㖊日无拣到货出嚟，一来无乜心情，二来市亦都无乜方向。
㖊日都有讲到，今个星期都比较多议息日，今晚/明日凌晨时间美国就会公布新一轮嘅议息结果，本以为大市今日都会好似㖊日咁吽住静待议息结果，所以喺作战室同步执定 $HSBC HOLDINGS(00005)$ 好仓，皆因一阵完上半场之后，汇控就会公布业绩，如果炒业绩嘅话，咁依家都仲有时间去执货。
至于港股方面，今朝开市后都未抢货，更加未Plan好出乜仓，皆因有见五分钟图啲技术指标摆位都系喺中轴，即系是但向一个方向走都可以，直至到9点50分有见指数向下过五分钟图日内画嘅底线，先至以淡仓作为今日第一注追出，及至10点左右见150线位有接住就已经清淡仓，100点正数应该无问题；作战室嘅步伐就系咁快。
换小时图嘅话，依家10点20分，暂时有见 $HSI(HSI)$ 被小时图嘅10线同20线夹住，而保历加通道口收窄中，安全嘅都真系确认条中轴穿得过先至再出淡仓，否则指数于收窄中嘅保历加上升通道夹住而行，位唔多亦都难做。
换个目标睇吓只象。㖊日喺《CK Chan不止是投资》嘅youtube channel里面，So Sir苏显邦前辈有提及过只汇控，我顺便帮手sort咗啲牛证出嚟啫。
今日睇返汇控股价醒到142个几，未到143蚊嘅。惯例汇控嘅业绩系喺中午公布嘛，所以单纯玩业绩嘅话，依家仲有个半钟到收市，都仲够时间嘅。
$UB#HSBC RC2809L.C(56147)$ ，收回价130元，同现价有约12.5元距离，杠杆有约12倍，为同一收回价中杠杆最高嘅牛证，低街货亦系其中一个卖点。
点解会只系话博个业绩一趟呢，而唔用佢日线图嚟做一两日货仔呢？
其实日线图用技术分析嘅角度去睇，都有一定嘅值博率，但问题在于英国嘅《财政预算案》听日就会出，因为英国嘅国家债务总额已突破3万亿英镑，所以都市传说有讲到话可能会向金融机构「开刀」，加征税项。
虽然有报告话如果系中性情况下(附加税由3%加到8%)，预计只会令汇控嘅年度利润减少约1.1%；就算加到10%，汇控嘅利润降幅亦仅约1.5%，主因汇控大部分利润贡献仲系嚟自亚洲地区(占比逾六成)，睇上去都好似系散纸咁，但系咪真系咁出，或者会唔会有新嘅玩法而系都市传说无讲底嘅?!唔知，但肯定嘅系会影响到汇控嘅走势。
所以，睇返近少少，做返 Day Trade先啦，依家10点40分见汇控小时图上到中轴位，过到得到中轴嘅有得博，过唔到嘅碌返落去五分钟图做吓Swing Trade好啦。
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。
资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。
精彩评论