要知道自己适合的投资大环境 大家好，2025年啱啱过左一半，我又分享下上半年既心得： 2025年上半年我的投资表现 上半年我对我投资组合表现十分满意，但比一众高手系远远不及，之不过能够跑赢QQQ，我已经好满足。 虽然系一件乐事，都要记住「会过去的」，极否泰来，物极必反，低潮时要忍耐，高光时要谦卑。 就好似最近一星期，接连操作不顺，分享下我做过乜操作： 呢个星期录得亏损的操作 好似过去两日，曾经买入6168 及Tsla ，但好快就止蚀离场，操作上无任何失误，有止蚀有注码控制，咁唯一可改善既地方，就系建仓时机不对，既然系咁，我地又睇睇大市先： S&P系休市前再创历史新高，每日既升跌只数表现更好，表示大市十分强劲，系呢个背景之下，我仍然录的亏损，即现况不利于我。而由我所见，我之前录得盈利既模式，系呢个时间并不适用。 大市屡创新高，但属慢升格局，成份股最为受惠，资金会分散买入各种股票，就唔会咁容易有资金集中的表现。于是，我要理解环境已转变，再回望下自己持仓： 截止今日的投资组合 我既持仓中，好似NVDA呢种，就受惠于慢升，每日都录得盈利，相反CRCL 及 OUST呢种热炒既股票，系呢段时间表现就差好多。 我今日静静咁思考，点解果两个操作既问题，好有可能就系市况唔就手，所以先会录的亏损，但无论乜原因都好，减少操作及睇市，会有帮。 今晚系美股休市，大家都可以松一松，星期一先再黎过，祝假期愉快。

20240403 今日做野忙，做左功课斩无写笔记，而家系23:03，写少少谂法。寻晚入左少少SPY，搏佢20EMA有得弹，又真系搏到。不过今晚包包讲野，SPY同你整个急跌都得，所以而家决定推止蚀去买入点，跌都唔洗输。 听日得闲讲下寻晚炒野。 $标普500(.SPX)$  $CXApp(CXAI)$ $VivoPower(VVPR)$ 

20240618 「好市都走左去沽货，找死咩？」 今晚又想分下少少野，都系果句，唔系因为我嬴钱，就代表我既睇法系绝对正确，最多只可以话我策略安排好。系6月12日分享左当日沽左ENPH，果日系SPX跳升，但呢排有做开功课都知，SPX升但AD线唔得，好明显系集中系AI类股票而因其带动，然后我发现SPX的成份股中，ENPH系头10只升幅最劲之一，但果下觉得SPX升唔应该关佢事，可能系好消息炒高而沽货，所以试沽一下，系$139.5沽第一次，但好快升到当日的顶$141.5，打中止蚀，然后唔信邪再沽，但今次沽既数量比第一次少一半，然后将止蚀加大，然后第二次沽左后真系跌，到今晚第4晚，已经跌左14%左右，但系13号晚已经食左9成，净低继续放纸鸢。另外系13号晚，同样沽左AVGO，但呢只AI股紧系强势啦，所以打中止蚀后都唔再追，反而系沽空位置到今晚，升左4%。而14号晚沽既ADBE，今晚都有好表现，而且又系食左9成。 $标普500(.SPX)$  $Enphase Energy(ENPH)$ $Adobe(ADBE)$ $博通(AVGO)$          

我早两日做左一个统计，由25年1月13日起到2月11日为止，边啲股票表现最好，其中见到，服务我地既券商 老虎证券，表现出色。由1月13日底位的阳烛，到寻晚的大爆发，已经累积43%的升幅，冲击24年12月9日的高位。虽然好多人包括我，都捉唔到呢一浸既升幅，但而亦系一个好时机。 首先强调一件事，我不是任何证监会认可人士，呢篇文所有意见纯粹个人投资经验分享，不构投资建议。 虽然寻晚收市，系图表上型成两顶，但系早前小米的教训，不能如此简单判断，反而应理解为一个机会，而且系呢度要加入主观偏见：睇好。 咁系睇好既情况下，现在既 TIGR，应如何部署？首先希望出现一个买入位，最好系1-3日的缩波缩量，咁就系一个舒服既买入位，或者系呢种短期内爆升既股票，可能连缩波缩量呢种回气位都无，今晚就再爆一支大阳烛，咁既情况下，系开市初段要留意成交量，如果发现成交量异常，可以立刻追货。 留意，以上郁系基于一个主观睇好下既谂法，咁如果我既主观谂法系错既，出现坏既结果，咁点算？我地可以系入场前，计算自己能承受既金额，注码控制风险，及必须设定止蚀，咁既话就可以防止系坏既结果出现时大败。 $老虎证券(TIGR)$ @老虎证券 

20240604 发达前，首先要提防自己因为「黑天鹅」而爆厂。 寻晚最强流量密码，莫过于是巴郡，竟然出现$185的成交纪录，连老黄忠都出文揶揄。事后交易所取消该46股的交易，有份买到呢46股既人可以话一场空，但呢个都唔系最惨，据悉有人系巴郡停牌期间，输入市价盘挂牌，系重开后买入以市价大约5球港币成交，而本身户口系无咁多钱，即系要用「孖展」买入，但连仓都机会补既情况下，俾经纪行焗斩仓，买入卖出价差有几十万至几百万，呢班谂住衬火打劫既人，点知俾人反杀。 其实有认真做交易既人，都经历过极端情况下，交易会有问题，系会导致损失，甚至系爆厂！ 所以点解进行交易时要严守一些规则，就因为系要避开呢一类情况。 好似系2020年2月中至3月底，SPX跌左3成，当时大量股票可以系一日内触及停牌机制，呢种停牌机制唔系咁多人知，尤其系作为海外人士既我地更加一头雾水，但好多网民即时系各大讨论区及群组分享懒人包，等大家都了解成个机制。今次巴郡事件情况类似，都系因某原因于交易时段停牌，然后重新开始交易，问题就系呢度，当呢种极端情况下交易，要知道有咩可能发生： 1.错价，因为错价买入比市价平的股票当然好，但因为错价而爆厂既人亦有，就好似今次咁。 2.出盘后不能成交，呢度要留意小小，因为讲紧出左买盘/卖盘挂牌而不能成交，因为大家经过股票行到市场买卖，但系极端情况下，由 个人到股票行 或 由股票行到市场 的过程中，系可以有阻碍而令出盘不能以成交，或者系出左市价盘而不能成交(我系试过，仲要系改价钱都改唔到，眼白白睇住俾人㓥...)，呢一种都系可以重创自己。 3.出盘后不能更改，同上面情况差唔多，因为又系试过改唔到盘，想买既买唔到，唔想卖又卖左。 4.孖展斩仓,股票行提供「孖展」交易额，能善用的话的确事半功倍，但亦系「催命符」，好似今次咁，如果个仓系有5球现金，真系成交左，都系买贵左，仲有变数，但如果「笃手指」，由

20240523 今日真系要写笔记纪念下先，由1月31日开始录得亏损，最大有10%，差唔多4个月后就追返哂，证明我自己真系做到。但我都要提醒自己，持仓未平，都仲系未知之数。讲下大市，HSI明显见疽短期顶3支阴烛加上两个跌gap，睇下20EMA有冇得弹，但个别业绩股，公布后跌幅好多都10%起跳。SPX就继续创新高，但NDX明显更有力，当然系受惠于NVDA。 $恒生指数(HSI)$  $标普500(.SPX)$  $纳斯达克100指数(NDX)$$英伟达(NVDA)$           

20240426 大市肯定左短期十分波动，好似寻晚QQQ咁，开市俾META拖累先开跌2%，但系越升越有力，好多成份股都逐步上算，好似出业绩既GOOG同MSFT。差唔多去左2点左右见到连个跌GAP都补埋，个心忽起上黎走去加仓，先开新仓GOOG，再加另外两只持仓，今早就见到GOOG爆升12%，当然先食一半为先，另一半放纸鸢。如果就咁追我D笔记，好似好抽象同马后炮FEEL，但我想讲既系，系寻晚开仓都系摸石过河，如果知道GOOG走势,接左层楼去买啦，所以唔好觉得我好神，只系做左基本功(开仓前的止蚀及注码控制)，之后就系好运。$谷歌(GOOG)$  $纳指100ETF(QQQ)$  $微软(MSFT)$  $Meta Platforms(META)$            

20240612 今日系唔会忘记！ 6日无做功课，大市方面继续创历史新高，NDX比SPX较为强劲，但SMM及AD线持续走弱，惟独MACD回望见到底部后反弹。HSI继续寻底，今日有考虑过开PUT但最后打消念头。1919及ZIM等航运股急跌，未揾到位开仓但可以继续留意。操作方面，NVDA继续系我近期赚得最多既一只股票，系上星期五买多少少后，注码保持系本金的4成左右，希望可以唔好咁CHOK打中止赚，然后变成做一个长仓。AAPL于星期一买入后，为惠于寻晚创新高既一浪,录得不错盈利。寻晚另外做多左一个操作，系AAPL突破$200前，大胆将的户口(本金+杠杆)所有购买力，于$199.9买入AAPL，然后在$200.7平仓，历时大约2分钟。大家一定会话，AAPL收市升到$207，我咁样咪好蚀?但要知道既系，开仓时的注码系过份大，为左减低风险，要速战速决，而突破大位时搏少少水位，呢点我有把握，同埋能够完成目的又有盈利，已经好好，然后下次再做好D，咁就可以了。最后写底呢句，提醒自己而又送俾大家 : 会过去的。 $苹果(AAPL)$  $英伟达(NVDA)$ $标普500(.SPX)$  $纳斯达克100指数(NDX)$ $恒生指数(HSI)$  

20240430 Hea左几日，又睇睇个市先，SPX 明显系4月19日星期出左个底，4月22日ROC 2 系过去30日新高，算系一个入场信号，4月25日做左higher low ，跳跌低开即日补裂口兼高收，有明显大成交，如果冷静可以睇到呢个系几明显信号(但我都无睇到)，4月26日继续跳升亦无补裂口，呢此可见呢个反弹十分劲，寻晚亦企稳20EMA上，可以考虑积极入场。个股方面，IBRX系开市有大成交，于是想搏短炒大升，$10入但$9.5中止蚀走，但因为睇到有D机会可能再爆上，于是再入货，$9入场，止蚀系$7.5，重申呢D炒法，输既幅度一定系自己接受到、训得著，唔系下下训身去。而家我既杠杆系数系1.52，算系满仓有突了。  $ImmunityBio, Inc.(IBRX)$$纳指100ETF(QQQ)$  $标普500(.SPX)$           

240206  寻日又系做得唔够好既一日，上午手痕走去赌hsi，输左较大利润，所以要切记纪律。寻晚系开市前入左SPY , 但开市后急跌，将仓位既止蚀向下拉，因此无被打中止蚀后回升，坐货黎讲止蚀太近好似打中，如果想坐大货又唔想咁易中，第一系用渐进式买货，第二推止蚀都好，又要慢慢推上去。           #SPY #HSI #赖能在野