社区

今朝喺呢度无拣到任何货出嚟，事关谂住等小时图「圆顶」向下之后生出嚟条颈线接唔接得住指数，本以为呢一等要等到11点打后，甚至系下半场先至会见到，但喺今朝10点20分，见 $HSI(HSI)$ 已经企好底线之余，仲上破咗今早画定嘅量度顶线16450点，等咗成个半个钟有多终于都有位出仓，战友们一齐出好仓应市，至今个上半场结束前大家都纷纷收割，叹个靓午餐。

Patreon五个不同级别会员，适合不同程度的你，并提供七日免费试用！详见《轮证赢家》FB/Patreon

下半场开市之后，真心估唔到指数仲有得再去，依家1点13分，高位见过16725点后出争两点「平顶」，战友们都等紧指数回落五分钟图10线后企唔企得稳。

再睇睇小时图，下半场返嚟见指数重新企上五条主要平均线之上，有似「W」形态，颈线成形都系睇过定唔过啫；唯同时亦见保历加通道口拓阔，Slow STC(14.3)两线未到超买位，偷埋嗰少少位嘅话又无话唔得嘅，同战友们嘅心态都系一样啫。

企到五分钟图10线的话，恒指牛(51848)，收回价16300点，同现价有约360点距离，杠杆37.02倍；万一跣脚嘅，恒指熊(52789)，收回价17048点，同现价有约387点距离，杆有约37.02倍。两只都系即日货。

如果你谂住用无收回机制嘅窝轮做坐货过假期部署的话，留意即使港股休市，但轮嘅时间値损耗仍然生效中，换言之，如果你系打算坐轮过四日假期的话，咁你就要预咗系比四时嘅间値出嚟损耗，都系成本嚟架；同步为减低呢个成本嘅付出，拣嘅时侯唔该睇下个到期日，拣一啲中期少少嘅轮，以低间値损耗嚟减低你嘅成本，明唔明呀？

作者阿珊，以技术分析专心玩轮证，唔贪心，努力赚取我家肥猫罐罐。