20240604

发达前，首先要提防自己因为「黑天鹅」而爆厂。

寻晚最强流量密码，莫过于是巴郡，竟然出现$185的成交纪录，连老黄忠都出文揶揄。事后交易所取消该46股的交易，有份买到呢46股既人可以话一场空，但呢个都唔系最惨，据悉有人系巴郡停牌期间，输入市价盘挂牌，系重开后买入以市价大约5球港币成交，而本身户口系无咁多钱，即系要用「孖展」买入，但连仓都机会补既情况下，俾经纪行焗斩仓，买入卖出价差有几十万至几百万，呢班谂住衬火打劫既人，点知俾人反杀。

其实有认真做交易既人，都经历过极端情况下，交易会有问题，系会导致损失，甚至系爆厂！

所以点解进行交易时要严守一些规则，就因为系要避开呢一类情况。

好似系2020年2月中至3月底，SPX跌左3成，当时大量股票可以系一日内触及停牌机制，呢种停牌机制唔系咁多人知，尤其系作为海外人士既我地更加一头雾水，但好多网民即时系各大讨论区及群组分享懒人包，等大家都了解成个机制。今次巴郡事件情况类似，都系因某原因于交易时段停牌，然后重新开始交易，问题就系呢度，当呢种极端情况下交易，要知道有咩可能发生：

1.错价，因为错价买入比市价平的股票当然好，但因为错价而爆厂既人亦有，就好似今次咁。

2.出盘后不能成交，呢度要留意小小，因为讲紧出左买盘/卖盘挂牌而不能成交，因为大家经过股票行到市场买卖，但系极端情况下，由 个人到股票行 或 由股票行到市场 的过程中，系可以有阻碍而令出盘不能以成交，或者系出左市价盘而不能成交(我系试过，仲要系改价钱都改唔到，眼白白睇住俾人㓥...)，呢一种都系可以重创自己。

3.出盘后不能更改，同上面情况差唔多，因为又系试过改唔到盘，想买既买唔到，唔想卖又卖左。

4.孖展斩仓,股票行提供「孖展」交易额，能善用的话的确事半功倍，但亦系「催命符」，好似今次咁，如果个仓系有5球现金，真系成交左，都系买贵左，仲有变数，但如果「笃手指」，由落盘的$185，到重启交易一刻变成$650000，系统只会系落盘一刻计算杠杆比例,但一舜间成交的时候变成超额杠杆，好大可能系统会即时平仓(期指系会，我试过)，就算可以系收盘前俾你平仓，因为美股时段，身在香港既我地，都无可能即时同股票行注入资金。

以上都系真实及自己经验，既然知道问题,又可以点提防?

1.如果市况波动，要减少及停止交易，再举 SPX系2020年2月中至3月底的期间 呢个例子，VIX短时间抽上，客观表示市况波动，如果当时减少或停止买入，已经可以避免卷入该跌浪或增加损失。但好似寻晚巴郡无类似VIX 或 无期权(期权有IV，亦都系表达波动情况)咁既例子可以点?其实见到个价比平时差咁多，都知道十分波动啦。

2.了解规则，系唔了解停牌机制的规则下出一个市价盘，有冇谂过有咩后果?正所谓唔熟唔赌，呢个位就体现到。

3.合理使用孖展是十分重要，因为关系到风险、注码控制及盈利能力，仍属于可控制范围。留意可以输突及不可控制的情况就不能接受，所以我个人不支持使用杠杆产品。

如果大家有经验分享，或者有方法分享，欢迎留言。

$伯克希尔(BRK.A)$ $标普500(.SPX)$ $英伟达(NVDA)$

P.S. 最后分享多样野，叫爸爸！