社区

话咁快，今个新年又过咗，望望月历今日都已经26号，即系2024年咁又过咗两个月，睇返 $HSI(HSI)$ 年头嗰时有17000点楼上，不过当时被50天线顶住，线出阻力指数向下回落。一落一上之后，两个月后再见恒指已经上破咗条50线，仲去到100线前添；但系形态上指数于100线前出现咗「射击之星」；而点数计以上周五(2月23日)计，指数只系去返16700点。

今朝恒指开市跌40点之后，到依家9点50分，实在第一注仓都未知出乜好，因为指数连佢自己想行去边都唔知，上上落落转灯都唔知转咗几多次，画画下出咗个「三角形」，动作快嘅战友喺呢个拉到尽都只系得100点嘅范围里面做swing系得嘅，但系有几多个真系可以咁快手？无嘢要急嘅，等市有明显方向先至再追都唔迟。

仲有5分钟先至到10点，睇小时图见暂时指数喺10/20线之间出现「倒T星」，又唔系高位出现，即系唔算系「射击之星」；但依家出现系唔系低位，变成「倒转锤头」？真系未知，反正依家10点钟，只系呢粒烛嘅开始。

$UB#HSI RP2611U.P(65317)$ ，收回价17100点，同现价有约370点距离，杠杆有约36.36倍，以呢个杠杆计用嚟今日Day trade都可以，反正依家10点8分，恒指喺小时图上已经过埋条中轴，今日下望条保历加底线Ok嘅，同步望住Slow STC(14.3)两线仍然保持向下势头最好；比较想嘅系，借日线图100线唔过+出「射击之星」+画埋条「上升通道」睇埋见顶线唔过向下回，又唔系想佢回到死嘅，喺「上升通道」里面借顶底两线慢慢摇返上去都几健康呀，唔到底线咪耐少少，睇下到唔到10线啰。

重申，Day Trade的话见小时图保历加底线唔系唔得，比较有耐性嘅话尝试等一等五分钟图Slow STC (14.3)上返去超买时先至再出淡仓，借多一个图同一个方向走到嘅话，胜算多一份耶。

作者阿珊，以技术分析专心玩轮证，唔贪心，努力赚取我家肥猫罐罐。