社区

㖊日无拣到货出嚟，因为出文嘅时侯未见到有方向；不过上半场最后作战室都系用淡仓做咗个上半场。

至于前日出咗嗰只 $UB-HSI @EP2608A.P(26468)$ ，放心，仲有喺手，皆因㖊日指数同出高开低走都无乜分别，如果用日线图4月8日个上升裂口底部25254点做目标/之前睇住重货牛25200至25299点全层清嘅话，就睇吓今日有无机会到啦。

今朝 $HSI(HSI)$ 高开255点后，又嚟高开低走，喺日线图上有见指数目前摆位仍然处于4月8日个裂口(25254点至25668点)呢个范围，叠加今日指数开喺小时图中轴线以下，而中轴线为25651点，借呢个位做上方量度线，作战室今日先出只淡仓做Day Trade；再望只(26468)轮价喺9点43分报0.095元，㖊日有上到0.1元㗎！但如果唔想过Weekend嘅话，咁今日之内正数，可以先走。

仲有10分钟就到10点，作战室啲淡仓见25500点穿咗几次都未穿得到，都已经有战友收咗正数走人；仲有在手嘅，就等紧25500点呢个位倒底穿唔穿到。

10点后有见指数于小时图上虽然重新低走于五条主要平均线，但抱住Slow STC(14.3)两线势头仍然向上，配埋五分钟图指数有条件企于10线借埋保历加顶线夹住向上行嘅。

以避开今日重货牛25200至25299点同25100至25199点呢两层嘅话， $DS#HSI RC2810U.C(54627)$ ，收回价25050点，同现价有约450点距离，杠杆有约47.2倍，换股比率10000，Day Trade进取借五分钟图10线守得到指数而出动；耐少少借小时图Slow STC(14.3)触底向上，睇吓过唔过得返10/20线。

最后，今日系我家老爷生日，等我一阵同我家肥猫谂吓点样简单地庆祝吓先。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。