上个星期五拣咗只 $CI#HSI RP29056.P(53256)$ 出嚟，谂住 $HSI(HSI)$ 会向下再落杀楼下三层，每层过千张期指街货。估唔到指数落到2280x点之后就真系唔再杀。11点打后指数喺五分钟图上见指数企返上10线后沿住10线/保历加上升通道慢慢上行，作战室都反手好仓出动
按㖊日篇文里面嘅策略，做返平时啲五分钟图触顶向下Swing一趟就算。基于指数沿住保历加顶同10线之间上行，所以Slow STC(14.3)喺朝早都比较大部份时间出超买再超买，只系估唔到佢咁升得，呢注喺呢度少输9.55%，还好作战室好仓揸过Lunch，时间换格仔。
周日喺社交媒体上得知著名股评人、人称「沈大师」沈振盈于周六晚上离世，消息非常突然，多年来其敢言及个人风格鲜明，为沉闷嘅股市世界带来不少生气；作战室都有战友post出他离世新闻，大家纷纷留言「RIP」以表不舍。
还得记小妹初出茅庐仲做紧记者时，好多时都会打电话比「沈大师」就一啲事件/个股比啲评论我写埋落条稿度，你喺电视机上面见到佢大辣辣咁嘅样，同我喺电话里面听佢慢慢讲佢嘅分析、意见，好似系一个老师咁解释比我听嘅暖男...希望你在天之灵得到安息。
嚟到10月最后一个星期，而且今个星期都有几多议息会议，包括有美国、加拿大、欧洲同日本，又上个星期插完两日之后，今个星期指数怕且都系散步mode；见今朝早恒指开升63点之后到依家9点45分，喺五分钟图上行咗个「楔形」出嚟就知，作战室暂时都仲未出仓，连出边个方向都仲度紧。
10点后作战室终于都度到位同条件开出一注细注嘅好仓，主要都系见五分钟图20线重新守得返兼Slow STC(14.3)顺得住上返去，逐个check point mark 住系用嚟度住条飞仲可唔可以hold落去，有咩事宁愿收廿点正数就算啦。
再嚟到依家10点14分，指数艰见创到日内新高，但战友都系趁呢个位走咗注好仓算啦。
指数今日难玩系真嘅，无乜心情玩都系真嘅。
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
精彩评论