战室都讲明追淡仓见线好啦。又线位同现价都唔系话差得远，依家9点40分，开咗市10分钟见指数未能企稳16400点楼上，即拉尽得60点左右。

等等下，见指数喺五分钟图上都有啲下影线出到，喺未企稳16400点之前作战室亦胆粗粗先比小注好仓试住水温先。

港股咁闷，试下揾个股著数，呢期除咗Bitcoin之外，以我个Patreon第二最多人问过嘅就系黄金。系嘅，嗰边发一粒弹，金价就即飙，由之前咬住喺每盎斯1900至2000美元咁上下，一下子飙到掂过每盎斯2400美元，虽然大家同香港小姐嘅愿望都系一样想「世界和平」，但金价咁升法...你睇下今日只 $SPDR GOLD TRUST(02840)$ 先啦。

除咗可以直接买SPDR金ETF之外，佢都有轮嘅，不过啲金价上到咁，啲价外Call都得返7只咁大把，其中 $UBSPDRG@EC2502A.C(24063)$ ，行使价1778.27元，同现价有3%价外，引伸同杠杠适中，不过呢个比较难做Day Trade，用日线睇的话，试下等佢回唔回落去10线企好之后先至出手。

作者阿珊，以技术分析专心玩轮证，唔贪心，努力赚取我家肥猫罐罐。