（纯文字）散户之操作心德分享 多谢大家。 好耐无出文，因为大家都系钟意睇啲好Juicy、好刺激晚帖，一啲「阿婆式吟吟沉沉」既有益文字，阅读起黎更显艰涩，自然唔受欢迎，我都懒得写。 不过，突然有感，写下来，有缘人看到，好，用得到，更好，总之，多谢阅读🙏 最近老虎平台推送左一个信息，想鼓励创作者写文，其中推介左一个主题：「10万美元以下投资者的规则：股市需要注意什么？」，我都系呢个主题中既人，所以我都算有资格讲下。 其实我呢种资本唔高，但想资本翻几倍既人，一系赌一铺赢大钱，一系就学识投资之道，前者只要好运，唔需要太多技术，咁就可以一夜致富，只要唔好大贪、输突就好。后者讲求钻研，纪律、信念系有要求，要慢慢累积经验、摸索适合自己既操作风格，能持续及长久既方法。每个人各有不同，但有啲基本素因都系共通。属于后者既我，又系献下拙，讲下有乜基本因素。 第一系风险控制。 我都经常挂口边，而有几种方法做风险，最常用系止蚀，第二系注码大小，第三系用对冲工具，例如期权。 第二系风格。 最重要系操作手法，用长渣方法去短炒，或者短炒方法去长渣，呢啲都系死多过生。其次系密食当三番，定系放长线钓大鱼，一食食爆棚？边种风格都会影响操作。 第三系保护利润。 最紧要赢左唔好输突，来回赢少少已经无问题，慢慢累积就会有效果。 第四系识接受、放下。 除左赢输要接受、放下，仲有样野都要留意，就系Missing out ，要接受每一日都错失赢钱机会，否则，长期留意自己错失的机会，会令到聚焦唔到应该要留意既野。 第五系耐性/信念。 呢点尤其系长渣既时间，最能展现出黎既特性，当然呢点对于止蚀/风险管理下，系心理上要平衡两边，要花好多气力。 以上系我想讲野意见，细节唔详细讲，因为都系啲大道理，若然有唔明白，讲知多啲，欢迎发问，更欢迎分享、指教。 最后送4只字俾大家：会过去的。

多谢 @Tiger_comments 多谢 @老虎证券

要知道自己适合的投资大环境 大家好，2025年啱啱过左一半，我又分享下上半年既心得： 2025年上半年我的投资表现 上半年我对我投资组合表现十分满意，但比一众高手系远远不及，之不过能够跑赢QQQ，我已经好满足。 虽然系一件乐事，都要记住「会过去的」，极否泰来，物极必反，低潮时要忍耐，高光时要谦卑。 就好似最近一星期，接连操作不顺，分享下我做过乜操作： 呢个星期录得亏损的操作 好似过去两日，曾经买入6168 及Tsla ，但好快就止蚀离场，操作上无任何失误，有止蚀有注码控制，咁唯一可改善既地方，就系建仓时机不对，既然系咁，我地又睇睇大市先： S&P系休市前再创历史新高，每日既升跌只数表现更好，表示大市十分强劲，系呢个背景之下，我仍然录的亏损，即现况不利于我。而由我所见，我之前录得盈利既模式，系呢个时间并不适用。 大市屡创新高，但属慢升格局，成份股最为受惠，资金会分散买入各种股票，就唔会咁容易有资金集中的表现。于是，我要理解环境已转变，再回望下自己持仓： 截止今日的投资组合 我既持仓中，好似NVDA呢种，就受惠于慢升，每日都录得盈利，相反CRCL 及 OUST呢种热炒既股票，系呢段时间表现就差好多。 我今日静静咁思考，点解果两个操作既问题，好有可能就系市况唔就手，所以先会录的亏损，但无论乜原因都好，减少操作及睇市，会有帮。 今晚系美股休市，大家都可以松一松，星期一先再黎过，祝假期愉快。

多谢祝福，安心坐货。 叫爸爸！

S&P500 由今年高位 6147.43 跌到 4835.04，下跌1311.39，即系高位跌左21%，历时42日。S&P 已经升到5970.81 ，距离高位只有2.8%。你问我系 突破爆升 定 双顶回落？我知就发左达啦😂虽然不知但不猜测，我地用一啲客观数据睇睇：20250605 S&P500 VIX 截图S&P500 VIX 指数代表 S&P 500 的波动性，而家可见VIX越走越低，代表不稳定性较低。20250605 S&P 截图利用平台的趋势线功能，好明显见到系上升趋势。用呢两张图观察所得，S&P而家系一个慢升格局，而我地而家有左一个观察结果，可以假设一啲情况发生：1.VIX 如果急升，比较大机率既情况系S&P 已经急跌 或 将会有一个短期波动大既情况出现。2.S&P 收市价低于5月23日既短期低位，或者突然急跌，都系改变左上升趋势。（但不是指明会出现下跌趋势）3.如果VIX 继续保持平稳，S&P会系行一个波幅低情况。（但个人系睇好。）所以我地可以好简单做到一个Forecast ，当之后发生预计内既情况，可以即时反应再进行操作。而家既我都坐满左货：20250605 美股仓位所以慢升对于我持仓，可以话十分有利。但获利同时，都要观念市场情况，当有任何环境改变信号，就要即时反应及操作。不过唔系因为你睇到任何一篇新闻或消息，系要用一啲十分客观的数据，例如价值，如果某股票突然下跌30%，唔洗问一定有事发生，第一时间系止蚀，而唔系问点解。希望大家钟意我既分享，谢谢🙏

PLTR 寻晚亦跟随大跌，盘中一度大跌14.41%，至$95.91，收市时报$106.27。 我都趁住急跌，沽左少少货。 但我好快发现，系大市最低位时，NDX的成交量： 然后我对比PLTR的成交量： 以上是我落笔时的资料补充，而事实是我见到的是，PLTR 的成交量占NDX的1/3，当时有一个谂法是：大市大部分股票下跌，而钱会流去边度？而PLTR的成交量如此大，系咪有资金流入（因为如果系人踩人式放量下跌，应该唔止14%）？ 当然大胆假设，小心求证，系我再观察多1小时，跌势回稳，无再有放量急跌PLTR系$95.91做左底，当刻视为底部，当股价回升至$103水平，便在$102设定买入盘。 今次最主要分享系成交量的睇法及对于PLTR的乐观睇法，不是任何投资建议。 $Palantir Technologies Inc.(PLTR)$  

我早两日做左一个统计，由25年1月13日起到2月11日为止，边啲股票表现最好，其中见到，服务我地既券商 老虎证券，表现出色。由1月13日底位的阳烛，到寻晚的大爆发，已经累积43%的升幅，冲击24年12月9日的高位。虽然好多人包括我，都捉唔到呢一浸既升幅，但而亦系一个好时机。 首先强调一件事，我不是任何证监会认可人士，呢篇文所有意见纯粹个人投资经验分享，不构投资建议。 虽然寻晚收市，系图表上型成两顶，但系早前小米的教训，不能如此简单判断，反而应理解为一个机会，而且系呢度要加入主观偏见：睇好。 咁系睇好既情况下，现在既 TIGR，应如何部署？首先希望出现一个买入位，最好系1-3日的缩波缩量，咁就系一个舒服既买入位，或者系呢种短期内爆升既股票，可能连缩波缩量呢种回气位都无，今晚就再爆一支大阳烛，咁既情况下，系开市初段要留意成交量，如果发现成交量异常，可以立刻追货。 留意，以上郁系基于一个主观睇好下既谂法，咁如果我既主观谂法系错既，出现坏既结果，咁点算？我地可以系入场前，计算自己能承受既金额，注码控制风险，及必须设定止蚀，咁既话就可以防止系坏既结果出现时大败。 $老虎证券(TIGR)$ @老虎证券 

今日回顾一下，呢个大市最近期既低位。 SPX当日创下自统统大选后低位，截至寻晚升幅为5.08%，最高升幅为6.15% 恒指当日创下24年10月7日以黎最低位，较最高点跌19.66%，至截寻日由该低位升左15.2%。 美元指数由当日创2年新高后，跌左1.43%。 美国30年国债收益率，亦由当日1年高位跌左5.91%。 当日最主要既市场消息是美国12月就业报告强劲，削弱减息预期。但透过CME Fedwatch睇到减息预期一直下降中，由24年12月19日对上既一次减息后，2025年减息预期，一直指向全年减息1-2次，25年1月13日亦没有出现明显转变。证明该消息根本唔系大跌原因。但当日开始，格局已经静静转变左，大量资金流入港股，而美股虽然亦有资金流入，但弱于港股。而我有入QQQ，但好快食左糊，但原来已经企左系风口位，无把握机会，错失升幅，因为我既大局观无转变，未能及时察觉到形势转变，所以就算有持货但盈利大幅减少。 同场加映，我系1月24日出文，估计小米会出现双顶而回落，但截至今日落笔一刻，已升左18%，以此为记，欢迎耻笑。 $标普500(.SPX)$  $小米集团-W(01810)$  

20250203 「形成双顶之势」 今早SPX、NDX及RUT期货大跌，由2%至3%不等，原因不作详述，因有大量文章参考。 而参考SPX的日线图，明显见到双顶，而星期五是跳GAP高开低收，日波幅及成交量比平均大。 VIX期货亦爆升11%，但仍在200MA以下。 暂时见到AD线及升跌只数仍然偏好，但今晚美股开市后再观察。 回顾下自己讲过乜先、做过乜: 上星期讲唔系黑天鹅，只系回调，由上星期周线图睇到低开高收，算系睇中左。 当时自己睇好，都入左少少货，TSLA、QRVO、DIA及坐左一段时间既BTC，TSLA及QRVO均在业绩后一日平仓，录得小胜及小亏损，DIA更在星期五晚平仓，BTC在落笔一刻仍然持有，录得12%亏损。 对于黎紧既走势，仍不作推测，不过要留意以下几点: 第一是会否出现大量止蚀盘而成为大跌的力量，因为大跌主要原因唔系某股票被针对 或 坏消息影响，而系触发止蚀盘而形成的骨牌效应。 第二是几时见底，不过应该唔会系三五日既事，但肯定会十分波动。 第三系周线图大方向，而家睇系开始减速但仍处于上升阶段。 假设性在操作上的方向(不是任何投资建议): ‧持个股的仓位严守止蚀，一定唔可以加仓，只考虑减仓或持平。 ‧指数ETF等严守止蚀。 ‧MPF操作可以考虑减仓，在50%以下，减仓部份转入"保守基金" $标普500(.SPX)$  $纳斯达克100指数(NDX)$  $CME比特币主连 2502(BTCmain)$  

20250127 「黑天鹅真系黑天鹅？其实只系够钟回气。」 今日早上爆出DeepSeek出现令美国AI股出现明显跌幅，落笔一刻NDX期货跌2%、BTC跌4%、SPX期货跌1%，而今周仲有议息会议，暂时表面比较悲观，网络上大量Post表示对AI股票睇淡。图形上SPX创新高后收跌，而股价比50天线高2.5%，比较唔乐观，回落都几有几大的可能性。其实每一个操作前要制定出场策略，将风险带来损失控制，所以今次所谓DeepSeek的黑天鹅，系有止蚀操作下都唔需要十分惊慌。相对上我想开沽，但仍然要小心，Trump出声可以令市场气氛反转。 我持有某只服票是100%持货，尤其系大市唔就及业绩波动之下，应该考虑减仓，但我会考虑系盘前时段减持，但成交疏落下不会追价止蚀，可能要到开市才可以完全止蚀，但落笔到开市仍有9个钟，仲有好多变数。BTC持仓亦有4%亏蚀，会考虑止蚀。 $标普500(.SPX)$  $纳斯达克100指数(NDX)$ $CME比特币主连 2501(BTCmain)$  

20240124 「早大家拜个早年」 坦白讲，系2024年中开始，发觉大家对我既交易分享更感兴趣，相比下我写既短评流览流下跌左好多，所以都少左分享。但早几日收到大家对我既肯定后，我需要再努力啲，回报俾大家。 暂定每个星期最少写一个图表分享及市况观察俾大家，风雨不改。 大市方面，SPX又创ATH，而成交量不多不少，再由AD线中的升的股数黎睇，我觉得系乐观，最好保持呢种慢升风格，咁先升得安全。 NDX距离ATH仲有1%左右，呢段时间明显跑输俾SPX，可见科技股动能减慢左。 BTC就价格收窄，成交无伴随收缩，觉得会比较波动。 今个星期分享既图表系1810 小米，今日见到小米准备创新高（未创，可能创，可能唔创），但MACD无伴随。个人认为有机会系升势的尾声。 $标普500(.SPX)$  $纳斯达克100指数(NDX)$  $CME比特币主连 2501(BTCmain)$  $小米集团-W(01810)$  

多谢老虎证券支持！ 今日收到呢个奖座，系大家对我既肯定，多谢大家。 黎紧2025年会继续努力，向大家分享更多个人意见。 多谢🙏

20250108  寻晚盘前$524.5沽左少少QQQ，顺利捕捉到回调。今次同自己讲要咬实机会，食一个大浪。NDX的"一浪低于一浪"格局已成，由格局估计，QQQ目标价$505。 讲返大市，SPX、NDX都系下行通道，于通道顶阻力回调，但两者的Price range及成交量增大，可以有突然反弹既可能，所以操作上要更快更狠，先可以保持利润或不会倒输。NVDA寻晚更系创新高后Range Exposure，可留意发展追沽。而寻晚留意到SOUN，已经系高位整固，寻晚阴烛试穿，有机会大跌。BTC走势亦与NVDA相似，大成交+Range Exposure。$标普500(.SPX)$  $纳斯达克100指数(NDX)$ $英伟达(NVDA)$  $SoundHound AI Inc(SOUN)$  $CME比特币主连 2501(BTCmain)$  

$纳指100ETF(QQQ)$  呢啲图系咪令你觉得我好神呢？

多谢 老虎证券 提名🙏

20240820 「特大V型走势，有人欢喜有人愁。」 先讲大市，SPX由8月6日最低位，到寻晚收市计，已收复大部份跌势，距离历史新高只有1%，可以确认升势。AD线变为正数，SMM的数据表现更好，MACD 及 ADX都系唔洗讲，行紧一个升势。 不过今日同7月中的情况已经唔同左好多，Magnificent 7 寻晚收市价对比7月15日，除NVDA及META外，其余5只股票对比7月15日高位的距离大于4%，TSLA的距离更高达16%，可以话仲有好多重伤既股票，资金已经走左去另一D股票。 其次历史高位绝对系一个大阻力，如果SPY不能突破该位，或者假突破，必然是一个双顶，不利睇好。 再者是由用左10日就将跌幅收复，我觉得系熊市的猛烈反弹，多于牛市的利好状态，如果呢个跌由系用3-5个星期黎慢慢上，我睇好信心较大。 虽然系讲唔睇好，但不代表做淡。 系入场既同时，都要做好风险管理。 $标普500(.SPX)$