㖊日拣咗只恒指好仓，Mark住见五分钟图上 $HSI(HSI)$ 上破得到10/20/50线呢个三线位先至出，同样借返中轴线位嚟做下方量度线，但由于啲牛证同现价距离太远，证价有啲重，不过，正数就得啦。 继续跟进只 $UBSPDRG@EC2608A.C(21737)$ ，都系嗰句：够数就走人啦；而今日系星期五，再比多个理由系唔Weekend嘅话，今日都可以清货(作战室大部份都系㖊日清晒，剩返喺手嘅都系啲风筝注，轻过羽毛)。 㖊日恒指上到28000点以上高位后出上影线，指数随即向下落返去28000点以下水平。少少似之前指数由26000点冲上27000点个位，上到但企唔稳。都系嘅，好歹都系一个齐点数嘅关口位。 喺作战室里面一早都Mark住个小时图，Slow STC(14.3)两线于超买位向下，淡仓出动先睇中轴，只不过今朝开市见指数低开高走，反冲上小时图10线位有少少吓亲，等佢上完之后见指数即缩，淡仓就出得啦。 依家9点47分，指数往下行中，淡仓在手嘅见指数反方向落穿过27700点/五分钟图嘅150线之后，可以出风筝策略。 $UB#HSI RP2803K.P(56474)$ ，收回价28450点，同现价有约600点距离够安全，杠杆有约41.6倍亦都系平时做Day Trade嘅倍数，街货有16%算啦 ，志在用高杠杆&安全距离嚟快执一趟啫。 留意住小时图中轴线啦㖞。 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 29/1作战室实况 - 想学番一招半式旁身?!作战室日日Day Trade教你技

真系好耐都无见过港股咁神勇，做咩嘢啲资金先到金市升到咁怕摸烫手山芋，所以入嚟港股?! 先睇㖊日只 $DS#HSI RC2810V.C(61524)$ ，纯綷都系向往熊证街货方向走而拣出嚟嘅，上半场都未完已经升到上27700点楼上，重货熊都真系被佢扫晒。 至于只 $UBSPDRG@EC2608A.C(21737)$ ，仍然都只系嗰一句：够数嘅自己收网可以，认为金价会再升但同时又畏高嘅，可以出风筝策略；Strone Hold都得，但要小心一旦风向逆转，有可能出现人踩人嘅情况。作战室嘅战友们呢三个方法都有人做，无所谓，最紧要大家都正数。 㖊日指数高冲破位上返去2021年年中啲高位之后，今早有见指数低开199点，报27627点，合理，大涨小回亦都无损上行方向，反正上方熊证今日重新再储过，即使比㖊日见嘅少好，但都叫做比下方距离成千点嘅牛证近。 再追街货方向打嘅话， $HS#HSI RC2811E.C(62157)$ ，收回价26775点，同现价有约890点距离，杠杆有约27.9倍，最贴价牛当中为最高杠杆，再最活跃。 依家仲有6分钟先至10点，不过指数喺五分钟图上开始见卡住五分钟图嘅10/20/50线位，乃念保历加通道横行中，Slow STC(14.3)两线触底上行到中轴水平，出好仓快嘅博埋上过中轴顶保历加顶线可以。重新等Slow STC(14.3)触底向上而出只好仓都得嘅。 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 28/1作战室实况 - 想学番一招半式旁身?!作战室日日Day Trade

先睇㖊日件Day Trade货，有拣咗只 $UB#HSI RP28049.P(56899)$ 都有借到五分钟图Slow STC(14.3)触顶向下Swing Trade一趟；大约一小时嘅持货时间平均有9.38%嘅赚幅，算是不错。 至于继续用S金Call游走于 $SPDR GOLD TRT(02840)$ ，先沽 $UBSPDRG@EC2609A.C(21117)$ ，再换 $UBSPDRG@EC2608A.C(21737)$ ，以博金价继续上。的确旧金愈来愈「热」，㖊日有大行出报告话将金价喺今年下半年牛市情况可见每盎斯5700美元。 但都不得不题一下嘅系，金价愈来愈高，开始有一种高到有少少难再攀嘅感觉，唔系佢攀唔到，而系你开始畏高；当然会知道见到金价咁上法但自己手上一滴都无嘅话会有一种「执输」嘅感觉啦，所以不妨喺注码方面做啲手脚，通过注码嚟控制风险。 指数今日开升97点后，喺作战室里面都有少少担心会唔会又嚟第四日见高开低走呢?!Plan定好仓但果然高走到26940点(五分钟图第一支烛高位)后向下再落，不过最后见五分钟图第一支烛最后变成「陀螺」后抽上，10点未到已经冲向27000点，终于今朝作战室一早Plan定嘅好仓用得到，唔驶临场变阵，10点未到先收一注。 果然27000点都真系信唔过，一扑到又企唔稳，向下回落缩到五分钟图上见到教科书式嘅「射击之星」，同步Slow STC(14.3)两线于超买位见触顶向下，系争条保历加通道，即使

上个星期五处理咗只 $UBSPDRG@EC2609A.C(21117)$ ，纯綷系因为星期五唔过夜咁解；但如果继续睇好金价嘅话，可以选择继续持有，只不过要留意返，只(21117)嘅行使价系3501元，而依家9点18分见 $SPDR GOLD TRT(02840)$ 嘅单位价格已经上到3600元，及至开市报3618元，即系话(21117)已经变成价内Call，既有时间值亦有内含价值，轮价最大嘅爆发力佢都出晒比你，所以的确系可以考虑将(21117)收网，再换上第二次新嘅价外Call(前设是继续睇好金价再上)，一来可以先行获利，用呢Part嘅盈利嚟去买下一次新嘅价外Call；二来换咗价外Call之后，可以重新喺呢只价外Call身上，再追多一次价外变价内。 $UBSPDRG@EC2608A.C(21737)$ ，行使价4058元，今年8月中到期，价外约11.67%，低引伸、杠杆吸引。 Anyway, in Gold we trust. 睇返个市，今朝指数高开后即低走，第三个交易日出现呢个情况，所以作战室亦都系第三次开市见低走后即变阵出淡仓，10点前有见指数于五分钟图低位出「锤头」后收手，先完成今日第一注爬格仔动作。 依家10点4分，「锤头」出咗嚟之后， $HSI(HSI)$ 跌幅大为收窄到几乎著返绿灯，而小时图上有见指数贴近10/50线位，Slow STC(14.3)两线保持向下，但等到依家10点14分都未见指数重新向下；换个五分钟图见指数

受世界大乱(都唔止地缘政治咁简单)嘅影响，资金不断、疯狂涌入金市避险， $SPDR GOLD TRT(02840)$ 活演「有买贵、无买错」，所以㖊日拣咗只轻微价外嘅 $UBSPDRG@EC2609A.C(21117)$ ，博金价再上多少少，将只Call推到上价内，食时间值+内含价值；但同时留意到(02840)真系大裂口向上走，随时会吸引获利盘出现而出现沽压，所以以注码嚟控制风险。 至于 $HSI(HSI)$ 方面，㖊日最后一个钟先至最精彩，3点打后三支大阳烛向上打高冲过266点楼上之后又再向下回返落嚟，呢一Round几乎系全日最容易炒嘅一Round，作战室好仓见3点后指数上过五分钟图嘅150线手痕追咗，就撞正司机闩门开车；所以话有时运气都系需要嘅。 今朝睇新闻见话美国同格陵兰单嘢好似有啲缓和，所以金价碌返落去，而恒指就暂时未如隔美美股升500几点咁爽，依家9点41分，指数开市升165点，报26750点后，喺五分钟图上出咗两粒「射击之星」嘅物体出嚟，本身谂住Mark住个好仓出去，博佢爬到入第一层熊证街货，但系都系爬唔到，依家升幅收窄至见升88点，报26674点，变阵淡仓做紧作战室今日第一注，快爬格仔收100点完咗今日第一注先。 10点后有见小时图个保历加通道口仍然收窄，喺五分钟图上见指数亦见企住喺保历加中轴位，少少尴尬企住喺中轴位，冲完又缩，缩完有支持又冲过，有啲似卡住咁。 望望只(02840)，今日返嚟单位价格都有见下行，不过㖊日都有讲过追出(21117)系有少少硬追嘅成份，如果无出到嘅，有耐性等嘅当然可以继续等你心

㖊日拣咗只 $HSI(HSI)$ 熊出嚟，目的系向下杀落去264嗰层牛证重货位，但刚刚打起只稿嗰时都已经见到嗰层牛差唔多被人食晒，到出文后再到你睇完我谂你都已经见到骨都无埋。作战室仲要喺10点半到出反手好仓，只淡仓应该都可以收埋住先。 今朝起身睇新闻见到条头系讲美国总统特朗普继续话要嗒格陵兰单嘢，下一步行动系乜?!佢老人家话卖个关子先。只不过，金价Boom一声上到去每盎斯4800美元，还记得上年大行估今年年底目标见5000美元，美讲话Q1，随时1月未过分分钟到。 睇嚟前日讲嘅 $SPDR GOLD TRT(02840)$ 「有买贵、无买错」都真系唔系错，金价被市场各种不确定嘅政治因素抢到个价愈嚟愈高，的确系有谂住等返(02840)回落返去10线位时先至出手，但似乎点等都等唔到，硬追 $UBSPDRG@EC2609A.C(21117)$ ，收回价3501元，同现价有约1.24%价外距离，杠杆有约7.52倍，轻微价外博金价再上多少少，将只Call推到上价内，食时间值+内含价值。 由于价位都真系弹咗上去，所以再三提醒如果要硬追嘅话，注码上留意一下，Set好蚀止位；而如果系直接买(02840))嘅，当呢一注系第一注亦都无坏嘅。 总之，以注码嚟控制风险啦。 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 201作战室实况 - 想学番一招半式旁身?!作战室日日Day Trade教你技术分析!直接去Patreon搜寻「cbbcwar」领取七日免费试用即市作战教室 资讯只适用于合资格的香港投资者。本文章涉

㖊日拣咗只 $UB#HSI RC2809W.C(54214)$ 出嚟，谂住借小时图Slow STC(14.3)触底上+低位出「十字星」而出；所以反过来借小时图50线做下方量度线。但可怪呢一注持货一小时到已经先指数重新向下过线，(54214)守不住亦需要止蚀离场。 睇返㖊日个五分钟图有见大约26550点呢个位出到底线，而㖊日嘅高位一个比一个低，「三角形」行咗出嚟，行足一日，谂住今日会好啲啦，结果今朝微跌19点，开市后玩灯掣玩到依家9点42分，都系得30至40点水位，方向未有仲要接住㖊日个「三角形」继续行落去，有继续等。 依家9点50分，暂时都只系喺作战室做咗啲偷30点嘅Trade，有望过下啲个股，今日最醒神嘅应该都系只 $POP MART(09992)$ ，回购嘛，一抽抽成接近一成，比个位佢威下啦。 等到10点左右见指数已经向下破咗㖊日嘅底线位，作战室有战友淡仓掟出，但咁嘅市场唔敢坐得太耐，真系几十点唔食就无嘅市，点敢坐?! 系想借小时图指数于10/50线前出上影线+见阻力位出现，同埋指数喺10点后都入到重货牛区而出淡仓，但要提一提嘅系，小时图嘅Slow STC(14.3)已经落到超卖位，但保历加通道口未见拓阔，所以都要预一预指数有机会系借保历加底线同10线夹住指数行；即触底Swing随时出现。 $DS#HSI RP2804M.P(56668)$ ，收回价2700点，企住喺27000点感觉安全啲，杠杆有约60.5倍，为同一收回价中最高杠兼低街货。 依家10点13分，重货牛得返30点生命值左右，向下再扫仲有货嘅，但提多

上个星期五拣定咗只好仓出嚟，谂住出文后会见到 $HSI(HSI)$ 差唔多落到小时图10/20线先到支持啦，谁不知无支持不得止，连喺五分钟图Slow STC(14.3)揾个位出嚟做触底嘅Swing，等到下半场开市之后都没有，叠埋心水等收市；不过作战室系有淡仓开出，借五分钟图10线同保历加底线夹住指数向下，直至到指数上破10线为止。 睇返日线图，已经连续四日指数上到27000点楼上但系收市计都系要碌返落去27000点楼下，由原先嘅「楔形」变成「圆底」上到颈线遇阻嘅形态，依家9点19分见期货跌紧200几点，已经Mark定日线图嘅10/20线。 今朝睇新闻都真系见世界大乱，呢度打仗未完嗰度又示威，一阵嗰边联合抗议...怪不得啲金价你咁抢高，作战室系有战友一直Keep住只 $SPDR GOLD TRT(02840)$ 嘅Call，唯之前走咗但想上返车，见(02840)单位价格一直向上走无回过咁滞，唔通连(02840)都玩「有买贵、无买错」?! 恒指今朝低开203点，开市计26641点之后有见再向下走，开市后唔驶1分钟将26600点都队穿埋，即系熊证首两层街货都已经全数被收回，而重货牛亦因此由第四层街货位向前移至第二层街货位，作战室今朝都以淡仓作，但第一注往往都系试水温mode，所以都系数住格仔咁做。 博下行嘅系纯綷往街货方向走，但都真系要小心依家9点51分，五分钟图Slow STC(14.3)开始出触底上去，如果出文后到你睇完时见到佢保持向上嘅话，咁 $UB#HSI RC2809W.C(54214)$ ，收回价26200点，同

㖊日拣咗只 $UB#HSI RP2802Q.P(59135)$ 出嚟，出文时都已经先指数由272楼上向下落紧，五分钟图Slow STC(14.3)亦已经向下，(59135)杠杆都有约超过50倍计，借五分钟图嘅Slow STC(14.3)做Day Trade走一趟，平均都有15.2%正数执到。 呢期美股业绩期开始，啲银行股都陆绩公布业绩，公司业绩造好亦令美股隔晚择抽高，带动埋港股今朝都抽上。作战室即使今朝都Plan定出好仓，但都先借小时图㖊日平线位/保历加顶线位，估唔到一开即到，变相抢淡仓成为今日第一注。 「会唔会又系上到27000点楼上之后，最后都系企唔到喺27000点收市架?!」咁呢个要4点收市后先知，依家9点42分，见 $HSI(HSI)$ 高开高走后回返落去今朝开市位，再穿埋，咁作战室都索性淡仓出去算。 再睇小时图都有见指数于高位行出「射击之星」出嚟，但呢个样未定嘅，因为依家都只系9点46分啫，Slow STC(14.3)两线亦保持势头向上。 相信出得文再睇完者已经系10点后嘅事，仍然留意住指数高开高走后下行落返小时图10/20线位之后见唔见支持。 假如到出文后你睇完见小时图10/20线守得住指数嘅话， $MS#HSI RC2812C.C(53861)$ ，收回价26608点，同现价有约480点距离，杠杆有约60.2倍为市场上第二高杠杆牛证，所以，一旦见到小时图10/20线无支持嘅话，咁就唔好出啦；反过来借五分钟图Slow STC(14.3)做Swing Trade触底上又唔反对嘅。 作者阿珊，以技术分析专心玩轮

㖊日喺呢度无拣货，但喺作战室上半场出好仓，午前放埋只风筝出去，都已经Mark住下半场一失五分钟图10线之后就清货，安全渡过一日。谁不知一个消息出嚟，短短三分钟将指数大大力向下打170点，呢一棍真心吓亲，还好风筝喺午前出咗，都无咁伤。 不过，日线图依家见到「陀螺」伴住粒「十字星」，再加埋27000点呢粒「毒药」，今朝指数开市跌27点后直落跌过百点，依家9点34分，五分钟图条150线暂时接住指数出下影线，将跌幅收窄返，但作战室都未敢开出实仓，暂时都系出Paper Trade好仓先，因为都未系好捉得到方向住。 倾向出好仓都系睇咗个街货图先有咁嘅决定，以指数现价计，即使今朝系低开，但指数摆位同上方熊证都系近过下方牛证，而且即使第一层牛证已经见储到过千张期指街货变重货区，但上方熊证储得仲多过牛证街货呢。 10点未到已经见指数扑到上27200点楼上，过咗去年11月13日嘅高位27188点，再向前数就见10月2日嘅27381点，有无咁神?! 唔知呀，我都系睇图架咋。 观乎 $HSI(HSI)$ 上到27000点之后嘅表现，由上年10月至今计，仿佛27000点呢个位系「可以破但唔可以守」咁。头先都有讲到指数上到11月高位，日线图画咗个「大圆底」出嚟兼到颈线，呢条颈线要过到嘅话就即系27000点唔止要破，仲要企到。 $UB#HSI RP2802Q.P(59135)$ ，收回价27550点，同现价有约450点距离，杠杆有约52.1倍都已经够做Day Trade，皆因五分钟图依家(10点14分)开始见Slow STC(14.3)触顶向下，即使变返用五分钟图行Swing Trade，咁只淡仓都有用嘛。 作者阿珊，以技术分析专心玩

㖊日因为见出文时， $HSI(HSI)$ 同五分钟图嘅10线开始靠近，于是拣咗牛熊各一出嚟，睇吓指数过唔过条10线。最终见到嘅系指数低于五分钟图10线，所以系 $CI#HSI RP2805V.P(54404)$ 出动。 睇嚟27000点似乎落咗毒，指数一到即中毒，全日指数几乎下行，都真系有担心过佢会唔会痴线到补返个开市裂口。 㖊日收市后喺作战室都有Mark住小时图嘅10线，讲好若然今日指数守得住10线位嘅话，咁喺小时图上面就有条件可以Mark住指数喺小时图嘅保历加顶线同10线之间运行，如是 者Slow STC(14.3)亦都会顺返个势兜返上去。 今朝恒指开升123点，报26971点，仿佛拎住碌大柱去撞击27000点呢度大门；虽然指数势强，但面对又要过一个千点关口位时，小心啲无坏嘅。 果然，Plan定去好仓追佢再上都系无用。指数一嚟就高开低走，等咗五分钟之后作战室攻决定变阵以淡仓作为今日嘅第一注掟出，都系用住五分钟图最近嗰条10线睇住先。 10点后有见指数落到五分钟图10线，淡仓先走爬咗第一注格仔先。但暂时都有见指数卡住喺级位，有少少唔上唔落。 等到依家10点26分都只系见指数重新hea返喺五分钟图10线之上，计过暂时高低位得133点，本身见指数重上五分钟图10线而画定嘅圆底博回，个圆底都变横线咁滞。 恒指系咪早两日抽插完之后太攰? 系嘅话你今日瞓啦! 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 13/1作战室实况 - 想学番一招半式旁身?!作战室日日Day Trade教你技术分析!直接去Patreon搜寻「cbbcwar」领取七日免费试用即市作战教室

㖊日拣咗只 $UB#HSI RC2810V.C(64453)$ 出嚟，借小时图20线守好而出动。估唔到守守下，过咗开市位之后系咁创日内新高，再到26400点过埋都Keep住道气继续上，只(64453)唔Lunch都够肥。而如果Hold收到收前10线走走货(以不持货过夜计)，呢一注平均鲸吞27格或50%正数。 如果你过埋夜嘅话，嘿，呢个1月你都可以提早埋数，事关依家9点13分时已经见到期货上到27000点以上，本来喺日线图画住个「大楔形」，顶线同日线保历加顶线相约，都系268左右。不过照咁睇嚟都应该会破到呢个位。 但对于吉仓嘅就真系有啲麻烦，一步到位地先让好仓沽盘出嚟收割，硬追再上唯一一个目标就系杀重货熊。喺作战室同战友数实数，见恒指熊收回价27088点之后最近嗰只就27100点，即系话如果要将重货熊全数收回的话，只要指数上到27089点就可以，唔驶见271嘅。 10点未到已经见 $HSI(HSI)$ 上到27091点嘅暂时高位，即系熊证首五层，包括重货熊已经全数被收回。呢度有相当于2389张期指街货，我谂指数今日都可以收工啦；多谢各晨咁早起身参与。 稍为休息一下啫(我谂)，指数咁样高走完一轮之后，乜图乜平均线都离晒罩，依家作战室Chur完一轮之后都一齐休息中，顺便等五分钟图嘅10线上到去指数前，系会借住嚟同埋保历加顶线一齐再上，还是穿线向下落，放松返条Slow STC(14.3)。 $CT#HSI RC2811J.C(69364)$ ，收回价26458点，同现价有近600点距离已经系全场最贴，而(69364)嘅杠杆有约

上星期五(1月9日)拣咗只 $UB#HSI RC2811Z.C(65182)$ 出嚟，出文前已经画住五分钟图「小圆底」生成颈线；但可惜出文后颈线见阻力，指数向下唯有用返平时常做嘅Swing Trade方法：见五分钟图嘅Slow STC(14.3)触底上行先至出只(65182)；再Hold到Slow STC(14.3)浮返上超买位时走人。 呢注好仓几格执到无问题嘅，问题在于时间啫，下半场都咪话唔闷，还好去到3点绒时终于都见到五分钟图嘅Slow STC(14.3)上到超买位，甩只(65182)又平均收13.33%。 今朝有见指数开升145点，报26376点。已经喺小时图上面画定啲裂口等佢向上补，但一开市就选择向下挫落去，五分钟图上见到支「超大阴烛」都唔敢追入去做淡，因为同步见下方都有平均线可能可以接得住指数。唯有等到确认指数高开低走后，借线回稳再上先至出好仓；本身Plan定都系出好仓嘅，只不过唔系开市后即追，系等多10分钟多啲先至出手啫。 $UB#HSI RC2810V.C(64453)$ ，收回价25854点，同现价有约450点，杠杆约47倍够做Day Trade，而呢只(64453)亦都系同一收回价+低街货堆中属最高杠杆。 依家10点20分见 $HSI(HSI)$ 都有几次喺26300点之间徘徊，守得稳嘅今日或者都系用(64453)做下Swing Trade好啦，所以如果出文后见到五分钟图Slow STC(14.3)有出触顶向下嘅话，咁就唔好出只(64453)啦。 呀~!题外话一下先， 仲记唔记得上个星期只

㖊日无拣到新货，皆因见前日拣嘅 $UB#HSI RP2803W.P(53685)$ ，去到㖊日都唔系有好多街货，而且比较附近收回价的，(53685)低街货中拥高杠杆，咁就可以继续用啦；BTW可能有人揸住过夜都唔出奇架嘛~ 系咪?! 喺作战室收市之后都会同大家做个覆盘，顺便睇一睇收市后出嚟嘅图，睇下有无咩可以Mark定先。㖊日就Mark定咗个小时图，因为尾二嗰支烛喺保历加底线上出「十字星」，刚好Slow STC(14.3)亦有见触底上。 而今日 $HSI(HSI)$ 都好合作，开市升过百点上到去26272点。虽然喺开市前有Plan定出好仓追上，但系见指数甫开市即见低走，所以都系选择去冲杯茶之后再慢慢等佢行顺先至出手。 10点前终于见到指数向下回落到五分钟图10线有似企住，26200点有失守过但都算快重新守得返上去，所以作战室都等咗大约20分钟先至开出今日嘅第一注货；又唔系同人比赛，怕咩等?!最紧要正数。 望望钟仲有6分钟先至10点，小时图上则见指数回落到50线后有似企住兼出下影线向上再缩多一次，10点后如果连条10线都可以重新守得返嘅话，咁作战室呢注好仓都可以揸得轻松啲。 $UB#HSI RC2811Z.C(65182)$ ，收回价25800点，同现价有约400点距离，杠杆有约51.4倍同一收回价中最高杠杆、街货又少、成交又活跃。 1分钟后10点，如果指数再爬得返上去今朝开市位嘅话，咁五分钟图上面就会见到「小圆底」生成，作战室就系set咗以过到「小圆底」颈线做今日第一注好仓爬格仔嘅目标。 如果到出文后你见到五分钟图指数已

㖊日拣咗只 $UB#HSI RP2803W.P(53685)$ 出嚟，Mark个出仓条件系小时图20线穿得过先至出动；但有条件，如果 $HSI(HSI)$ 跌唔穿小时图中轴嘅话，咁就淡不得啦。 向来呢度都系以Day Trade为主，所以只(53685)喺【月度报告】计数嘅话，都系Day Trade结算；但人人trading方法不一，如果你选择过夜嘅话，今朝恒指完U后开出26302点，跌156点，最贴价牛(26300点收回)都系得返2点生命值；(53685)开市后收半留半出风筝策略再追指数往下走杀牛，随得你。 日线图上见指数开始行出比较大型嘅「楔型」，由上年10月高位至今日，恒指有见一高低于一高，同时指数扑上高位后同日即见上影线，三次都系咁。至于下方底线就大约系2524X点左右。 作战室喺开市前都Plan定出淡仓，佢哋都唔系个个斋玩牛熊，亦都有玩期嘅，就会喺期先追。依家9点42分，指数向下再落已经将牛证首两层街货全数收回，呢两层夹埋有相当于300张期指街货。 (53685)今日睇返街货都唔系好劲，同比附近差唔多收回价嘅牛证，(53685)都仲系低街货范围中杠杆偏高，如果㖊日有在手到依家嘅，都仲可以Keep住用佢嘅。 最后，继续跟进只 $UBSPDRG@EC2609A.C(21117)$ ，㖊日上半场都仲有见到佢嘅Underlying即系 $SPDR GOLD TRT(02840)$ 做好，唯及至下半场见升转跌，今日亦有见随大市下行，虽

记得㖊日有两只货喺身。先睇 $UB#HSI RC2810V.C(64453)$ 先。 (64453)目前是借五分钟图10线同保历加顶线夹住行。出文后有一段时间 $HSI(HSI)$ 系低走于五分钟图10线，唯其后守返可视为入货位。持货至下半场见指数失守五分钟图10线，清货当完成一趟Day Trade的话，呢一趟个钟零平均执8.5格格或8.54%正数。已经拣到最贴价牛但证价都成毫子，我都无计架！ 至于只 $UBSPDRG@EC2609A.C(21117)$ ，如果㖊日见金价再高走时先食为敬嘅，Very OK，有食唔食，罪大恶极；但谂住借日线图20线作为守住(21117)嘅话，则可以考虑将下方量度线向上移至用贴啲嘅10线。Keep住换线咬紧啲先至可以追贴市场。 今朝港股低开108点，开报26601点后，有见指数于五分钟图嘅100线及150线之间上落。接近10点先至见指数有个明确嘅方向走出嚟。作战室出淡仓梦想系补㖊日个开市裂口；但拉返近现实少少嘅话，先睇住小时图条中轴线先。 $UB#HSI RP2803W.P(53685)$ ，收回价26908点，同现价有约350点距离都系近架，所以杠杆有约64.8倍，为附近收回价中杠杆最高。 但有条件，如果指数跌唔穿小时图中轴嘅话，咁就淡不得啦。 作者阿珊，以技术分析专心玩轮证，唔贪心，努力赚取我家肥猫罐罐ฅ^•ﻌ•^ฅ。 直接去Patreon搜寻「cbbcwar」领取七日免费试用即市作战教室 资讯只适

㖊日拣咗只 $UBSPDRG@EC2609A.C(21117)$ 出嚟，以借日线图10线作为出(21117)嘅条件，无Set到上望目标，只系Mark住日线图20线作为下方量度线，风险管理始终都系要行先嘅。 㖊日 $HSI(HSI)$ 都真系唔多愿郁，上到263/264之后都只系喺高位徘徊，唔通系大家都仲未放完假，仲未埋位?!作战室喺下半场勉强只系出咗一注货，但最后都系揾到个Exit位走人算，唔参与都好似无乜损失。 至于只(21117)系有条件过夜，甚至再hold耐少少嘅。 依家9点15分，恒指行紧U盘时见期货上到265楼上，作战室今朝早拣淡仓都大步啲，借返上年11月13日高位27188点嚟做上方量度线；同时亦见今日牛熊证街货图上，第一层牛证街货25800至25899点呢层系今日新增层，但都已经储到上过千张期指街货，即使今日港股未至于好似道指咁创历史新高，但呢个裂口都已经够过夜贴价牛食饱。 至于只 $SPDR GOLD TRT(02840)$ 都有见造好，虽然喺Threads见委内瑞拉嘅市民欢呼，但避险情绪升温之下，金价亦见推升。 作战室今朝都Plan定顺U盘方向走，指数开出嚟口价已经将第一层熊证街货26400至26499点全数收回，但有肉食嘅系由第二层起计。 开市15分钟昂未够就已经见到指数上到26600点楼上，即系开始食肉啦。 $UB#HSI RC2810V.C(64453)$ ，收回价25854点，同现价有约850点距离，呢层系

放假前拣咗只 $UB#HSI RC2811S.C(60539)$ ，都有Mark住上过26000点楼上任可一个位都可以收割，以上星期五计出嚟嘅平均数纯綷系为咗出文有粒数睇吓啫，相信你袋嘅会比呢个数更多；Anyway，先取今年第一注正数先啦。 另外，上星期五都拣咗两只货出嚟，分别系 $UB#HSI RP2808F.P(60576)$ 同 $UB#HSI RC2809X.C(63631)$ 。 执定两只货出嚟系因为出文时都有考虑到，到你睇完之后个市随时会变咗样，始终26000点呢个位系过年前好几次都挑机失败，所以Mark住五分钟图条10线，企得到就出好仓再追；否则当佢Swing Trade咁做。 估唔到上半场未完见 $HSI(HSI)$ 低走五分钟图10线走，平均都有20%执到；如果再持货到下半场嘅话，指数再向上杀埋重熊(261)兼再追加多一层(262)，呢啲之走嘅话都唔止20%。 Anyway，新一年第一注取正数拎个意头开心吓啦~ 不过新一年嘅国际新闻，比较吸睛嘅都真系唔多好，就系特朗普生擒委内瑞拉总统马杜罗兼「吞埋」委内瑞拉；再加上之前佢讲过话要格陵兰... 呢啲国家大事我哋一般平民系处理不能；唯一可以处理吓嘅只系用只 $SPDR GOLD TRT(02840)$ 追下咁啫。 记得放假前只(02840)都有被「袭击」嘅一日，大裂口跌杠唔多成100