㖊晚同我家老爷&老楼师兄三个人去咗一间喺我哋居住区附近开咗几年但从未入过去嘅一间串烧店度食饭，对于我嚟讲，因为间铺饮酒嘅多，而我家老爷又唔会一个人饮闷酒，所以近到离条马路但我哋两老从来都无入过去；老楼师兄又钟意试新嘢，就系咁凑咗个局出嚟，唔系玩到好夜㗎咋，不过见到师兄又笃波又同隔离台个哥哥唱K，仲约埋下次再同哥哥一齐唱咁开心，餐饭贵少少都值嘅。
睇返恒指，㖊日咁跌法都真系有人欢喜有人愁。㖊日再来多一次淡仓，拣咗只 $HS#HSI RP2902M.P(69556)$ ，本以为23000都会守下，但脆弱到如纸门，一笃就穿，只淡仓去到底虽然日内都只系执到接近7%正数，主因是绝大部份嘅跌幅都系首一个钟之内，而按Patreon出文后都已经系10点半嘅事，所以慢活嘅情况之下，只熊变相唔系有好多格执得到。
及至今朝恒指开市价比返盏绿灯出嚟，的确系喺作战室Plan定第一注系出好仓，睇佢技术分析出唔出到反弹样，但等到就嚟10点有见指数扑返上23000点之后被向下压得好急，再加埋今日牛证再储多三层每层有过千张嘅期指街货牛证，足料过楼下M记个Under the Castle安格斯包包，于是变阵第一注出返淡仓再追杀下面啲街货；果然，技术分析 VS 街货嚟计，都真系街货赢面大少少。
10点后有见 $HSI(HSI)$ 低位做过22807点，开返版恒指熊证load晒啲货出嚟，再揾返22800至22899点呢个范围嘅熊证睇，依家10点14分，收回价22800点嘅熊证仍然生存中，只不过落到2280x点几次都仲未穿，认真无耐性嘅先收割做第一注正数无人会怪你。
再嚟到10点22分，22800点真系未穿之后指数向上抽返高，不消一分钟指数又再反抽向上，好明显牛熊两边都系度玩紧复仇者联盟，动作慢啲都死。
以现时计，五分钟图保历加顶至底线都有200零点高，但依家又抽返上中轴，先比只 $CI#HSI RP29056.P(53256)$ ，收回价23868点，同现价有逾千点距离，杠杆有约23.5倍为全场最高，做返平时啲五分钟图触顶向下Swing一趟好啦。
再出淡仓系因为唔信好仓会做得到啫。
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。
精彩评论