思考智库 ：一名逐梦者的自我表白（持续更新中）

思考智库 ：一名逐梦者的自我表白（持续更新中）

单日毛利记录：HKD 28,591（2026.10.3）

引子：不应该 相信运气

让 让我攀高峰带著自豪

跌 谁没有跌过染著粪土

但 何惧那远处满是圈套

随著那劝告 凭著那线布

来让我看到 我碰到 我上到 到达最高

今天到老 我像那跌不到 我想做

做我命运符号 用我力铺我路途

只盼我有日会在星夜里

那天我会 含泪说声 我做到

——《李克勤 - 命运符号》

我系D45。

出到嚟社会捞咁多年，反过几次艇，又爬返上岸，人前人后可能俾人觉得好似好风光、好有吉士。但讲真，如果当年有得拣，边个想日日挨苦、成身兼几职咁搏？我从来唔系乜嘢天生奇才，亦冇神仙庇佑。如果硬要讲我有乜嘢特质，大概就系：个人好鬼死倔强，撞到个头崩额烂，仲识得坐喺地下笑自己当年真系笨实。

坊间成日有人研究我点解咁执着去搞TQQQ、写埋咁多离经叛道嘅文章。其实原因好简单——因为TQQQ同我真系好似。两个都系满身标签、日日畀人唱衰、话高风险、话随时会玩完。但我偏不信邪。人哋越话唔得，我越要剥开佢层皮睇清楚，睇吓究竟葫芦里卖咩药。

回头望返自己呢半生，由一个老师眼中木独、内向怕事嘅细路，到今日喺度写字、做投资、继续追梦，我觉得人生最得意嘅地方，系永远唔知下一秒会发生咩笑料同考验。唯有一步一脚印，凭住一股傻劲，挨过苦，行到今日。

一、被迫长大嘅第一步：多谢阿爸同渣华道嗰层楼

年少时嘅我，性格内向到讲嘢会面红。从来冇谂过，成年后第一件震撼弹，系阿爸无端端攞住个楼盘说明书同我讲：「仔，搬出去啦。公屋富户政策话你揾得多咗，交双倍租，好唔化算。渣华道呢个单位业主开价25万，印花税一百蚊，你去搞掂佢。」

就咁样，未够三十岁、仲未识世界险恶嘅我，莫名其妙孭咗一身债，正式做咗业主。后来阿妈先爆料，话本来上有个阿哥，可惜难产走咗。我成日自己喺度谂，如果当年阿哥在生，呢个撑起头家嘅重任边轮到我呢个薯仔。

喺公屋长大嘅细路，见尽嘅系咩？系师奶收风、夜妈妈有人淋红油追债嘅「港产片日常」。嗰种惊人债上身、随时无路可走嘅恐惧，系真真切切刻喺骨子里嘅。所以当年一搬出嚟，我心入面得一个好老土但好真实嘅念头：「我唔可以输，输咗真系连底裤都冇得蚀。」

周星驰话斋，人冇梦想同咸鱼有咩分别？我嘅梦想好低微，就系唔想再过嗰种畀钱银绑死、晚晚惊人拍门嘅日子。

二、为钱写稿嘅黑历史：做过几日「标题党」

人总会走弯路，或者为口奔波时做过啲连自己都想笑嘅事。

以前为咗赚最快嘅钱、最高嘅稿费，我走去帮当时得令嘅《苹果日报》写稿。嗰阵时啲标题要几夸张就几夸张，完全掌握晒所谓嘅「流量密码」。篇篇稿都爆红，甚至同另一个顶流作者「叮当码头」平排双冠军。

但夜晚收工望住部电脑，个心真系虚到爆——大佬，呢啲唔叫写作，呢个叫「贩卖花边同情绪」呀。嗰段时间赚到嘅真银，换返嚟系对文字嘅内疚。回头望，真系笑自己当年够晒市俗。

三、销量少林寺与八号风球嘅「傻仔」上阵

我份人无乜大智慧，信奉嘅得三个字：「试到啱」。

后生时去咗兰克斯乐（Rank Xerox）做销售，公司安排我去柴湾——全公司公认嘅业绩沙漠、资源荒地。冇人脉、冇底子，点算？咪用最笨嘅办法：疯狂洗楼、行楼梯。爬咗唔知几多幢唐楼、食咗唔知几多次闭门羹之后，居然俾我误打误撞开拓到市场，仲调去中环核心区。嗰阵时后生气盛，觉得自己好得米，居然意气风发劈炮唔捞。而家谂返转头，真系幼稚得嚟好笑。

之后转去 Global Sources 做 AE，老细抛畀我嘅全部都系冇人想掂嘅「猪头骨」。其中有个死客叫「Silver Star」，喺大角咀洋松街唐楼顶层，冇𨋢嘅，每次上去都要行足七层。以前仲同杂志社嘈过大交，老细辣低过狠话永不合作。

所有人当呢个客系瘟神，我偏唔信邪。点解？因为我得闲。

最绝嘅系嗰次，香港挂咗八号风球。个个同事都留喺屋企打风食杯面，我心谂：「呢个世界得我咁傻猪。」但精明嘅地方就喺度——普通日子人哋忙到晕，边得闲理你？唯独打风天，公司冇闲杂人等，老细一定困咗喺度。

于是，我真系冒住狂风暴雨，成只「落汤鸡」咁行咗七层唐楼上去。

推门入去嗰刻，个老板望住成身湿透、狼狈到极嘅我，O咗嘴问：「打风你都上嚟？」

我抹住面啲雨水，笑笑口话：「平日你咁忙，边有吉士听我讲嘢。今日打风你最得闲，我哋慢慢倾。」

就系凭住呢股挨苦、唔知丑嘅傻劲，呢张全行觉得不可能嘅单，就真系俾我签到咗。人生有时就系咁，精明嘅人往往计得太尽咩都得唔到，反而系我呢种肯用笨方法、肯挨苦去死缠烂打嘅人，杀出一条血路。

之后我沿用呢套「洗楼冷访」嘅硬桥段，主动去开发全行睇唔上眼嘅微型钟表半制成品加工厂，一个月内签单数量冲到全公司第一，拿下年度最佳推销员大奖。

四、拒绝交戏，潇洒劈炮创业

喺公司做到风山水起，偏偏遇着个成日要人「交戏」嘅上司，居然叫我将辛苦开返嚟嘅客交出嚟去分饼仔给其他人。我心谂：我系推销员，负责帮公司揾生意，唔系无线艺员，呢场戏我真系交唔落。

于是，我二话不说交信劈炮，哪怕当时月入已经过六位数。我唔钟意受人束缚，更唔钟意同庸人磨擦。离开之后，我凭住旧客陈先生（超达公司）信任，畀咗我珍贵嘅45日找数期，再加上自己日夜挨苦、省吃简用，终于喺钟表批发同之后嘅雅虎拍卖（Yahoo拍卖）杀出一条血路。

搞雅虎拍卖嗰阵，我由一个网上小白，靠住卖旧书同尾货，玩到登上雅虎十大拍卖王、做埋官方代言人，仲创下3,500个正评、0个负评嘅完美纪录。呢段经历话畀我知：挨苦唔系盲目用力，系要识得换个角度、捉紧风口，用智慧去破局。

五、遇见TQQQ，后半生的灵魂救赎与追梦之旅

大半辈子风雨兼程、从贫困到自由，本来我打算安安稳稳做一条随波逐流嘅咸鱼。直到我遇见咗TQQQ。

呢只长期被市场误解、被大众标签为高风险嘅ETF，同前半生饱受偏见嘅我简直系莫逆之交。我唔收分文、不求回报，写咗近二百篇离经叛道嘅文章为佢平反，甚至为咗打破对AI嘅盲目崇拜，同AI舌剑唇枪大战八小时，最后逼到AI心服口服认输。

好多人问我：「你咁搏命写文、推广D45金字塔投资策略，到底图乜？」

答案好简单：最大嘅回报，唔系几多流量、唔系乜嘢名衔，而系我自己。

透过一次又一次嘅实战、覆盘、同网友嘅交流，我由当年嘅盲头乌蝇，变成今日底气十足嘅投资者。更难得嘅系，我在老虎社区获得咗前所未有嘅共鸣同高度肯定。呢种「舍得」带来嘅心灵富足，比赚几多钱都更令人快乐。

结语：追梦的路，永无止境

撰写呢篇半生回忆录，我从不打算包装自己、塑造完美人设。D45从来唔系圣人，我好胜、我执著、我敢挑战权威。所谓嘅失败，只系不断试到啱、不断挨苦换返嚟嘅经验。

我原创嘅D45金字塔投资策略，全部经得起真金白银嘅实盘验证。世上没有天生赢家，只有敢于造梦者；至于天生输家，甚么都没胆试嘅，才是。

炒股票与写文章是我毕生嘅嗜好，也是快乐的泉源。透过D45系统平台，我哋会继续一往直前、继续追梦，共享创富荣华！

D45所有文章｜我持续买入TQQQ的理由（终极四核心完整版：长揸＋短炒＋信念＋信仰）2026‑9‑21｜D45 :十六年，八次分割，一个人的觉醒｜十六年分割八次的隐性股皇｜离经叛道：开枝散叶百子千孙论TQQQ拆细后产生的复利效应｜D45 : 我已令 AI 输得『心服口服』兼认『冇品』--香港,加油!｜D45：掌握旋律 成就非凡｜历史一再证实TQQQ是稳赚不赔的长胜将军｜TQQQ定投回报竟比QQQ高的爆冷原因：多数投资者看不懂的隐藏优势｜思考智库:2026‑10‑10‑2｜两个低调高手：意外封皇的真实故事｜D45系统｜实战入心流完整心法｜无偿工作，为我带来的「无价回报」｜《别人笑我太疯癫，我笑别人看不穿》嘅分享奥秘｜从图表永远寻找不到能颠覆你认知极限的 TQQQ 绝对优势｜D45 TQQQ专页44篇文章精华浓缩完整版（原装旧版）｜人**便无敌：从SQQQ十六次合股保命，看穿TQQQ所谓「清零」的真相｜D45 今次福至心灵逃过一劫，需要㓥鸡还神！(本篇日志将随着追梦旅程持续更新……)